اقرب توكيل بيجو للهرم

**kokomando** · 08-02-2009 11:16 AM

السلام عليكم
ماشاء الله انا شايف الناس هنا كلها بتفيد بعض ودي اول مره اعمل فيها موضوع وياريت حد يفيدني
انا قدامي عربيه 206 1400 cc بس بيقولي التكيف مش شغال عاوز شحن بس وانا الكلام ده مش مريحني
عاوز ارفعها في التوكيل علشان يقولولي كل حاجه بامانه بس العربيه في الهرم - انا عاوز اعرف لو مفيش مركز خدمة بيجو في الهرم ايه اقرب مركز خدمه للهرم؟؟!
ولكم جزيل الشكر وربنا يجعله في ميزان حسناتكو ان شاء الله

**ssafwat** · 08-02-2009 01:12 PM

في مركز حدمة في الهرم وعموماً الرابط ده فيه عنايون وتليفونات جميع مراكز الحدمة

http://www.nilemotors.net/Nile/showthread.php?t=24884

ربنا يوفقك ان شا الله

**kareem_Ashmawy** · 08-02-2009 01:19 PM

فى مركز مصطفى جاد فى أول الهرم و انت جاى من الجيزة و خارج من النفق
سيب شارع ترعة الزمر ( شارع رئيسى كبير و فيه جزيرة كبيرة فى النص ) و أدخل اول شارع جانبى بعده
بس نصيحة بلاش...عشان الناس اللى هناك مش محترفين اوى
و بوظولى العربية قبل كده...بالاضافة انهم بتوع فلوس و خلاص
يستحسن حضرك تروح عند أحمد عمارة هتلاقى رقمه فى اللينك اللى فوق
دول ناس فعلا محترفين بيجو و هيكشفوا على العربية صح
.
.
خليهم يعملوا كبس موتور
عشان غالبا هيطنشوا و هيفضلوا يجادلو عشان ميعملهوش
تربس معاهم و خليهم يعملوه
.
.
وربنا معاك ان شاء الله

**kokomando** · 09-02-2009 01:13 AM

الف شكر استاذ صفوت واستاذ كريم
انا نزلت شفتها النهارده العربيه شكلها كويس هي عامله 83 الف كيلو موديل 2000 1400 سي سي
بس لقيت الزجاج الخلفي مع السبويلر بتاع الشنطه مفارق شويه كدا مش عارف ده كدا يبقي مغير باب الشنطه ولا ايه؟
اه والتكيف بشغله لقيتو جايب هوا الشارع قالي اه هو عاوزه شحن فريون بس.... انا خايف يكون الكباس اصلا بايظ
عامتا انا ان شاء الله نازل بكره توكيل غمره بس ايه رائي حضرتكم فيه في الكشف علي العربيه؟
وياريت لو حد عارفو كويس يوصفهولي
الف شكر ليكم مره تانيه

**kareem_Ashmawy** · 09-02-2009 12:36 PM

برده مشكلة توكيل غمرة انهم بيبقوا زحمة جداجدا
و ده بيخليهم يكروتوا أحيانا خاصة فى الكشف على العربيات
بص حضرتك هو احسن واحد أنا كشفت فيه كان اوتو سيرفيس مدينة نصر..و أعرف ناس بتشكر فى أحمد عمارة جدا لو مستبعد اوتو سيرفس
على فكرة أى مركز خدمة تروحو اسألهم على الجزء المفارق اللى بتقول عليه
و هما هيقولولك ده ايه
وربنا معاك أن شاء الله

**kokomando** · 10-02-2009 12:40 PM

الف شكر كريم باشا لي ردك
انا فعلا روحت التوكيل بتاع غمره لقيتو زحمه جدا واصلا معرفتش اكشف علي العربيه قالولي تعالي يوم السبت الساعه 8 الصبح هنكون فاضيين ونكشف بروائه
قالولي كمان ان الكشف ده بيخدلو بتاع 3 ساعات!!!
فعلا الكلام ده؟