مستوى البنزين فى التانك

**shoayman** · 22-08-2007 04:52 AM

صح كلامك هو دة الى اقصدة

**hazem_khidr** · 22-08-2007 05:03 AM

صح كلامك هو دة الى اقصدة

يبقي ما اتخلفناش :)
الخلاصه:
مفيش سبب علمي ما يخلناش نفول العربيه لحد الاخر.
لو موضوع التمدد و الضغط الفايظ بيقوم بتسريب الهوا الناتج و مفيش اي مشاكل.
لو حاكيه الظور حيتاكل سواء كان معدن او بلاستيك دي ما اعتقدش علشان كده كده البنزين بيعدي عليه و غير كده انا ركبت موديلات كتير من 70 و انت طالع :) ما صادفني مشكله زي دي خالص رغم قدم العربيه.

**Nader** · 22-08-2007 10:19 AM

الخطر الوحيد يا حزووم ان يكون عامل البنزينة حمار "ويدلدق" البنزين بعد ما يتملي التانك ويفيض، دة بيضر دهان العربية بشدة، وممكن لاقدر الله ان يتسبب في حريقها بمن فيها.

**mohamed yousry** · 24-08-2007 09:21 PM

خاصة اذا كانت نوعية رديئه ( زي طلمبة الاكسنت الموديلات الاخيرة )

اتفق تماما معاك فى هذا الرأى... لانى كنت بسيب العربية تفضى بنزين والطلمبة باظت بعد 10 الاف كيلو وبعد ما غيرت الطلمبة بقيت افول عندما اصل للنص والحمد للة العربية بقيت تمام.........

**محمد ابراهيم 1** · 26-08-2007 02:29 AM

المسأله بتختلف حسب تصميم ومكان طلمبه البنزين فالطلمبه اللى بتركب فى التنك بتتأثر بمستوى البنزين اللى فى التنك
لكن الطلمبه اللى بتكون راكبه فى المحرك لا تتأثر بمستوى البنزين فى التنك

**oshy** · 26-08-2007 08:21 AM

الله عليكوا بجد أنا أول مره أعرف المعلومات دى و بجد دى حاجه مش غريبه بالنسبه لهاوى زيى جنب ناس محترفين و خبره زيكوا متشكر أوى يا جماعه :D :D

**m_aash** · 26-08-2007 10:18 AM

دائما أى نقاش بيعود على الجميع بالمنفعة و الفايدة و معلومات وخبرات حتى لو بسيطة فهى مفيدة ولو لعدد قليل من اللى بيشاركوا و يقروا المواضيع.
جزاكم الله كل خير.

**S H @ F T** · 30-08-2007 03:36 AM

أنا اسف يا حماعة
بس كل الكلام الل اتفال مالوش أي أساس علمي
أولا موضوع الشوائب ده مش صح في حالة الانجيكشن عشان في كلا الحالتين عمر الطلمبة ما بتوصل لاخر التنك حتى لو العربية شطبت بنزبن
أما في الكاربيراتير ممكن
ثانيا لما المستوى يقل عن الربع خطر جدا على الطلمبة عشان في العربيات الانجيكشن طلمبة البنزين عبارة عن موتور كهرباء والتبريد بتاعه هو البنزين
فلما التنك يفضى كأنك خليت الموتور شغال من غير تبريد وبالتالي مع الوقت وتكرار الموضوع ده بيبدأ الموتور يسخن ويحمص
وبالتالي الطلمبة تقفش