الي خبراء التثمين جين 2 ؟

**ahmed_gamal** · 07-01-2009 01:52 PM

المشاركة الأصلية كتبت بواسطة ringoo84

انا شايف انها من 65 الى 68 تمام لان انا كان معروض عليه واحده من قبل العيد بشهر ونص وكانت ب 74 اوتوماتيك و2007 وفبريكه فلو 65 يبقى تمااااااااااااااااام جدا لان فعلا في ركود جاااامد بعد دخول السنه الجديده وتعدي على المعارض تلاقي العربيات زي ماهيه.......وده فالجديد كمان موش المستعمل بس .....
وربنا يعملك الي فيه الخير.........

انا راي من راي حضرتك

**ahmed_gamal** · 07-01-2009 01:56 PM

يا جماعة انا عايز اوصل لمتوسط هو البيع عرض و طلب هو قال 70000 انا اقول كام علشان مبقاش جيت عليه
ولا هو جه عليا
انا اللي مشجعني انه قريبي وانا عارف العربية و كده و شايف اني لو صبرت و دورت ممكن اجيب بسعر اقل
و بردو محدش بيبيع بالسعر اللي هو عايزه في ظل الظروف الحالية

**ahmedsiyam** · 07-01-2009 02:07 PM

انا شايف ان السعر كويس خاصة انها اوتوماتيك

و عايز رايى ماتجيبش زيرو لان الجين 2 خسارة فيها فلوس الزيرو و كلها محصلة بعضها لانها عربية مكلفة و بتصرف و اوعى تفكر انك لما تجيبها زيرو موش هاتصرف دى موش عربية يابانى و لا المانى فى الاخر صناعة ماليزية متواضعة و طعم الزيرو نادر لما تحسه فيها

ربنا يوفقك لما فيه الخير

**khpopo** · 07-01-2009 02:16 PM

المشاركة الأصلية كتبت بواسطة ahmed_gamal

بردو نفس السؤال
حضرتك شايف انها بالسعر ده تبقي لقطة (70000) ؟

ايوة كويسة كدة لو رشة اجزاء وصيانة توكيل وحالتها كويسة ممكن تكشف عليها فى عز لكن كدة كويس مش ظالم صاحبها ولا ظالم نفسك

ربنا يوفق

**gagareen** · 07-01-2009 06:53 PM

لو خلصت على 70 برده انت الكسبان ..

**r2tarek** · 07-01-2009 06:54 PM

انا من راى ده قريبك شوف هو شارى العربيه دى من سنه وعمل بيها 20000 كيلو وكمان اتوماتيك وانت بتقول 70 الف كتير العربيده تمنها فوق 90 الف انا شايف انت 70 كويس جدا عليها ونصيحه انزل المعارض واسال عليها وشوف سعرها على فكره انا شارى العربيه دى من 3 شهور موديل 2008 98 الف كامله وهى عمله بالظبط 6000 كيلو ايه رايك لو حبيبت ابيعها اطلب كام ؟

**ahmed_gamal** · 07-01-2009 08:16 PM

المشاركة الأصلية كتبت بواسطة ahmedsiyam

انا شايف ان السعر كويس خاصة انها اوتوماتيك

انا متشكر جدا لراي حضرتك

و عايز رايى ماتجيبش زيرو لان الجين 2 خسارة فيها فلوس الزيرو و كلها محصلة بعضها لانها عربية مكلفة و بتصرف و اوعى تفكر انك لما تجيبها زيرو موش هاتصرف دى موش عربية يابانى و لا المانى فى الاخر صناعة ماليزية متواضعة و طعم الزيرو نادر لما تحسه فيها

ربنا يوفقك لما فيه الخير

انا مقتنع بالكلام ده طبعا و انا بفكر كدة فعلا
وشاكر جدا لحضرتك

المشاركة الأصلية كتبت بواسطة khpopo

ايوة كويسة كدة لو رشة اجزاء وصيانة توكيل وحالتها كويسة ممكن تكشف عليها فى عز لكن كدة كويس مش ظالم صاحبها ولا ظالم نفسك

ربنا يوفق

تمام يا باشا الف شكر

المشاركة الأصلية كتبت بواسطة gagareen

لو خلصت على 70 برده انت الكسبان ..

مش عارف ليه مش شايف كده

المشاركة الأصلية كتبت بواسطة r2tarek

انا من راى ده قريبك شوف هو شارى العربيه دى من سنه وعمل بيها 20000 كيلو وكمان اتوماتيك وانت بتقول 70 الف كتير العربيده تمنها فوق 90 الف انا شايف انت 70 كويس جدا عليها ونصيحه انزل المعارض واسال عليها وشوف سعرها على فكره انا شارى العربيه دى من 3 شهور موديل 2008 98 الف كامله وهى عمله بالظبط 6000 كيلو ايه رايك لو حبيبت ابيعها اطلب كام ؟

بس كتير اوي المبلغ اللي انت اشتريت بيه ده .
انا بس بتكلم عن سعر السوق دلوقتي انا مش بقيمها هو اشتراها بكام انا بقيمها بسعرها دلوقتي كام
و عموما هو كان شاريها ب 89 الف
وشكرا يا باشا علي رد حضرتك

**creative** · 07-01-2009 09:23 PM

جين 2 2007 اوتوماتيك = 90.000 جنيه
معدل كيلو مترات = 20.000 جنيه
موديل حديث
سعر = 70.000 جنيه
حالة السيارة لو انت متاكد انها سليمة توكل على الله فعلا السعر كده كويس عليها جدا
كمان انا حاسك قلقان وخايف انك يكون اضحك عليك
انا هادلك على حاجة اتصل بتوكيل عز العرب هو دايما بيبقا عنده مستعمل من الجين 2 وبيبقا عاوز يبيعه اساله لو موجود الموديل 2007 اوتوماتيك بيبعه كام
وانت فى الوقت ده هاتقدر تحدد السعر مناسب ليك ولا لا

**ahmed_gamal** · 07-01-2009 10:07 PM

المشاركة الأصلية كتبت بواسطة creative

جين 2 2007 اوتوماتيك = 90.000 جنيه
معدل كيلو مترات = 20.000 جنيه
موديل حديث
سعر = 70.000 جنيه
حالة السيارة لو انت متاكد انها سليمة توكل على الله فعلا السعر كده كويس عليها جدا
كمان انا حاسك قلقان وخايف انك يكون اضحك عليك
انا هادلك على حاجة اتصل بتوكيل عز العرب هو دايما بيبقا عنده مستعمل من الجين 2 وبيبقا عاوز يبيعه اساله لو موجود الموديل 2007 اوتوماتيك بيبعه كام
وانت فى الوقت ده هاتقدر تحدد السعر مناسب ليك ولا لا

شكرا علي ردك يا باشا
ان شاء الله هكلمهم

**MohabSaeed** · 08-01-2009 01:47 AM

بص يا احمد باشا انا حقولك وجهة نظرى و ليك انك تاخد بيها او لا

اول حاجه انتا متأكد من ان العربيه محصلش منها مشاكل قبل كده ؟ يعنى مكانش فيها عيوب تصنيعيه كتيره و اتلعب فيها فى التوكيل فى الفك و التركيب ؟؟ لو انتا متأكد من النقطه ديه و ان العربيه معملتش مشاكل مع قريبك و كانت ماشيه كويس و هو محافط عليها
يبقى توكل على الله و تفاوض معاه . البيع و الشرا مفهوش قريبى و صاحبى . هوا عاوز اعلى سعر و انتا عاوز اقل سعر .
قوله على المبلغ الى ممكن تدفعه و و اديله فرصه يفكر و يشوف سعر و السوق .
بس عاوز اوضحلك نقطه ان عربيه 2007 و ماشيه 20000 كيلو تعتبر زيرو " فى حالة لو هيه سليمه و بحاله ممتازه " .و بالمبلغ الى هو طالبه هو اقل من سعر الزيرو ب 20,000 جنيه .
طلاما العربيه عجباك كلمه فى الموضوع
لو المبلغ معجبوش ممكن تقرب المبلغ من الى هو طالبه .