كبس الموتور

**samirayad** · 05-01-2009 06:27 PM

المشاركة الأصلية كتبت بواسطة kh_fawzy

العربيه النترا 96 عامله 270000كيلو

تقريبا كدة الرقم الكيلومترى كبير ويقترب من مرحلة تغيير طقم شنبر .....وبكدة ممكن يكون الخلوص بين الشنبر والبستم....هو اللى بيؤدى الى هروب نسبة من الزيت الى غرف الحريق وبالتالى نقصان الزيت مع الاستعمال .....وبالتالى يمكنك تغيير نوع الزيت حاليا الى نوعية ذات لزوجة أعلى وذلك للحد من فقدان الزيت خلال غرف الحريق وخلينا نستبعد حاليا هروب الزيت الى الغرف من خلال دلايل الصبابات (أى من منطقة سيل الصباب)لأن الأحتمال الأقوى هو أن الزيت بيهرب جزء منة من خلال الشنابر

**Adham** · 06-01-2009 10:48 AM

لو الكرنك مبوش حاتسمع ترزيع في صوت الموتور (خشانة جامدة عالأقل) و تلاقي لمبة الزيت بترعش و انت ماشي و تفضل منور شوية بعد الدوارة الصبح نتيجة انخفاض ضغط الزيت زي ما الأخ سمير عياد قاللك

و دة يبقى محتاج عمرة (خرط كرنك و طقم سبايك و شنابر و ربما شمايز و بساتم و صبابات كمان و ساعتها يبقى الاسهل و الأرخص و الأنضف موتور استيراد)

**kh_fawzy** · 06-01-2009 10:49 AM

نوع زيت ذات لزوجة أعلى زى ايه

**piezo** · 06-01-2009 01:24 PM

فين احسن محطه بتقيس كبس الماتور

**kh_fawzy** · 06-01-2009 04:02 PM

طب انا ماعنديش اى حاجه من الحاجات دى ازاى قالى بوش فى عامود الكرنك

**samirayad** · 06-01-2009 06:14 PM

فى القرارات الجوهرية مثل المشاكل التى تطلب عمرة محرك...لاتكتفى برأى ميكانيكى واحد...وسيب اللى يقول يقول....مايمكن عاوز يعمل شغل عليك.....أسأل أكثر من واحد وأنتقى الأمناء...وبعدين ما أنت اللى معاصر الحالة وتقدر تحكم هل هنك تغيير فى الأداء للأسوأ أم لا......

المشاركة الأصلية كتبت بواسطة kh_fawzy

طب انا ماعنديش اى حاجه من الحاجات دى ازاى قالى بوش فى عامود الكرنك

**MohabSaeed** · 07-01-2009 03:02 AM

المشاركة الأصلية كتبت بواسطة samirayad

طبعا بوش الكرنك الزائد (الذى يولد رزع أثناء دوران المحرك)....خطر جدا من الناحية الفنية.....لأنة ببساطة دليل على انخاض ضغط زيت التزييت....ومؤشر عن اقتراب ضغط الزيت الى مرحلة قد تؤدى الى انهيار فجائى للضغط وبالذات مع زيادة درجة حرارة التشغيل وبالتالى قد يقفش المحرك لاقدر الله........والحل هو تفوير االمحرك وتغيير سبائك التحميل.................

المشاركة الأصلية كتبت بواسطة Adham

لو الكرنك مبوش حاتسمع ترزيع في صوت الموتور (خشانة جامدة عالأقل) و تلاقي لمبة الزيت بترعش و انت ماشي و تفضل منور شوية بعد الدوارة الصبح نتيجة انخفاض ضغط الزيت زي ما الأخ سمير عياد قاللك

و دة يبقى محتاج عمرة (خرط كرنك و طقم سبايك و شنابر و ربما شمايز و بساتم و صبابات كمان و ساعتها يبقى الاسهل و الأرخص و الأنضف موتور استيراد)

شكرا لحضرتكم استاذ سمير , استاذ ادهم على المعلومات " المفيده جدا " ربنا يستر الموضوع ده لو حصل حيتكلف كتييييييير جدا و اعتقد من الافضل تغير الموتور .

بس ايه الى ممكن يخلى الكرنك يبوش !!

**shoudy2005** · 07-01-2009 02:09 PM

طيب معلش سؤال بسيط هو ليه لما الكرنك يبوش ينقص الزيت مش اللى بينقص الزيت هو هروبة من الشنابر؟

**samirayad** · 07-01-2009 03:06 PM

المشاركة الأصلية كتبت بواسطة shoudy2005

طيب معلش سؤال بسيط هو ليه لما الكرنك يبوش ينقص الزيت مش اللى بينقص الزيت هو هروبة من الشنابر؟

بوش سبائك الكرنك ....يخللى الزيت يهرب الى الكارتير وضغطة يقل فقط...وعمرة مايقلل الزيت...أما زى ما أنت قلت اللى يقلل الزيت ....هو هروب الزيت الى غرف الحريق اما من خلال الشنابر أو من خلال سيل الصباب