تم الرد ايضا على الخاص
و تحياتى
عرض للطباعة
wanna do iris transplantation....
زهقت من لون عيني وعوزة اغير :D
على حد علمى العملية دى لم تتم حتى الآن ابدا (و نظريا صعبة جدا لأن القزحية مليانة بالأوعية الدموية و مكونات الحهاز المناعى فزرعها فى جسم غريب محكومة بالفشل تقريبا بنسبة 100% حتى الآن)
:eee:Wow...
Iris transplantation ???
بالنسبة لتغيير لون العين فالعدسات الملونة موجودة
اما فكرتك فده لو حصل يبقى تغيير دائم و ده نغيير فى خلقة الله و بصراحة شخصيا مش موافق على كده (طبعا انت حرة فى رأيك و لكن دى نصيحتى)
و عموما حتى الآن مافيش زرع قزحية
الا لو كنت تقصدى زهرة iris
فدى ممكن زرعها:biggrin:
و تحياتى
ودي هزرعها فعيني برده ولا ايه؟
واقطفها من دماغي :D :d :d
انا بهزر يفندم تغيير الوان اي بس
ولا حتي contact lenses
ربنا خلقنا في اجمل وابهي صورة يبقي ليه نشوها
وبعدين بيكون باين مال compination كلها علي بعض
الاقي واحدة سمرا اوي وشعرها اسود وعنيها grey
علي اساس احنا راكنين الفيل برا يعني
السلام عليكم و رحمة الله و بركاته
ازي حضرتك يا دكتور
انا كنت عملت فحص طبوغرافية قرنية من حوالي شهر بعد ما حسيت ان الأمور كل ما تتدهور و النظر عمال في النازل
طبعا زي ما حضرتك توقعت بالظبط قرنية مخروطية
انا عملت الفحص في مستشفي العيون الدولي - مصر الجديدة
و للأسف النتيجة ان عندي قرنية مخروطية :confused:
و الدكتور قاللي انت م ينفعلكش الليزك نهائيا و الحل الوحيد بالنسبة لحالتك في المرحلة دي هي العدسات اللاصقة الصلبة و راح محولني علي قسم العدسات اللاصقة الصلبة في المستشفي عنده
انا هبعت لحضرتك التقرير اللي اتعمل لحالتي بعد فحص القرنية عالخاص
يا ريت حضرتك لو اي حاجة ممكن تفيدني بيها في الموضوع دا
العدسات الصلبة Hard CL فعلا انسب علاج للقرنية المخروطية ... نظريا
اما فعليا فاستعمالها محدود بعدد ساعات يومية قليلة و مزعجة جدا لحين التعود عليها
فيه نوع اسمه "شبه الصلبة النفاذة للغازات" و اسمها Rigid GP (Gas Permeable) او احيانا بنقول عليها GP على طول ، و دى بين الرخوة و الصلبة و بتفيد فى القرنية المخروطية حتى حد معين فقط
ظهر من عدة سنوات عدسة رخوة بها مجرى لتركيب عدسة صلبة فوقها Combination يعنى و نطلق عليها Peggy Pack و برغم انها عند التركيب تعطى نتائج رائعة الا ان بها عيب خطير ليس له علاج حتى الآن ، و هو تجمع الرواسب و الأوساخ بين العدستين فتسبب تذبذب الرؤية و التهاب العين ، و نصيحتى تجنب هذا النوع لو نصحوك به
عموما فى انتظار التقارير
و الف سلامة لك
و تحياتى
طبعا لكن بنقطفها من الودان :POINTI~2[2]:اقتباس:
ودي هزرعها فعيني برده ولا ايه؟
واقطفها من دماغي :D :d :d
1000000+اقتباس:
ربنا خلقنا في اجمل وابهي صورة يبقي ليه نشوها
و بنشوف سمراء من النوبة و شعرها اصفر و عينيها اخضراقتباس:
وبعدين بيكون باين مال compination كلها علي بعض
الاقي واحدة سمرا اوي وشعرها اسود وعنيها grey
علي اساس احنا راكنين الفيل برا يعني
دى الفيلة دلوقت بتقف صف تانى و بياخدوها مخالفات و بيحطوا الكلبش على الزلومة:biggrin:
ازيك يا د/شريف اخبارك اية؟؟
سؤال كدة على الماشى ,,هل فى قطرة معينة تتحط لما ابتدى احس ان العدسات ابتدت تضايقنى,, و الشعور بعدم الراحة بيكون بعد مرور 4 او 5 ساعات من لبس العدسة.
وتحياتى وشكرى لموضوعك الجميل
و الله يا استاذ احمد انا مش عارف عدساتك تسمح بوقت اكتر من كده و لا لأ علشان مش عارف نوعها ايه و مش عارف عمرها ايه
عموما ممكن مؤقتا تستعمل قطرة دموع صناعية و لكن بدون مواد حافظة (و إلا العدسة تبوظ)
مثلا ممكن نستعمل اى واحدة من دول بدون مشاكل فوق العدسات :
Tears Guard Eye Dropsو تحياتى
Hyfresh Eye Drops
Blink Eye Drops
Refresh Plus Eye Drops
سلام عليكم يا دكتور شريف
انا الحمد لله نظري 6\6 والحمد لله
المشكلة ان عندي الم في العين خفيف بيزيد لو ضغطت على العين
غير الالم ده عندي تدميع بسيط كل فترة مع ان قناة التصريف كويسة
الدكتور قالي دي شوية حساسية البس نظارة شمس وابعد عن التراب
ده غير انه السنة اللي فاتت كان جالي نزيف بسيط في ال جسم الزجاجي مع المذاكرة بسب ارتفاع الضغط
ودلوقتي الدكتور عاملي نظارة علشان المذاكرة مع اني مش شايف فرق بيها ومن غيرها غير لون الزجاج
مش المفروض انها تلغي الaccommodation او تقلله لراحة العين
وانا لسه عندي 21 سنه يعني مش عارف لها لازمة ولا لأ
انا عاوز من حضرتك موقع رمد كويس اعمل منه بحث عن ال congenital glaucoma)Buphthalmos)
علشان عاوزه في الكلية
وجزاكم الله خيرا
غريبة جدا ...:O_stupid[1]:
النوع ده بالذات ممكن يقعد فى العين بدون مشاكل يوميا حتى 18 ساعة متواصلة (و عن تجربة)
انت كده بتخلينى اشك ان فيه عند حضرتك مشكلة ، جفاف او حساسية مثلا ، يا اما نوع المحلول مش مناسب لعينك (مش مهم غالى او نوع معروف ، ممكن برضه يكون مش مناسب لعينك) .
لو امكن تشرفنى و نعمل فحص سريع علشان اطمئن اكثر عليك :w6266d
مؤقتا ، استعمل اى نوع قطرة من اللى قلت لحضرتك عليهم
و تحياتى
و عليكم السلام ، طبعا يا د/نيمو الضغط على العين بيزود الألم اللى فيها الا فى قلة من الحالات زى ارتفاع ضغط العين مثلا (لأنك لما تضغط عليها بتعمل مساج فيوطى الضغط و الألم يقل) ، المهم نعرف سبب الألم
ممكن حساسية و ممكن لو جمعنا كلامك مع بعضه :الم فى العين ، دموع ، نظارة مش عاملة فرق و ممكن تكون علشان تخفف ال Accommodation فيبقى غالبا حضرتك عندك طول نظر (او استيجماتيزم طول مثلا)
لا اله الا الله....
نزيف فى الجسم الزجاجى ؟؟؟!!! و بسيط .....
ازاى ارتفاع الضغط يعمل كده ، هو حضرتك مريض ضغط مرتفع اصلا ؟؟؟
دى حكاية مش لطيفة خالص و لازم كان نعرف سببها ايه
لأن لو ارتفاع الضغط بيعمل نزيف فى الجسم الزجاجى يبقى ممكن (الف بعد الشر عنك) يعمل نزيف فى مكان تانى اخطر...
مش عارف ... الحكاية دى مش عاجبانى خالص
اتأكد هل هى طول نظر فعلا ولا لأ لو سمحت و بلغنى
و الله انا عن نفسى بافضل موقع الشبكة الطبية العالمية أولا
الشبكة الطبية العالمية
لأنه محرك البحث فيه بيبحث الآتى
Medscape
Medline
Druginfo
eMedicine
فبيغطى مساحة لا بأس بها من الشبكات الطبية
و طبعا مش لازم ننسى موقع الأكاديمية الأمريكية للعيون
الأكاديمية الأمريكية للعيون
و كمان Archives of Ophthalmology
Archives of Ophthalmology
فيه بس نقطة صغيرة احب اقول لك عليها هنا ، لما تعمل بحث فى الموقع ده دور على المقالات المجانية و افتحها (اختار ال PDF) و حملها و اقراها براحتك ، اما اللى مش مجانى ما تتعبش نفسك فيه
و اكيد عندنا Google لأن اكيد هاتلاقى فيه معلومات مهمة
و ربنا معاك
و تحياتى
انا مش عارف اشكرك ازاى على اهتمامك وعلى ردودك السريعة:satelite:
انا جبت نوع العدسات دة علشان شكرتلى فية هوة فعلا اريح عدسات جبتها ,,لكن فى مشكلة مشتركة مع باقى العدسات بعد مرور 4 الى 6 ساعات بحس بعدم راحة وانى عايز اقلعها :confused:,,الموضوع دة حتى حصل مع عدسات سنوية كنت جايها من فترة,,,,,
على فكرة مبيحصلش اى نوع من الاحمرار او الهرش او الدموع او غيرة من اعراض حساسية العدسات
طيب لو عندى جفاف هل دة بيتعالج ولا دى طبيعة عين؟؟
على فكرة
انا جربت قبل كدة اكتر من نوع من انواع المحاليل زى (رينو& كومبليت& اوبتى فرى)
وبردة المشكلة زى ما هية
دكتور شريف
شاكر جدا لمساعداتك
انا عندى 36 سنه بلبس نظارة نظر من 9 سنين (من بعد الغروب بس ) وراضى بالامر الواقع والحمد لله بس ليا استفسارات
1- مبقدرش افتح عينى في الاوقات المشمسه ابدا بدون نظاره شمس ( وبشوف بيها كويس برضه بس الصبح بس )
2-اغلبية الوقت فيه احتقان واحمرار في الجفن من تحت بالداخل
3-طبيعة عملى متعلقه باعمال المقاولات واللحامات والحراره الزايده وطبعا الرايش والتراب
ارجو النصيحه من فضلك يا دكتور وشاكر جدا لحضرتك
د شريف معلش هتقل على حضرتك
ممكن حضرتك تقولى كتاب صغير مشروح فيه عمليات الرمد ببساطه و ايه هى تقسيمه كل عمليات الرمد ؟
آسف جدا جدا على التأخير و لكن غصب عنى
بالنسبة للنظارة فمع كامل احترامى مافيش نظارة تتلبس بالليل بس او بالنهار بس ... فقط فيه نظارة قراءة بعد سن 45 سنة و دى تتلبس فقط ساعة القراءة ، و لكن اى نظارة المفروض تتلبس على طول و الا العين هاتكون مجهدة و ممكن تحمر و يبقى فيه حرقان و احيانا صداع...
بالنسبة للشمس فلو كنت طول عمرك كده فده طبيعى لأن فيه ناس حساسة للشمس اكتر من غيرها (و خاصة اصحاب البشرة الفاتحة و / أو العيون الملونة)
بالنسبة للأحتقان و الأحمرار فى الجفن من تحت و لما ناخد فى الأعتبار طبيعة العمل المذكور فده شئ متوقع و لابد من تجنب مسبباته (امال نظارة ال Safety فين يا باشمهندس ؟؟) و لكن عندى سؤال ... هل حضرتك متعود تستعمل قطرات (زى البريزولين مثلا او غيرها) ؟؟؟ ، اصل حكاية فى "الجفن من تحت" دى بتخلى دماغى تفكر فى كده كمسبب اول..
فى انتظار ردك لتوضيح النقط اللى سالتك عنها
و تحياتى
أهلا بيك يا د/ محمد .. و تحت امرك و لكن فيه نقطتين محتاجين توضيح
أولا حضرتك عايز كتاب لعمليات الرمد علشان Postgraduate ولا undergraduate
ثانيا معلش مش فاهم قصدك بتقسيمة كل عمليات الرمد (من الناحية التشريحية ولا المهارة ولا ايه بالضبط؟؟).
فى انتظار ردك
و تحياتى
اهلا بحضرتك يا د شريف
شكرا جزيلا على اهتمام حضرتك
الاندرجراديويت ماكناش بناخد تفاصيل العمليات وشغلها
هو انا عايز حاجه تكون بسيطه جدااا تكون مدخل ليا وابقى فاهم الى بيتعمل فى العمليات قبل ما ابدا شيفت الرمد الجاى
حاجه فيها صور توضيحيه اكتر من كلام شرح وكده وتكون بسيطه
انا حاولت ادور بس كل الى لقيته زى مراجع وعقدتنى
انا بقصد عمليات الرمد الى احنا هنشتغلها حضرتك كنت قلتلى فيه مستوياات ant segment and post segment كده يعنى
وشكرا جزيلا على اهتمام حضرتك
كده فهمت طلبك يا د / محمد
المشكلة ان كتب العمليات لازم هاتكون كبيرة
عموما جرب كتاب "Rob & Smith" لأن ده مجمع تقريبا كل عمليات الرمد و عامل لها رسومات توضيحية كويسة Illustrations
و كمان عندك طبعا Kanski هاتلاقيه بيتكلم عن عمليات كل جزء بعد شرحه (مثلا Lid, Lacrimal system, lens و هكذا) و لكنه فى نظرنا ناقص و غير كافى (فيه مواضيع العمليات فيها مهملة او مش متغطية كويس)
اما موضوع Ant. Segment و Post. Segment فأنت كده بتوسع الموضوع و مش هاتلاقى كتاب كده او كده و لكن هاتلاقى كتب فى مثلا Vitrectomy زى Payman مثلا ، او تلاقى فى Phaco techmiques مثلا و هكذا
و اعتقد كده هايبقى كبير قوى و too professional عليك حاليا
و بالتوفيق
و تحياتى
بعد ثلاثة او اربع ايام من استخدام قطرة azelast لم اشعر بتحس ملحوظ (للدقة تحسن بنسبة ضئيلة ) وذلك بخصوص الشعور بعدم الراحة بعد لبس العدسات لمدة اكثر من 4 او 5 ساعات ,,
انا كدة حاسس ان عنية متتقبلش العدسات لوقت طويل والموضوع دة حصل مع اكتر من نوع من العدسات,,,
رايك اية يا دكتور شريف؟؟
شكرا يا دوك على المبادرة الجميلة دى و جعله الله فى ميزان حسناتك
و بالنسبة للفيزيتا يمشى معاك كوزين ذرة مشوى :ma:
كان عندى سؤال
فى أوقات تغير الفصول و الإنتقال من الجو البارد للحار أو العكس بحس إن عينى ناشفة جدا جدا جدا زى ما تكون صاحى من النوم أو عايز تنام و غالبا بيبقى عندى صداع و كمان مش عارف أفتح عينى و مبتهداش غير لما عينى تدمع أو أفتح عينى تحت المية و شوية و ترجع تانى يا ترى دا ممكن يكون من إيه و أعمله إيه الموضوع دا بدأ من 3 سنين بس مكنش زى دلوقتى
طبعا يا باشا شغال:k31:
و اهو على الأقل اضمن من واحد "هامبوربر":mahf(5): معمول من لحم الكلاب على القطط على الحمير على الخنازير و قليل من اللحم البقرى (ان وجد):beatdeadhorse5:
ممكن برضه فول و طعمية ... شغال برضه:POINTI~2[2]:
و الله ممكن تكون غالبا حاجة من اثنين أو الأثنين معا
حساسية ملتحمة او نسبة جفاف فى العين
جرب حضرتك قطرة Tears Guard Eye Drops
دى عبارة عن دموع صناعى بدون مادة حافظة ، يعنى آمنة تماما ماتخافش منها
حط منها 4-6 مرات يوميا (خليها فى جيبك)
و بلغنى النتيجة ايه
و تحياتى
Opthalmological consultation please :
A 18 month old male presenting to me at Emergency Room with history of fall from the bed 24 hour ago followed by crying without loss of consciousness then developed a high fever only without any other symptoms
O/E found to have a pinpoint pupil while the child was sleeping , no other signs detected for neurological abnormality , I called surgeon he admit the child for observation then after 15 min the pupils became reactive to light and normal - when awake
My question is : -
1- what is the cause of pinpoint pupil in this child specially when he was sleep and sure not related to the head trauma ?
2 - is there any relation between sleep and pin point pupil ?
3- what is DDx of pin point pupil
وشكر ا جزيلا لك
السلام عليكم ورحمة الله وبركاته
انا عمرى الان 23 عاما
ابتديت اشتكى من صداع ودوخه وهبوط بشكل غير متكرر
واثناء القياده بحس انى مش شايف على بعد مترين وخصوصا اذا كنت بالمساء
والسيارات القدمه بتنور العالى بحس انى مش شايف خالص خالص
اكرر انا بتعامل مع الانترنت لظروف شغلى حوالى 10 ساعات
ومش عارف اعمل ايه
اكشف - نظارة طبيه - نظارة حفظ نظر
Dear Sir,
Thank you for your question
First of all I need to clarify 1 point.
Is it a miotic pupil or pinpoint
Regarding the first year of life, the dilator pupillae muscle isn't well developed, so all children pupils around this age are more miotic most of the time which is normal
During sleep there's absence of sympathetic stimuli so pupils tend to be miotic, which is also normal
As for pinpoint pupil, th most imp. DDx
Pontine hemorrhage
Morphia or like drugs
Organophosphates
Hope I was helpful & I'm open for any questions
Sincerely
التعامل مع النت و الكومبيوتر ما لوش دعوة (http://www.nilemotors.net/Nile/showthread.php?t=75787 ممكن تراجع الرابط ده لأن فيه شرح كافى)
فيه نقطة احب اوضحها أولا فى شكواك
العين ما تعملش دوخة أو هبوط ، على العكس ، دور العين مهم فى منع الدوخة (و علشان كده تلاقى الناس بتوع الفنون الشعبية اللى بيلف بالتنورة بيثبت عينه على مكان علشان يمنع الدوخة و لو غمض تلاقيه يدوخ و يلف حوالين نفسه و يخبط فى اللى حواليه)
كده لازم نراجع على :
* ضغط الدم : هل طبيعى ولا بيوطى مثلا
* لازم نعمل صورة دم كاملة و نشوف هل فيه انيميا ولا لأ
* اخبار الأذن ايه ؟؟ ممكن لو فيه التهاب فى الأذن يعمل الدوخة
بالنسبة لمشكلة النور العالى فده شئ طبيعى ، كلنا بنزغلل بشدة و بنحس اننا مش شايفين لما حد يضرب النور العالى فى وشنا
و اخيرا ، مافيش حاجة اسمها نظارة حفظ نظر ، و لكن لو عايز تكشف تشوف هل محتاج نظارة ولا لأ لآزم نشوف ال 3 نقط اللى ذكرتها لحضرتك الأول قبل ما نعمل كشف على العين ، علشان لو محتاج نظارة يطلع المقاس صح ، و الا لو عملت مقاس نظارة من غير ما تراجع (و تعالج لو فيه مشكلة) الحاجات اللى ذكرتها لحضرتك ممكن يطلع المقاس غلط
و تحياتى
شكرا جدا لرد حضرتك ولمجهودك
The pupils I sow in this child was nearly as narrow as the picture in your signature , I will be of great thanks if you put a picture of a pinpoint pupil for me
also I found in internet " nelson ....book of pediatrics " What's called " paradoxical pupilary reaction " in which some child react to dark by miosis then slowly re dilate , is this normal or stand behind a pathology ?
many thanks
Dear Dr. Mahmoud
Sorry for being late in my answer to your question, but I was very busy
Regarding "paradoxical pupillary response" it's almost always of pathological nature
It's either constriction of the pupils in the dark followed by slow dilatation & this almost always indicates retinal or optic nerve pathology (e.g. night blindness or optic atrophy) & it's considered a sign indicating their presence even if not clearly seen, & the cause of this phenomenon is not yet clear. On the other hand paradoxical pupillary response could be dilatation )instead of miosis) to light exposure & this usually happens when there is a media problem (eg cataract) or retinal problem in one eye & can be elicited by swinging the light between the two eyes, here when we shine light to normal eye its pupil contracts (direct light reflex) & the other eyes pupil too (consensual light reflex) but when you remove the light & shine it on the other eye (the pathological one) the 1st eye responds to removal of light stimulus by dilatation & since the other eye is affected so its response to light perception is impaired so it responds more to the effect of the 1st eye & dilates instead of miosis. so any way, either type of the paradoxical lifght reflect, it's pathological
As for pin point pupil it's usuall small then 2 mm & usually irresponsive or sluggish to dilatation
The pupil in my signature is 2 mm wide which is narrow (miotic) but not pinpoint
sincerely
دكتور شريف جزاك الله كل خير على الافادة الى أفدت بيها الناس وربنا يقدرك دايما ع فعل الخير
أستأذنك أخد رأي حضرتك فى حاجة حصلتلى من كام يوم وهوا انى بدأت أحس بوجع فى عينى وخصوصا لما أجى أغمض جامد
أحس بوجع فى الجفن من الداخل فى عنيا الاتنين وأحس بيها أكتر لما أركز فى شاشة الكمبيوتر علما بأن الشاشه الى عندى عاديه مش lcd وشغلى بيحتم عليا انى أركز فى أرقام وكلمات
على الشاشه وأكون فى حالة تركيز من غير مابربش إلا بسيط يعنى
والمسافه بينى وبين الشاشه حوالى 50سم
فى ناس قالتلى ده ضعف فيتامين a وانه بيتباع فى الصيدليات ومش مضر
وفى دكتور عيون كان كاتب لوالدتى على قطرة ملطفه للعين وهى نوعها ألمانى
وانا والله لولا انى فى الصعيد كنت أخدت عنوان عيادة حضرتك
وكنت كمان أتشرفت بيك عن قرب أكثر
وأكون شاكر لحضرتك جدا فى إفادتى ...تحياتى
متشكر جدا جدا على كلامك الجميل
و كل الشرف يحصل لي بمقابلتك و التعرف عليك
و اهلا بك فى اى وقت
بالنسبة لسؤالك احب استفسر عن نقطة مهمة الأول
هو الوجع اللى فى الجفن ده شكله ايه ؟؟؟
يعنى هل بتحس زى ما يكون الجفن خشن او فيه رمل او تراب مثلا ؟؟
ولا بتحس زى حاجة بتضغط على العين من فوق او بتشدها لجوه ؟؟
ولا (بالبلدى و بالعامية) ان العين زى ما تكون هاتقع من مكانها ؟؟
ولا صداع فى او فوق العين ؟؟؟
مهم جدا اعرف الجزئية دى ...
بالنسبة لقرب العين من شاشة الكومبيوتر و قلة الرمش بسبب التركيز فده سؤال متكرر و سبق رديت عليه فى صفحة 3 على Sharky و فى صفحة 4 على Terrible_DaRsH و عموما نعيد الرد تانى عليه علشان خاطرك :
مشكلتك انك بتعمل near work كتير بعينيك و ده ممكن يعمل شد فى العضلة الداخلية للعين و حله هو الوقاية منه و دى سهلة جدا ، طريقة الأمريكان بيسموها قاعدة العشرين :
كل عشرين دقيقة من الشغل القريب ، ارفع عينك منه و بص على حاجة على بعد عشرين قدم او اكثر ، لمدة عشرين ثانيةhttp://www.nilemotors.net/Nile/image..._37%5B1%5D.gif
يعنى كل ثلث ساعة بص بعينك على حاجة بعيدة (آخر الطرقة ، من الشباك او البلكونة) و انت فى مكانك لمدة نصف دقيقة
طريقة ممتازة و فعالةhttp://www.nilemotors.net/Nile/image...5C8%7E1107.gif
ايضا مش لازم ننسى ان مع الكومبيوتر و التليفزيون معدل الرمش بالعين بيقل و ده بيعمل جفاف (مؤقت) فى سطع العين و بيكون مزعج جدا و حله استعمال احدى قطرات الدموع الصناعية لترطيب العين كل ساعتين مثلا زى قطرة Tears Guard أو قطرة Hyfresh
بالنسبة لفيتامين A فبلاش اللعب فى الفيتامينات و الأدوية لأن لو نسبها زادت فى الجسم عن حد معين ممكن تعمل مشاكل
مثلا فيتامين أ الحد اليومى بتاعه 14000 وحدة دولية و لو زاد عن كده يبتدى يؤذى الشبكية مثلا ، و طبعا الأدوية ممكن يكون تركيزها عالى ده غير اللى بتاخده من الأكل فمش هاتعرف تحسبها كويس فبلاش و كل الخضار و الفواكه الطازجة احسن من الأدوية (البروكولى ، البقدونس ، الجزر ، المانجو على سبيل المثال)
و فى انتظار ردك للرد على شكواك بالكامل ان شاء الله
و تحياتى
متشكر جدا جدا يادكتور شريف على سرعة ردك:7[1]:
وكفاية انى اخدت من وقت حضرتك
بالنسبة لأسئلة حضرتك
هوا فعلا زى مايكون فى الجفن رمله او تراب وكله شوية بغسل وشى
والحرقان ده بيكون فى اول الجفن من برة يمكن انا مش عارف احدد بظبط
بس بشكل أوضح انى كل شوية زى مايكون عاوز احط ميه فى عنيا
عشان الخشونه او الحرقان او الجفاف ده يروح
وهل لو استعملت قطره من الى حضرتك ذكرتهم هفضل استعملهم على طول ولا لحد لما احس ان عنيا بقت كويسه؟
وجزاك الله كل خير يادكتور شريف
د/ شريف اسمحلي استشارتين مرة واحدة
أنا عندي استجماتيزم حاد وكسل في العين اليمين
والشمال مش بطالة ... عندي قصر طبعا
المهم هل عملية الليزك تجييب نتيجة كويسة
في مغربي إللي مش بقتنع بيهم خالص ... قالولي
ممكن تعملي عملية في عين الكسل ... أنا خايفة اساسا من العملية
هي تكلفتها قد إيه وأعراضها إيه ووبنج كلي واللا إيه
ولو عزمت اعملها اعملها فين
السؤال التاني .. جدتي في الثمانينات من العمر ما شاء الله
ربنا يديها الصحة ... طبعا عنيها مفيش .. سحابة بيضة وبقع سودا
هي بتقول كدة .. عملت في عين ماية بيضا وركبت عدسة ... بس ما شافتش كويس خالص .. اكتشفوا وجود شعيرات على الشبكية مش بتبان إلا بعد الماية البيضا .. وبالتالي وقفنا العملية في العين التانية ... هي مدايقة قوي من عنيها .... والدكتور كتبلها على فيتامين منشط للشبكية مش فاكرة اسمه دلوقتي بس علبته كحلي وكبيرة
وقطرة تيرز جارد ... تنصحها بإيه ..... والف مليون شكر ...
وعاوزين مواقف جميلة جديدة .... موقف قياس النظر ده فطسني من الضحك ... قعدت اضحك عليه زي المجنونة لوحدي كل ما افتكره ... هههههه
:k32:
لو الإحساس ده مع استعمال الكومبيوتر (بعد شوية من الأستعمال) يبقى غالبا بسبب جفاف العين الناتج من قلة معدل الرمش و تأثير الألكترونات من الشاشة (لو crt مش lcd و لو بتقعد قريب منها)
و هنا لازم نستعمل واحدة من القطرات المذكورة كل ساعتين طول ما انت قاعد امام الشاشة
لو الحرقان ده موجود على طول باشك فى حساسبة و لكن لازم اعرف شوية حاجات الأول
بدل ما ندخل فى متاهات ، خلينا نشوف هل مع الكومبيوتر (و قلنا علاجه) و لا على طول (و ساعتها اسأل الأسئلة التانية)
و تحياتى
لما نشخص عين على انها كسلانة يبقى نظرها بيفضل بدون تحسن او يتحسن تحسن طفيف جدا و محدود سواء باستعمال النظارة او العدسات ، يعنى مافيش منها امل و لا يمكن تحسين حالتها ... يبقى ايه فائدة الليزك فيها ؟؟؟ اعملها ليه من اساسه اذا كانت العين كسلانة يعنى مش هاتستفيد بالليزك اصلا ؟؟؟
بالنسبة لتكلفتها بتختلف من مكان للتانى و من جراح للتانى
و هى ببنج سطحى مش كلى
و بالنسبة لليزك فانا مش من انصاره ابدا بل من مهاجميه الا لو كان هو الحل الوحيد و مافيش غيره
نسبة المخاطرة عالية و لا يمكن التنبوء بمن ستنجح معه و من ستفشل
و بالتالى فالليزك كعملية اختيارية (حيث ان المريض غير مجبر عليها) لا أحبذه للسببين السابقين
و آدى لنك لنهاية مناقشة عن الليزك و ممكن حضرتك تراجعيها بالكامل لتوضيح الأمور اكثر (معلش طويلة شوية و انا دخلتها متأخر)
http://www.nilemotors.net/Nile/showthread.php?t=29279&page=16
ربنا يديها الصحة و العافية و طول العمر
سؤال الأول ... هى جدتك عنها مرض السكر ؟؟؟
لأنه يا اما عندها سكر و مش متنظم كويس فمع الوقت عمل شعيرات دموية و اغشية و ارتشاحات و انزفة على الشبكية ، او ان ماعندهاش سكر و جالها "غشاء دموى اسفل مركز الأبصار" (سواء ان عندها اصلا قصر نظر او بسبب السن)
كل حاجة من دول ليها علاج مختلف تبعا للحالة و المرحلة اللى عينها وصلت لها
بالنسبة للعلبة الزرقاء الكبيرة هل هى "Duxil" ولا "Daflon" ولا حاجة غيرهم
فى انتظار ردك عن هذه الأسئلة
Tears Guard دى قطرة دموع صناعية بدون مادة حافظة ، و اذا اخذنا فى الأعتبار ان ممكن يحصل نسبة جفاف فى العين مع السن يبقى دى اختيار اكتر من ممتاز ، تستمر بدون توقف
ياسلام ... بس كده ...
طلباتك اوامر
هاتلاقى موقف جديد فى الموضوع هناك ان شاء الله
و تحياتى
ميرسي يا دكتور شريف جدا
أنا فعلا مش مع الليزك .. وانت أكدت رأيي .. الحمد لله
وكمان انا باخد ثواب على ضعف النظر ... واللا إيه ... اضيعه كدة بسهولة ... الحمد لله ... وربنا يبارك في العين السليمة
بالنسبة لجدتي .. الدواء هي كالعادة ( تخلصت من علبته ) واضح إنه كان مرة وخلاص .. وكنت قريت إنه منشط للشبكية أو حاجة كدة ... المهم هي عندها جفاف للعين من فترة ... فعلا ... اهم حاجة ... قرار وقف العملية للعين التانية أفضل واللا تعملها ... ومتشوفش حاجة خالص
... هي الحمد لله معندهاش سكر .... بس هي مريضة ضغط عالي .. هل ده يأثر على العين ؟؟؟...
:k32:
مرسي يا دكتور جدا ... وفي انتظار مواقف جديدة