هى باور ولا هاف باور
هى باور ولا هاف باور
هى حتنزل امتى ؟؟
أنا جبت أهرام الجمعة اللى فاتت وأخبار اليوم ومتوقع ألاقى إعلان عنها فى ملحق السيارات هنا أو هنا بس ملقتش حاجة .. !!!
يا جماعة انا لسه جاى من عند ناشيونال موتورز الكائن بشارع الطيران وعلى فكرة تم فتح الحجز اليوم وبصراحة عربية تحفة على ثمنها بس انا محتار بينها وبين اللانوس الشيفر هذا مع الاخذ فى الاعتبار فرق الثمن لانى اخترت البرايد الرياضية وثمنها 53500 واللانوس 70000 فهل فرق الثمن وهو ما يقرب من 17000 يستاهل :36_3_18[1]:
هو بيقول من سنتين يعني هو كدا كان معاه الايراني برضو اللي كانت بتنزل من شركة الأمل توكيل اللادا
العربية دي الهاتش باك منها مع واحد صاحبي وهي كويسة بس مش جامدة اوي بس مفيش وجه مقارنة بينها و بين العربيات اللي في نفس الفئة السعرية سواء ال a113 او الالتو
البرايد سيدان معايا بقالها كام شهر كدة, عربية ناعمة و جراية و جميلة جدا عيبها الى انا لاحظتة هو ان بلى العجل بيخشن بسرعة مش عارف لية لكنة بيتغير كل كام شهر على حاسب كلام الميكانكية, غير كدة عربية رخيصة و كماليات و كمان اقتصادية و قطع غيارها موجودة باسعار كويسة, انا اشتريت بتاعتى موديل 2000 50 الف كم كاملة مابنيول و هاف باور كاوتش و بطارية و عفشة جديدة ب 36 الف جنية و الحمد الله العربية ماشية معايا كويس, بس انا لاحظت ان المصرى و الكورى منها المستعمل ماسك سعر عن الايرانى يعنى ممكن تجيب واحدة ايرانى مو ديل 2004 ب 39 او حتى 38 مع انها انجكشن, اتوقع نجاح متوسط للعربية دية و خصوصا ان سعرها معقول جدا بالنسبة لاسعار الصينى الى مش معروف عنة حاجة زى ال ايديا و الشيرى و البيرى و كل الميكانكية عرفها يعنى مش لازم توكيل
معظم التكسيات فى سوريا و ايران من العربية دية و ناجحة جدا كا تاكس و اعرف و احد مشغلها تاكس فى العريش شاكرلى فيها اقوى بس موديل 99 و 2000 و كان شاريهم ب 34 الف بس رشة و ماشية 90000
ذي البرايد القديمة بس الماتور أنجيكشين
فبالتالي نفس قطع غيار الكيا برايد
فعلا أنا جبتها من الأمل اللي يعتبر أسوء توكيل في المجرة بس الميزه إن إي ميكانيكي ممكن يصلحها
علي فكره العربيه معايا بقالها سنتين و ماشي بيها حوالي 60 ألف كيلو و بسافر بيها كتيير
المرة اللي فاتت لما نزلت البرايد الايراني كانت اكبر مشكلة فيها التوكيل و المرادي اعتقد نفس الموضوع لان ناشيونال موتورز كان في شكاوي منهم قبل كدا على كونتاكت كارز رغم انه كان مجرد موزع معتمد فهل ياترى هينفع يبقى توكيل محترم وهل عنده اماكن للصيانة محضرها عشان العربية
طيب أنا محتار ما بين انى أجيب عربية مستعملة فى حدود 40 - 45 (ده اللى ممكن أوفره كاش) زى رينو كليو مثلا وحتبقى تقريبا موديل 2003 أو 2004 - أو إنى أجيب البرايد دى زيرو (أدفع جزء وأقسط الباقى) ..
أنا عارف إنى ممكن أجيب عربية مستعملة امكانياتها أحسن من البرايد بس بقول زيرو أحسن من المستعمل لانى بصراحة اتعقدت من العربيات المستعملة .. !!!
رأيكوا ايه ؟؟