قنبلة 2009 بالصور وكل التفاصيل: الإيرانية سايبا برايد تخترق الاجواء المصرية !!

**sadeek** · 21-01-2009 09:05 PM

ايه يا جماعه مفيش حد جاب العربيه غير توفيق ولا ايه هى سوقه مش ماشى كدة محدش قلنا عن نظام الكبالن فيها مش ممكن دة يكون عيب والسلام

**Ahmed Hamdy** · 23-01-2009 12:45 AM

اللى كانت نازلة من سنتين تقريبا تبع شركة الأمل كانت اسمها سايبا سابا .. كانت شبه البرايد بالظبط وبصراحة كان شكلها وخاماتها معقولة جدا .. ولما سمعت انها حتنزل كنت فاكر ان هى هى اللى كانت نازلة قبل كده .. وكنت متحمس لها وناوى أشتريها .. بس بصراحة لما دى نزلت وشفتها معجبتنيش .. القديمة كانت أحسن بكتير ..

بس طبعا ربنا يبارك للى جابها وتطلع كويسة وأحسن مما كنت أتخيل ..

**moataz200730** · 23-01-2009 03:39 AM

يا ريت يا جماعة حد يعمل مقارنة ما بين العربية دى و اللادا 2107 و الماروتى و السبارك من حيث كل حاجة من حيث قوة الموتور و من حيث الصالون و كل حاجة

**أبومعاذ** · 23-01-2009 02:33 PM

المشاركة الأصلية كتبت بواسطة Ahmed Hamdy

اللى كانت نازلة من سنتين تقريبا تبع شركة الأمل كانت اسمها سايبا سابا .. كانت شبه البرايد بالظبط وبصراحة كان شكلها وخاماتها معقولة جدا .. ولما سمعت انها حتنزل كنت فاكر ان هى هى اللى كانت نازلة قبل كده .. وكنت متحمس لها وناوى أشتريها .. بس بصراحة لما دى نزلت وشفتها معجبتنيش .. القديمة كانت أحسن بكتير ..

بس طبعا ربنا يبارك للى جابها وتطلع كويسة وأحسن مما كنت أتخيل ..

على فكرة هي هي نفس العربية اللي كانت بتنزل عند الامل ومن نفس المصنع الايراني و الاتنين تقفيلهم متوسط

**Khalid_Mostafa** · 26-01-2009 09:31 AM

المشاركة الأصلية كتبت بواسطة ruqi

هي مركب الـ لالا ناقصة ..... ؟؟

واضح إن السوق المصري أصبح صندوق نفايات الدول اللي بتحاول تبقى صناعية ويا ريت بندفع فيها شوية

من البولونيز للسايبا 30 سنة من البلاوي اللي بتتحدف علينا
إهدار لثروة الوطن وفي الأخر عربيات بتترمي في أقرب خرابة

إيران إيه اللي لو طالت رقبتنا لكانت قطعتها اللي حنمي صناعتها بفلوسنا ؟؟؟

انا مش عارف إيه لازمة التعليقات السلبيه دي ..الراجل بيتكلم عن عربيه ومالوش دعوه بأي إتجاهات و معتقدات ...ثم يا اخي مهو السوق مليان عربيات امريكية و اوروبية و الناس عماله تشتري..من فضلك مفيش داعي لخلط الحابل بالنابل

**abou_ruqi** · 27-01-2009 05:27 PM

المشاركة الأصلية كتبت بواسطة Khalid_Mostafa

انا مش عارف إيه لازمة التعليقات السلبيه دي ..الراجل بيتكلم عن عربيه ومالوش دعوه بأي إتجاهات و معتقدات ...ثم يا اخي مهو السوق مليان عربيات امريكية و اوروبية و الناس عماله تشتري..من فضلك مفيش داعي لخلط الحابل بالنابل

بلاش يا سيدي السطر الاخير من مشاركتي مع ان مافيش فرق ين اللي انا قلته واللي انت قلته
انما بزمتك دي عربيات يدفع فيها فلوس ؟؟

طالما كده كده الصناعة مش وطنية ، يبقي نركب حاجة محترمة بقه

**ADELHASANALSHAAIRYN6** · 27-01-2009 05:30 PM

اللى بيشترى عربية زيرو بيفكر دايما انها اختياره لاخر العمر ولاينظر لموضوع الفئة السعرية باهتمام لان التقسيط تخطى النقطة دى - وبحياد تام انا على سبيل المثال لو دفعت ثمن السيارة دى مقدم قسط لعربية فيرنا 1600 مانيوال كاملة نحسب المكسب قد ايه : موتور الفيرنا جبار وبيعيش 500000 ك.م. لايقارن بموتور ايرانى عديم السمعة وخارج اى منافسة - عفشة الفيرنا تعتبر الاولى بالنسبة لظروف بلدنا وعن تجربة الاف المالكين لها - شكل الفيرنا اشيك واجمل وارقى- صالون وشنطة اوسع وانظف بكتير قوى - مراكز صيانة متعدش وقطع غيار خارج اى احتكار - ضمان استمرارية لسنوات قادمة - سعر اعادة بيع مجزى - شعبية لم تحصل عليها اى سيارة فى مصر - يعنى مش هتخسر فلوسك - فكر فى كل دة قبل ماتشترى اى عربية مهما كانت رخيصة - انا اخترت الفيرنا لان سعرها الاقرب لتلك المسماه سايبا وهى فعلا اسم على مسمى ولا تنسوا انها اساسا ماجوسية

**ADELHASANALSHAAIRYN6** · 27-01-2009 05:35 PM

لا فض فوك يا اخ ruqi

**ahmed1981** · 27-01-2009 11:58 PM

المشاركة الأصلية كتبت بواسطة ADELHASANALSHAAIRYN6

اللى بيشترى عربية زيرو بيفكر دايما انها اختياره لاخر العمر ولاينظر لموضوع الفئة السعرية باهتمام لان التقسيط تخطى النقطة دى - وبحياد تام انا على سبيل المثال لو دفعت ثمن السيارة دى مقدم قسط لعربية فيرنا 1600 مانيوال كاملة

لكن لا ننسى أن مبدأ التقسيط غير مقبول عند الجميع
فالبعض يرفضه للبعد عن الديون أو لصعوبة وجود تقسيط مباشر إسلامي
وفي هذه الحالة السعر هو المتحكم
يبقى هتتباع وهتنتشر طالما سعرها مناسب
هذا إذا إفترضنا أن سعرها مناسب

-

مشاهدة نتائج الإستطلاع: ما هى توقعاتك للسيارة "سايبا برايد" في السوق المصرى ؟؟

الموضوع: قنبلة 2009 بالصور وكل التفاصيل: الإيرانية سايبا برايد تخترق الاجواء المصرية !!

LinkBack

أدوات الموضوع

عرض

-

-

-

المواضيع المتشابهه

كتالوج برايد سايبا 2009 ؟

سايبا برايد 2009 للبيع بحالة ممتازة

سايبا برايد 2009 للبيع

كيا برايد (سايبا برايد الجديدة)

كيا برايد تعود من جديد بإسم سايبا برايد بسعر الطراز الأول 46500 (الاخبار 27\12\2008 )

الكلمات الدلالية لهذا الموضوع

المفضلات

المفضلات

ضوابط المشاركة