اية راى حضرتك فى قطرة refresh plus الدكتور قالى خليها عندك عل طول واستخدمها ساعات ماتحس ان عينيك حمراء
عرض للطباعة
ممتازة
أول قطرة دموع صناعى بدون مادة حافظة نزلت السوق كانت Refresh فى صورة خراطيش خضراء صغيرة ، و كل خرطوشة تتفتح لازم تستعمل خلال 24 ساعة فقط علشان بدون مادة حافظة ، و لكن المرضى اشتكوا ان بعد ما تتفتح عادة اللى فيها بينسكب بعد اول استعمال ، فالشركة غيرت تصمييم الخرطوشة و بقى ممكن ان اقفل فتحتها بالكاب اللى فتحته منها و سموها Refresh Plus.
هى ممتازة كدموع صناعية بدون مادة حافظة ، عيبها الوحيد انى لو مسافر بدل ما آخد زجاجة قطرة هاخد خراطيش بعدد ايام السفر ، و دى احيانا بتكون مزعجة ، علشان كده احيانا بنكنتب الأنواع التانية اللى انا ذكرتها لسهولة استخدامها و حملها مع المريض فى اى مكان.
على فكرة ، هى بتزيل الأحمرار فقط لو ناتج من جفاف سطح العين ، غير كده مالهاش دعوة به.
و تحياتى
الف شكر يا دكتور على الاهتمام ده و على النصيحة بس اللي فهمتو من كلام حضرتك ان اللي عندي ده مالوش حل غير القطرة على طول؟ ولا استمر عليها شهر و بعدين الدنيا هتظبط؟ و ان شاء الله هجيبها النهاردة و ابلغ حضرتك ان شاء الله بالنتيجة قريب و شكر مرة تانية يا فندم
دكتور شريف
جزاك الله عنا كل خير
سؤالى هو :
أنا بنتى عندها 8 سنين . من حوالى سنة ونص اكتشفنا بالصدفة ان عندها (كسل فى
العين اليمنى)
لما اكتشفنا الموضوع بره مصر فى دول دكاترة العيون بيقيسوا النظر مش بنفس التدريح اللى عندنا يعنى بيقولوا ان نظرها كان أول ما أكتشفنا الحالة ان نظرها كان واحد على عشرة
وبرضه أنا لما نزلت مصر كشفت عند دكاترة عيون كتير وكلهم قالوا نفس التشخيص
وساعتها كان العلاج الوحيد انها تحط لزقة على عينها السليمة علشان نحاول نشغل العين الكسلانة
وتدرجنا فى موضوع اللزقة ده من 24 ساعة فى اليوم وبعدين 4 ساعات وبعدين ساعتين
والحمد لله نظرها فى العين الكسلانة دى وصل الى أربعة على عشرة
السؤال بقى
فى دكاترة كتير قالولى خلاص مافيش داعى ان تحط اللزقة دلوقتى لأن نظرها مش هيتحسن أكتر من كده علشان :
أولا : البنت بقى عمرها 8 سنين
ثانيا : الموضوع بتاع اللزقة بيتعمل لمدة سنة وبعد كده مش بيجيب نتيجة خلاص
هل الكلام ده صح ولا لا
أنا لسه بحط للبنت اللزقة وعندى أمل انها تتحسن . وبرضه مش عايز اعذب البنت باللزقة على الفاضى لو مافيش أمل خلاص . فعلا اللزقة دى بتضايق البنت جدا
مش عارف ايه رأيك حضرتك
اسف اذا كنت طولت عليك . جزاك الله عنا خير
أهلا بحضرتك و تحت أمرك فى اى وقت
مشكلة ضعف البصر فى أحد العينين للأطفال موجودة عندنا بكثرة و ذلك لعدم عمل فحص ما قبل دخول المدرسة Preschool examination و ده المفروض يتم عند عمر 5 سنوات.
أسمح لى أوضح سبب المشكلة باختصار :
مركز الإبصار فى المخ بيتكون لما تبتدى تجيله صورة سليمة و ده بيحصل بدءا من الشهر الرابع حتى السادس من عمر الرضيع ، و يستمر النمو فى مركز الأبصار حتى يكتمل النمو عند سن 5 - 7 سنوات بحد أقصى ، و يلزم لذلك النمو ان تقوم العينين بتوصيل صورة سليمة تماما ، و و اذا تم النمو عند السن المطلوب تكون هذه اقصى قدرة للنظر مدى الحياة ، و ممكن ندى مثالين بسيطين :
طفل تم 7 سنين و نظره سليم ، او عنده ضعف نظر و لكن بيلبس نظارته باتنتظام و بيشوف بيها 6/6 و بالتالى ينتهى نمو مركز المخ للأبصار و قدرة الرؤية 6/6
طفل تم 7 سنوات و عنده عين مثلا 6/12 و الأخرى 6/6 ، و بالتالى مهما لبس هذا الطفل نظارات فى مستقبله تبقى اقصى قوة لهذه العين يمكن الوصول لها هى 6/12 و لا يمكن تحسينها فى المستقبل ، لأن النمو انتهى على هذه المرحلة ، اما الأخرى 6/6
و المثال الثانى هو مشابه لحالة ابنة حضرتك
واحد على عشرة يعنى 6/60
السن 8 سنوات فكده بنت حضرتك فى عرف اطباء العيون عجوزة على محاولة تصليح الكسل فى هذه العين ، و لكن لابد من المحاولة.
تغطية العين السليمة الغرض منه اجبار المخ على الأعتماد على العين الكسلانة (اليمين عند بنت حضرتك) و تنبيهه الى ان الصورة منها الآن سليمة فى محاولة تنبيه مركز الأبصار لتحفيزه على اكتمال قوة العين فيه.
المشكلة انى ماقدرش اغطى السليمة كتير أحسن تخش هى كمان فى كسل من عدم الأستعمال ، و بالتلى لازم بحذر .
الجدول اللى حضرتك مشيت عليه ده ممتاز و الدليل انه بفضل الله العين اتحسنت لحد اربعة من عشرة ، يعنى بقت ما بين 6/18 و 6/12 ، و ده انجاز كبير نظرا لدرجة الكسل اللى بدأت منها و سن البنت.
كون حضرتك تستمر أو لأ فده فى رأيى بيحكمه حاجة واحدة بس ...
البنت بقى لها فترة قد ايه نظر العين اليمين فيها بالنظارة مش بيتحسن عن اربعة من عشرة ؟
لو أكتر من شهر و التغطية شغالة و مافيش تقدم عن كده يبقى مافيش داعى للأستمرار فى التغطية لأن كده آخر التحسن
لو اقل من شهر و كان فيه تحسن اخر مرة عن اللى قبلها يبقى نكمل التغطية حسب الجدول الموضوع.
هى فعلا التغطية مزعجة للطفل و لكن بتكون مفيدة زى ما حضرتك شايف.
مع تمنياتى لبنت حضرتك بالشفاء
و تحياتى
دكتور شريف
كتر الف خيرك . ربنا يجازيك عنا خير
وشكرا على التوضيح
البنت بقالها بتغطى العين السليمة بقالها أكتر من 6 أشهر (بنغطى العين السليمة لمدة ساعتين فى اليوم ) بقالنا أكتر من 6 أشهر ولكن مافيش تحسن يذكر .
ولكن فى بعض الأطباء قالوا خلاص مش هتتحسن أكتر من كده
وفى بعض الأطباء قالوا ممكن يبقى لسه فى أمل .
معلش أسألك سؤال كمان واسف اذا كنت طولت عليك
السؤال : هل تغطية العين السليمة لمدة ساعتين فى اليوم . ممكن يأثر سلبا على العين السليمة ؟
معلش اذا كنت طولت عليك يا دكتور
دكتور شريف .. تحيط طيبة وبعد ..
أعاني من نزيف شديد في الجسم الزجاجي للعين اليمنى ونزيف بالشبكية وراء الجسم الزجاجي .
سبب الحالة : الإصابة باللوكيميا . aml m1
تم التعافي والحمد لله ومعدل الصفائح والحديد والمناعة ممتازة والحمد لله .
ذهبت لإجراء بعض الفحوصات عند طبيب مشهور في آخر شارع التحرير (صدقا مش فاكر اسمه)
فأخبرني بحتمية إجراء شفط للجسم الزجاجي .
فأخبرته بأني قرأت عن مضاعفات وجود السيلكون في العين ، فأخبرني بأن الحالة لا تستدعي وضع سيلكون لأنني غير مصاب بالسكر وبالتالي ستكون نسبة نجاح العملية كبيرة ولن يحدث نزيف أثناءها ـ بإذن الله ـ وفي خلال 15 يوم تقريبا ستبدأ في استرداد العين اليمنى .
أخي الفاضل : طبعا تجربة اللوكيميا تجربة قاسية ومريرة جدا كفى الله الناس شرها وقد تم علاجي بالسيزيوم على يد د. حمدي زوام بروفيسور أمراض الدم المشهور .
ولا مانع طبي من إجراء العملية .
المطلوب أخي الكريم معرفة .. ما مدى صحة قول طبيب العيون حول عملية الجسم الزجاجي .
وأيضا هناك مشكلة نزيف الشبكية خلفه هل له علاج ؟ هل توجد قطرات معينة أم لابد من الليزر .
الرجاء إفادتي لأني من أكثر من 7 شهور وأنا متردد وفي غاية الخوف من إجراء أي تجارب فاشلة ..
جزاكم الله عنا خيراً
حضرتك بتقول "مافيش تحسن يذكر" ...
و الجملة دى مش واضحة بالنسبة لى ...
لو فيه تحسن و لو بسيط ، ممكن نستمر فى التغطية ، لو مافيش يبقى بلاش.
احتمال ان العين السليمة تكسل من التغطية احتمال وارد ، علشان كده بنقلل فترة التغطية مع طول الوقت ، و لازم نكشفها لفترة علشان ماتكسلش ، بس مع التغطية ساعتين فقط يوميا اعتقد ان مافيش خوف على العين السليمة بإذن الله.
و تحياتى
ربنا يباركلك يا دكتور . متشكر قوى على تجاوبك وعلى وقتك
جزاك الله عنا خيرا
أخى العزيز
حمدا لله على سلامتك و شفاك الله و عافاك
أرجو أن تعذرنى اذا لم اكن حاسما فى اجابتى حيث أن وصف المشكلة غير رؤيتها ، و لأننى للأسف لم يتسنى لى فحص عينك فلن أتمكن من البت فى سؤالك بصفة حاسمة
بالنسبة لنزيف الجسم الزجاجى فالمعتاد اننا نعطيه فترة لكى يمتصه الجسم مع العلاج اللازم ، و هذه الفترة قد تمتد لشهور مع المتابعة الدقيقة و بشرط عدم حدوث انزفة جديدة بالجسم الزجاجى و شرط عدم تكون الياف او اوعية دموية جديدة سواء على الشبكية او الجسم الزجاجى او القزحية او زاوية العين
اما التعامل مع انزفة الشبكية فيعتمد على مكانها و شدة النزيف ، هل هو فوق الشبكية ، او بداخل نسيج الشبكية او تحتها
زى ما حضرتك شايف القرار بيحكمه عوامل كتيرة بتختلف من مريض لآخر
بالنسبة لحضرتك فأول سؤال هو هل تم محاولة علاج النزيف فى الجسم الزجاجى خلال ال 7 شهور الماضية ؟؟ و ايه العلاج اللى حضرتك اخذته ؟؟
بالنسبة لأستبدال الجسم الزجاجى بدون حقن زيت سليكون فالحكاية دى مش قصر على مرض السكر أو لأ (مع كامل احترامى للى اتقال لحضرتك) ، و لكن قرار حقن زيت السليكون من عدمه بيعود لرؤية الطبيب للشبكية و حالتها و هل بعد ازالة الجسم الزجاجى (و الذى له دور مهم فى دعم و تثبيت الشبكية فى مكانها) سنواجه الخوف من احتمال حدوث انفصال شبكى او حدوث انزفة ثم تكون الياف على الشبكية قد تؤدى لحدوث انفصال شبكى ، سواء جزئى او كلى..
اذا كان الجراح مطمئن لقوة الشبكية و ثباتها فقد يلجأ الى استبدال الجسم الزجاجى دون حقن زيت السليكون ، خصوصا و انه لو حدث نزيف من جديد و لكن هنا يكون بداخل زيت السليكون ، فذلك امر غير محبب لنا فى جراحات الشبكية ، بسبب "غلاسة" التعامل معه.
اما اذا كان غير مطمئن لحالة الشبكية فالأفضل حقن زيت السليكون (مع تحمل عواقبه ... مافيش حاجة مالهاش ثمن و حضرتك بتقول قريت عنه) و يفضل 10000 مش 5000 علشان ممكن يقعد فترة اطول بدون قلق ، و طبعا الأفضل نسيبه مادام مش عامل مشاكل و ماحصلوش emulsification (لو حصل حاجة نشيله طبعا) و المعتاد ما نقربش منه قبل 6 شهور ، و اذا كان كويس نسيبه زى ما قلت ، علشان اضمن احسن دعم للشبكية لحد ما تتعود على عدم وجود الجسم الزجاجى ، و بعدين نبقى نشيل زيت السليكون.
حسب كلام الطبيب المعالج و اللى انا فهمته انه غالبا عايز يعمل حاجة اسمها Core Vitrectomy و دى مش بنعمل استئصال جسم زجاجى كامل و لكن بنشيل الجزء اللى فيه النزيف فقط و نسيب باقى الجسم الزجاجى ، و لو كده فعلا زى ما انا متوقع من كلام حضرتك فدى عملية سهلة بإذن الله و فعلا نسبة نجاحها عالية بأذن الله ، و فعلا نادرا اما نحتاج نحقن فيها زيت سليكون ، و الرؤية بترجع بسرعة بعد العملية بإذن الله و فضله.
ده لو توقعى لكلام حضرتك صح.
عموما اعتقد انا كده وضحت لحضرتك كل الأحتمالات الواردة بالنسبة لأستبدال الجسم الزجاجى فى ضوء المعلومات اللى قدامى.
نزيف الشبكية ماينفعش معاه قطرات ، لأن القطرة مش هاتوصل لقاع العين و من ثم الشبكية ، و التعامل معاه زى ما سبق و قلت حسب درجته و مكانه.
انا عارف ان القرار صعب ، و قلبى معاك و ربنا يساعدك و ياخد بايدك و يتم شفاك على خير.
لو ممكن تعمل سكان لأى تصوير لقاع العين او موجات فوق صوتية او اى تحاليل او فحوصات او تقارير و تبعثهالى ، علشان اقدر افهم الوضع اكتر.
و فيه تفاصيل اخرى بعثتها لحضرتك على الخاص.
و تحياتى
السلام عليكم يا دكتور
انا مصاب بمرض السكر من النوع الاول و الحمد لله متحكم فية انا الان عمري 22 سنة
لكن اعاني من استيجماتيزم
ذهبت لدكتور العيون عشان اسأل على العملية الليزك و لكنة نصحني بالابتعاد عنها خصوصا اني مريض بالسكر و نسبة حدوث infection عالية مع اني مظبوط و الحمد لله و ال hba1c = 6.9
فلماذا نصحني بالابتعاد عنها ؟؟ مع اني اسمع انها مفيدة جداا
جزاك الله خيرا يا دكتور
لو سمحتلي اسألك سؤال بخصوص الوالدة
52 old female,no diabetes or hypertension complaining of chronic red eye especially if stressed (very nervous),every time visiting doctors saying it is allergic conjunctivitis
she used visine,presoline blue,epichrom,and sometimes mixture of short course of cortisone with antibiotics
recently,about 1 month ago redness was not reliefed although these medications,blurring vision also,
we went to another ophthalmologist,measured i.o.p and was (24) at night,he suspected glucoma,and asked for visual field,he detected also white scales saying it is infection(usually passes to her from a young child!),fundus examination was normal
is it glucoma?
and how times should we measure i.o.p and exam fundus again?
جزاك الله خيرا دكتور شريف
أولا يا عزيزى العملية مش مفيدة جدا ولا حاجة ، زيها زى اى عملية تانية ليها نسب نجاح و فشل و مخاطر و مضاعفات. و سبق النقاش فيها (و وصل للأسف لحد التجريح و الأهانة من بعض الأعضاء المتحمسين لها) و يمكن مراجعة النقاش فى مشاركات و مواضيع سابقة لا مجال لذكرها هنا.
كلام طبيبك سليم فى نصحه لك بالأبتعاد عنها ، أولا نسبة حدوث Infection هى اعلى فى مريض السكر من اى مريض آخر ، و بالتالى يفضل الأبتعاد عن اى جراحة غير ضرورية ما أمكن تجنبا لأى مضاعفات مهما كانت النسبة قليلة.
المشكلة الثانية ان نسبة السكر بالدم لها تأثير مباشر على مقاس النظر ، و يفضل دائما أخذ مقاس النظر عندما يكون السكر نسبته ما بين 90 - 150 ، و زيادتها او قلتها عن ذلك تؤدى لأخذ مقاس غير دقيق ، و يتزايد معامل الخطأ بارتفاع مستوى السكر بالدم عن النسبة المحددة ، و هذا بالنسبة للنظارة ، فما بالك بالعملية ؟؟؟
سنك لسه صغير على ان النظر يكون ثبت تماما ، حضرتك فى السن الأدنى لقبول العملية ، و بالتالى احتمال رجوع المقاس السابق او جزء منه وارد بعد عدة سنوات.
نتائج الليزك فى الأستيجماتيزم مازالت غير مرضية فى كثير من الحالات.
مش معنى كلامى انها مستحيلة و لكن زى ما حضرتك شايف فيه اكتر من نقطة يجب الحذر منها ، و بتطبيق مبدأ السلامة أولا ، فطبيبك نصحك بالأبتعاد عنها و وجهة نظره صح (عن نفسى موافقه عليها و شايف انه أمين معاك).
و تحياتى
ياريت يادكتور شريف تفيدنى فى مدى تحسن النظر بعد عملية سحب سائل السليكون من العين ودة كان لتثبيت الشبكية -نتيجة حادث سيارة-والدكتور بيقول بيعد سنة وبيتشال
السلام عليكم يا دكتور/ شريف
أرجو منك النصيحة عندي بنتي عندها 8 سنوات لما بتبص لأعلي أحيانا عينها الشمال مش بتستجيب زي اليمين يعني زي ما يكون بتحول للحظات او لو التفتت فجأة أحيانا بتحصل برضة هي نظرها كويس عرضتها علي دكتور في مستشفي الرمد وعرض يعملهاعملية تقريبا لشد الاوتار للعين الشمال لكن الوقت كان امتحانات. من فضلك هي ممكن تتظبط مع الوقت ولا العملية لازمة؟ وأفضل سن للعملية اد أية؟ ولو ليها مضاعفات وتحتاج وقت كام يوم في المستشفي؟ وأفضل مكان ممكن ترشحهولي.....علي فكرة هي معندهاش مشكلة غير ان اصحابها احيانا بيلاحظوا ويكلموها وطبعا طفلة ومبتحبش حد يعيب عليها (: وانا خايف عليها جدا من البنج وجو المستشفي......... انا متشكر جدا لوقتك واهتمامك.
ألف سلامة على الوالدة
Regarding her condition, from my point of view we have a serious problem which is "Idiosyncrasy", which is drug induced allergy
This problem occurs mainly due to abuse of eye drops, especially the constrictive ones like Visine, Prisoline, etc
Allergic conjunctivitis is WORSENED this way, even short term steroids won't be of much help, we should avoid eye drops for a while, not less then 2 weeks for the eye to be relieved, and we can use systemic treatment like potent Antihistamines (e.g. Telfast 180 mg). Afterward we may commence Antihistamine eye drops like Azelast or Patanol 1 x 3 x 14.
White scales on eye lashes are not infection, either seborrheac or allergic in nature. Infection scales are usually yellow or green, and are crusts more than scales.
To diagnose Glaucoma you should measure the IOP in 3 different days at different times, i.e. day & night.
Field is good way to follow up glaucoma patient, but in my opinion, if you are suspecting glaucoma & you want to be sure of "yes" or "no" diagnosis, then go for OCT. it is more decisive.
و تحياتى
الغرض من زيت السليكون هو دعم و تثبيت االشبكية فى مكانها بعد استئصال الجسم الزجاجى (أيا كان السبب) و لا بد من ازالته بعد فترة ، و هذه الفترة لا يجب ان تقل عن 6 شهور لضمان تثبيت الشبكية ، و اذا لم يكن هناك مشاكل منه (لم يحدث ارتفاع فى ضغط العين او مياه بيضاء و اذا لم يتحلل الى فقاعات) فيمكن تركه لقترة اطول حسب ما يرى الطبيب.
المفروض ان وجود زيت السليكون من عدمه مالوش تأثير على الرؤية الا لو حدثت مضاعفات من وجوده مثل ما ذكرت قبلا و عندها تكون ازالته افضل مع علاج المضاعفات ان وجدت.
و عموما ازالة زيت السليكون عمليه سهلة و بسيطة.
و الف سلامة عليك.
و تحياتى
ألف سلامة على أمورتنا.
طبعا يجب الأنتباه بسرعة لعدة أسباب أولها و أهمها الحالة النفسية للبنت.
السؤال المهم الآن هو : عندما تم الكشف على البنت هل تم أخذ مقاس للنظر ، و اذا تم ذلك فهل كان باستعمال قطرة التوسيع أم لا ؟؟؟
إجابة هذا السؤال مهمة جدا بالنسبة لحالتها.
السؤال الثانى و أرجو الدقة الشديدة فى اجابته : هل الحول الذى يحدث افقى ام رأسى ام كلاهما ؟؟ يعنى بيحصل لما تبص لفوق أو تحت ، و لا لما تبص يمين أو شمال ، و لا الأثنين (و دى صعب جدا انها تحصل و لكن ممكن فى حالات نادرة) ؟؟
فى انتظار الأجابة للرد على باقى اسئلتك على ضوء توضيح هاتين النقطتين ..
و تحياتى
جزاك الله خيرا دكتور شريف وشكرا لسرعة الرد
احنا رحنا امبارح معهد الرمد
i.o.p was 12 about 11.30 am and dr said she has infection and gave here
FML for 3 days only and
TRILLERG eye drops
they said it is some sort of infection and saying there is (nodules) on everting eyelid!
about allergy she is already allergic to some drugs(sulfa) and certain foods(chocolate), and uses telsast or claritine in such cases
so,is it a strong type of allergic conjunctivitis or eye drops hypersensetivity?
and do u advice to short term local steroids and antiallergic
?
and do we need more investigations?
thanks a lot sr sherif and jazak ALLAH khairan
Thank you for your nice complements.
If it's an infection as they say ?? why would they give steroids (FML : Flourometholone, a weak steroid) ?? Why would he give a vasoconstrictive with a lubricant added to it (Trillerg), it's a weak antihistaminic.. this doesn't coincide with he presumed diagnosis...
Also nodule on everting the lid ?? I would suspect also a chalazion... if so, then the treatment is incomplete.
Regarding the IOP it's normal inthe second measurement. I would suspect that you mother squeezed her eyes a little bit during the first exam..
I'll send you a pm, pleae read it . thanks
سوف أرسل لاك رسالة على الخاص ، برجاء الرد عليها.
و تحياتى
جزاك الله خيرا
as for glucoma i think it is not possible now,according to chlazion there is no external lump but they said multiple nodules on everting lid
i think u are right about abuse of eye drops
she tried a lot of v.c,cortisone and antibiotics
رديت علي حضرتك علي الخاص واشكرك حتي تستغيث:satelite:
شكرا يا دكتور علي سرعة الرد
في الرمد الدكتور كشف علي عنيها بدون قطرة هي بس قعدت علي الجهاز.
انا عملتلها زي اختبار كأننا بنلعب (: وهو انها تتابع ايدي بعنيها بس وانا كنت بحرك ايدي بشويش يمين وشمال وفوق وتحت الأختلاف ظهر لما كانت بتبص لفوق ولما كانت بتبص يمين كانت الأستجابة للحركة أبطء.
دكتور انا سمعت انها ممكن تتظبط لوحدها مع الوقت؟
شكراً مرة تانية لأاهتمامك.
السلام عليكم
ازيك يا دكتور شريف يارب تكون بخير
مع عشقى الشديد للرمد وكان من اولوياتى فى التخصص الا انه سنه الامتياز ابعدتنى عنه تمام سواء كان شغل ما اتعلمتش حاجه او تحضير لما شفت كتب الرمد الى معلوماته هتبقى جديده وصعبه فى التحضير والله اعلم
المهم انا نظرى مش اوى
مقاسى من سنتين
R Eye
sph : 1
cyl : 0.75
axis : 160
left
sph : 1
cyl:0.75
axis 80
حاسس انه الدكتور ده اشتغلنى بس عملت النظاره و لبستها عادى
مع انه انا اعرف انه الاستجماتيزم عندى فى اليمين اكتر بس عاملى مقاس واحد
من كام يوم رحت مستشفى الرمد قلت للدكتوره عايز اعمل كشف قالتلى دقيقه يا دكتور هشوف الحاله دى منتهى قله الذوق طبعا
لحظها الهباب قام الدكتور رئيس المركز بعتلهم عايزهم قمت قايل للمرضه تاخدلى المقاس على الريفراكتور طلع ناقص
وكالاتى
rt
sph : 1
cyl : 1.37
axis : 167
left
sph : 1.62
cyl and axis : not done
مش ظاهرين فى الورقه
قلت يا عم بلاها الجامعه طالما الدكاتره بقم سيس كده ومفيش ذوق
قلت اروح لدكتور بره
رحت لدكتور وعملى مقاس كالاتى من الريفراكتور بس وتصور يا دكتور شريف دكتور رمد ما عندوش الشارت و بيعمل رينج للمقاس على المرايه يعنى طلع المقاسات من الريفراكتور و كتبهالى والسلام عليكم وكانت كالاتى
rt
sph : 0.75
cyl : 1
axis : 165
left
sph :0.75
cyl : 0.5
axis : 75
هل الجهاز فى الجامعه ما طلعش المقاسات التانيه عشان صغيره
طب الدكتور القديم كان مزودلى العين الشمال ليه
طب هل اعتمد على مقاسات الكمبيوتر مع انى عارف انه الربع والنص ده هياثر على النظر وغلط اى زياده او نقص
انا بجد تعبت والله وعايز اروح لدكتور تانى
مش عارف البلد دى حالها هينصلح امتى وكل حاجه او اى حاجه تتعمل صح ولو لمره واحده
اسف على الاطاله يا دكتور
جزاك الله خير.....:ma:
جزاك الله خير
أعتذر للجميع عن تأخرى فى الرد و لكن أمر بظروف صعبة جدا جدا و أدعو الله ان تمر الأزمة على خير.
:Zb_sor1[1]::Zb_sor1[1]:
لذا رجاء سامحونى فى تأخرى فى الرد على استفساراتكم.
و تحياتى
مع كامل احترامى لأى حد شاف بنت حضرتك... ماينفعش أبدا أبدا آخد مقاس عين لطفل بدون وضع قطرة Cycloplegic
عين الطفل بيكون التحكم فى العضلة الداخلية جواها غير مكتمل تماما و بالتالى ممكن تشد غصب عن الطفل و تدينى مقاس كاذب ... و القطرة هى اللى بتوقف عمل العضلة دى مؤقتا (نفس قطرة الفحص فى الجيش) علشان ناخد مقاس سليم ... يبقى ازاى ما حطوش القطرة و أخذوا مقاس بالكومبيوتر ؟؟؟
بصراحة ده كلام مش مضبوط..
لازم ناخد مقاس صح للبنت قبل ما نحكم على اى حاجة ...
مكن الموضوع يتحسن كتير لو لبست نظارة مثلا لو فيه مقاس فى العين.
حكاية انها تتظبط لوحدها أنا مش موافق عليها للأسف...
لو فيه حاجة لازم تتعمل فى اسرع وقت ممكن ... مش طوارئ و لكن خير البر عاجله .
و تحياتى
أهلا بيك يا د / محمد
أكيد كان هايبقى مكسب لينا لو كنت اخترت تخصص طب و جراحة العين
واضح انك لفيت تمام و ده اول اسباب اللخبطة ، و لكن فى حالتك انا فاهم ليه انت عملت كده
طبعا لأ ، ممكن تكون عينك ماكانتش مفتوحة كويس او ماكنتش ثابت كويس قدام الجهاز او الجهاز يكون محتاج calibration .. و خصوصا انه واضح ان ماحدش ضبطه صح بدليل انه بيقيس 1/8 درجة بدل 1/4 درجة كما هو معتاد و متعارف عليه
احتمال (ضعيف جدا) ان ده كان مقاسك ساعتها
و لكن الأحتمال الأقوى انك كان معمول لك over-correction ، و دى غلطة وارد ان اى حد يقع فيها لو مش واخد باله كويس من المقاس
أكيد لأ ... ماحدش بيكتب المقاس من الكومبيوتر للكشف كده ... امال فايدة تجربة المقاس ايه ؟؟؟ علشان ضبطه و تجنب ال over-correction و غيره من أخطاء النظارات الشائعة ... و فعلا ده ممكن يأثر و يعمل صداع و زغلله و شد فى عضلة العين الداخلية.
يا باشا انا تحت أمرك ، لو تحب تشرفنى ابعث لى على الخاص و انا اديلك العنوان ، و أهلا بيك ضيف عزيز ، و مافيش اطالة و لا حاجة ، أهلا بيك فى اى وقت
و تحياتى
ربنا يخليك يا دكتور شريف شكرا جزيلا على الرد
بس هو المشكله انه اكيد حضرتك فى القاهره ياريت حضرتك كنت من المنصوره
الى انا اعرفه انه انا عندى الاستيجماتيز فى العين اليمين اكبر من الشمال مش معقول بعد سنتن لسه الفرق موجود واكيد زى ما حضرتك قلت اتعملى over correction
معلش هتعب حضرتك معايا انا بقالى كام يوم بشتكى من حاجه غريبه وخايف من حاجه
tears secretion from left angel nasal angel
وملاحظ المووضوع ده اول اغلب فترات اليوم وكل شوى امسح الدموع دى
خايف لتكون dacryocystitis تبقى مصيبه هههه
حضرتك دى ممكن تكوون ايه ؟
وشكرا جزيلا لحضرتك
السلام عليكم
ازيك يا دكتور شريف
لو فاكر حضرتك كنت استنشرتك في موضوع الوالدة
احنا رحنا معهد الرمد وعملنا visual field and oct
ودي النتايج
مجال الابصار عدناه مرتين لان الجهاز كان بيطلع errors حسب كلام الدكتورة وبيقول ان patient is incooperative
[OVERLINE]right test showed[/OVERLINE]
good test reliability
area of significant localized depression of retinal sensitivity involving the upper hemifield as seen in total and pattern deviation plots.mean deviation(-2.32dB,p<5%)
pattern standard deviation (2.29dB,p<5%
GHT is borderline
[OVERLINE]left test showed[/OVERLINE]
good test reliability
area of significant localized depression of retinal sensitivity involving mainly the upper hemifield
mean deviation(-2.57dB,p<5%)
pattern standard deviation(2.09dB,p<5%
GHT is borderline
[OVERLINE]conclusion[/OVERLINE]
bilateral localized visual defects.clinical correlation,follow up and oct are recommended
oct
optic nerve head analysis showed within normal optic disc parameters
right cup\disc horizontal ratio=0.411
cup\disc vertical ratio=0.394
left cup\disc horizontal ratio=0.396
cup\disc vertical ratio=0.34
[OVERLINE]
bilateral fast RNFL thickness with RNFL thickness analysis showed,[/OVERLINE]
within normal thickness of retinal nerve fiber layer lying within the green zone
[OVERLINE]conclusion[/OVERLINE]
within normal oct examination of optic disc and retinal nerve fiber layer
الاستيجماتيزم عادة بيكون ثابت و التغير فيه على مدى العمر بيكون بسيط (طبعا ما عدا حالات القرنية المخروطية) ، و بالتالى لو التغير 1/4 الى 1/2 درجة فمافيش مشكلة .. ده ممكن..
بالنسبة للشكوى التانية فطبعا دى مش شكوى Dacryocystitis ابدا (انت ما كنتش بتذاكر الرمد كويس ولا ايه يا د/ محمد:3_3_102[1]::44:انا باهزر معاك طبعا) ... غالبا عندك حرقان فى زاوية العين مصحوب برغبة فى الهرش مع الدموع اللى حضرتك ذكرتها ، و ممكن كمان احساس بشكة بسيطة عند الزاوية ...
دى غالبا Angular conjuctivitis و دى بيسببها بكتيريا رذلة اسمها Morax-Axenfield diplobacillus و بندلعها فى الرمد و نسميها Moraxella و دى الزنك اللى فى الدموع بيموتها علشان كده بتحاول انها تصيب زاوية العين اللى هى ابعد مكان عن الدموع ، و حساسة لل Oxytetracycline اللى هو مرهم Terramycine و لكن لأنه بيعمل حساسية فى العين فمش بنكتبه ، انا افضل ان حضرتك تاخد
[frame="3 50"]Gatilox Eye Dropsقطرة للعين 3 مرات يوميا لمدة اسبوع ثم توقف
Zincfrin Eye Dropsقطرة للعين 3 مرات يوميا لمدة اسبوع ثم توقف
[/frame]
مع تمنياتى بالشفاء
و تحياتى
شوف يا باشا ...
بالنسبة لل glaucoma فطبعا ال OCT له الكلمة الأولى و الأخيرة ، و مادام طلع سليم يبقى الوالدة ما عندهاش glaucoma ... دى مش محتاجة كلام.
بالنسبة لمجال الأبصار ، الوالدة عادته مرتين لأنها لسه مش متعودة عليه و مش عارفة تتأقلم معاه و تعمله صح ، و بالتالى احتمال الخطأ لا يزال وارد برغم ان الجهاز آخر مرة اعتبر ان ال reliability is good و لكن من فضلك ، ممكن تعمل سكان للمجال و ترفعه علشان اقدر اشوفه بعينى و أشوف ال defect الى مكتوب فى التقرير شكله ايه ؟؟ التقرير اصله شكله مكتوب بصورة general (زى نظام النموذج اللى بتغير فيه الأسم و خلاص) مع كامل احترامى للى كتبه ، و لا أقصد اى اتهام ، و لكن المجال بيتناقض مع ال OCT تماما ، علشان كده افضل اشوفه بنفسى.
و بعدين ده احنا علشان خاطر الوالدة نروح لها فى أى مكان ، دى امنا كلنا و على راسنا من فوق. و ربنا يشفيها و تكون بأتم صحة و حال ان شاء الله.
و تحياتى
شكرا جزيلا يا دكتور شريف
ههه انا كنت شاطر جداا فى الرمد وكنت فاهمه كويس جداا بس دلوقتى ولا الهوى ههه
انا ما عنديش burning sensation or itching هى الدموع بس !!
امشى على العلاج ده برضه
شكرا جزيلا يا دكتور شريف انا من 4 ايام بالظبط جبت الجاتيلوكس و الزينك فرين ما لقيتوش خالص حتى الجاتيلوكس لفيت على ما لقيتها
جبت البريزولين زينك بدل الزينك فرين واخدتهم التلات الايام الى فاتوا بس مره واحده انا مهمل حجداا بس الحمد لله ماعادش فيه دموع زى الاول والموضوع خف وماعدتش بحس بيه
شكرا جزيلا يا دكتور شريف جزاك الله خيرا
السلام عليكم ورحمة الله وبركاته
ازيك يا دكتور شريف .... ربنا يباركلك في صحتك واهلك ومالك
...
محمود ابني عمره 8 سنوات و3 شهور
المدرسة بتاعته قالت اعملوله كشف نظر عشان هو بينقل غلط ساعات من على السبورة ... علشان نطمئن
عملناله كشف
الدكتور قال ان نظره مش ضعيف ... ناقص نص درجة فقط لكن الدكتور عاوز نعمله نضارة
انا بصراحة مش بأفضل ان الواد يلبس نظارة من السن ده
السؤال .... هل عدم عمل نظارة له ممكن يأثر سلبيا على نظره مستقبلا بان نظره يضعف اكتر مثلا
...
امه مش بتلبس نظارة ... وانا لبست نظارة في عمر 23 سنة
وهل لك نصائح معينة لو عملناله نظارة ... من حيث نوع العدسة او ماشابه
والف شكر مقدما
http://i429.photobucket.com/albums/q...scan0002-1.jpg
دي صورة الكشف
الحمد لله على سلامتك ..
المشكلة فى الجاتيلوكس انها من اقوى القطرات من عائلة الكينولون (الجيل الرابع) و لكن سعرها 8 جنيه فى حين ان البديل المستورد من 38 جنيه و انت طالع ، علشان كده ما بيحبوش يجيبوها او يطلعوها علشان ربحها اقل ... بدون تعليق...:b4_556:
المهم انك احسن دلوقت
و تحياتى