الموضوع: أى سؤال أو استشارة فى طب العيون

المشاركة الأصلية كتبت بواسطة eslam_nagy

د/ شريف.

ربنا يباركلك على المجهود المبذول ويجعله فى ميزان حسناتك.



انا سعات لما اغمض وافتح تانى بلاقى الصورة مهزوزة وشايف الحجات اتنين والصورة مبهمة يعنى شايف اشياء مقدرش احدد انا شايف ايه ساعتها وبمجرد ما اغمض تانى وافتح تانى الصورة ترجع سليمة تانى.

الحركة دى بتحصل قدام الكمبيوتر والتلقفزيون ووانا سايق فقط (وبتبقى مصيبة وانا سايق طبعا).


انا كنت لابس نظارة بس قلعتها من سنتين كدة وبشوف كويس من غيرها.

كان تقريبا -.5 فى عين واحدة.

اكون شاكر لو عرفته اية الى بيحصلى.

الحكاية دى لها احتمالات كتيرة يا استاذ اسلام

ممكن يكون المقاس اللى فى عينك السبب ، و فى الحالة دى العيون بتحاول تتحمله لحد ما تتعب (و بخاصة مع اجهاد النظر فى الكومبيوتر او السواقة) فتحصل الحكاية دى و لما العين ترتاح شوية تحاول تتحمل تانى فالصورة تتحسن

ممكن فيه التهاب خفيف بيخلى العين تدمع او تعمل افرازات فتحصل المشكلة دى لما الدموع أو الأفرازات تعدى من فوق القرنية

ممكن يكون الضغط بيوطى او عندك انيميا فالدورة الدموية بتاعة الشبكية (و المخ طبعا) بتتأثر لحظيا بالذات لو كنت عملت مجهود و بالتالى تحصل الأعراض دى و تروح لما الدورة الدموية تحاول تظبط نفسها تانى..

ياريت نعمل كشف لتحديد السبب بالضبط..

و تحياتى

المشاركة الأصلية كتبت بواسطة eslam_nagy

يا خوفى يكون انيميا اصلى رفيع شويتين


شكراااااااا ع الاستشارة

عكس الاعتقاد السائد , الأنيميا مالهاش دعوة بالرفع و التخن و لا بكتر الاكل او قلته

الأنيميا ليها علاقة بمستوى الهيموجلوبين في الدم ..... و الحديد احد المكونات الرئيسية للهيموجلوبين

يعني لو اكلك مافيهوش حديد كفاية هيبقى عندك انيميا ..... حتى لو بتاكل عجل عالفطار و خروفين عالعشاء

و لو بتاكل اكل غني بالحديد - و ما عندكش مشاكل في امتصاص الحديد او تكوين الهيموجلوبين او غيره - مش هيجيلك انيميا حتى لو عندك سوء تغذية و هزال


نصيحة حلل صورة دم كاملة عشان تطمئن من نقطة الانيميا دي ......