السلام عليكم دكتور شريف
ممكن استشارة سريعة هنا
http://www.nilemotors.net/Nile/93403...post3871970657
معلش مش عايز اغرق المنتدى بنفس الرسالة ميت مرة
عرض للطباعة
السلام عليكم دكتور شريف
ممكن استشارة سريعة هنا
http://www.nilemotors.net/Nile/93403...post3871970657
معلش مش عايز اغرق المنتدى بنفس الرسالة ميت مرة
اولا ازيك يا دكتور شريف اتمنى تكوت فى احسن حال
هل نوع عدسات نظارات النظر بيفرق ولا كلة واحد,,, بلاقى زوج عدسات ب 180 جنية ونوع تانى ب 50 هل فى فرق يخلينى اشترى الغالى؟؟ وازاى اعرف الفرق لو موجود؟؟؟
ازيك يا دكتور شريف كل سنة وحضرتك بالف صحة وخير عندى استفسار كانت والدتى عملت عملية مياه بيضاء فى العينين وبينهم فترة سنة ما بين العمليتين وهى عملتها من حوالى شهرين وحضرتك عارف رمضان ووالدتى دخلت المطبخ وطبعاً اتعرضت للبخار والحرارة وعينييها الشمال اللى عملنا لها اخر عملية بتدمع بصفة مستمرة منذ حوالى اسبوع ولو طلعت فى الشمس بتدمع برضه فهل العملية كده فيها مشكلة ولا دى اعراض يمكن علاجها ارجو من حضرتك افادتنا وهى كانت بتستعمل القطرات (oflox- pred fort) والـ (tobradex) مازالت بتستعملها مستنى ردك يا دكتور والف شكر ورمضان كريم .
الحمد لله يا أستاذ أحمد و شكرا لك
طبعا انواع العدسات فى النظارات بتفرق و ده طبعا سبب مهم فى فرق السعر و لكن عندنا مشكلة رهيبة فى الموضوع ده ...
[warning]لو انت مش ضامن محل النظارات كويس جدا مافيش طريقة ليك كمستخدم عادى للنظارة انك تعرف الفرق للأسف ...[/warning]
يعنى ممكن يقول لك ان ده اغلى نوع عدسات و يحاسبك عليه و يحط لك نوع عادى (مش هانقول ردئ مع انه ممكن) ... و مش هاتعرف !!!
حتى احنا كأطباء عيون مش ممكن نعرف بمجرد النظر لعدسات النظارة ، الفحص على الأجهزة ممكن يعرفنا جودة او رداءة بعض العدسات مش كلها
ممكن لو نوع غالى قوى انك تطلب الظرف الفارغ بتاع العدسات و تطابق القوة اللى عليه بمقاسك زى المثال التالى:
يعنى لو العين اليمين مثلا Sphere -2.00 Cylinder -1.75 Axis 130
المفروض الظرف الفارغ يكون مكتوب عليه Sphere -2.00 Cylinder -1.75
اما Axis فمش هايتكتب لأن اللى بيركب النظارة بيلف العدسة للزاوية المطلوبة قبل ما يقصها على النظارة
فلو لقيت كده يبقى دى فعلا العدسات اللى قال عليها لك لأن احتمال انه يعمل نفس المقاس لأكتر من واحد و كلهم طالبين العدسات الغالية احتمال ضعيف فغالبا دى عدساتك فعلا
غير كده ماعرفش طريقة تانية
علشان كده مافيش داعى تشطح قوى فى العدسات علشان احتمال الغش وارد جدا ...
و للأسف ما بتفرقش اسم المحل فى الحكاية دى ، ياما شفنا نظارات مدفوع فيها مبالغ رهيبة و من محلات كبيرة و العدسات اللى فيها رديئة جدا ...
ربنا يستر و بالتوفيق...
مع تحياتى
الله يسلمك و كل سنة و انت طيب و بالف صحة و خير
و آسف على التأخير فى الرد بس مواعيد رمضان ملخبطة جدا معايا
الله أكرم ، و الف سلامة على الوالدة
المفروض ما دامت العملية عدى عليها شهرين يبقى مافيش مشكلة
سبب الدموع ماقدرش احدده بالضبط ، هل البخار و الحرارة عملوا حاجة لسطح العين ولا لأ ،
هل العين حمراء بصفة مستمرة ؟؟
هل فيه افرازات مع الدموع مثلا ؟؟ و لو فيه افرازات ... لونها ايه ؟؟ و هل لها وقت معين من اليوم ؟؟
هل الدموع مستمرة (زى ما حضرتك قلت) يعنى نازلة على الخد مش بتبطل و لا بسيطة كل شوية كام نقطة؟؟ ولا العين مرغرغة بس ؟؟
فيه نقطة مهمة جدا بالنسبة لى ... ليه الوالدة لسه ماشية على القطرات لحد دلوقت ؟؟؟
حضرتك قلت Predfort و Oflox و دول قطرات ، و لكن Tobradex هل هى قطرة ولا مرهم ؟؟
و بتحط منهم كام مرة فى اليوم ؟؟
النفروض ان تكون الأدوية وقفت خلاص و كده انا ممكن احط الأستمرارية على القطرات كأحد اسباب الدموع ..
فى انتظار ردك للتوضيح
و السلام عليكم ورحمة الله وبركاته
يكفينى ذوقك ولفتاتك الطيبة تجاه الجميع وان حضرتك بترد على الاخوة الزملاء والاعضاء لوجه الله وبجد جزاك الله خير الجزاء .اقتباس:
آسف على التأخير فى الرد بس مواعيد رمضان ملخبطة جدا معايا
الله يسلمك يا دكتور شريف اول حاجة العين والحمد لله لا يوجد بها احمرار غير العادى فى حالة الاجهاد او عدم النوم .اقتباس:
الله أكرم ، و الف سلامة على الوالدة
المفروض ما دامت العملية عدى عليها شهرين يبقى مافيش مشكلة
سبب الدموع ماقدرش احدده بالضبط ، هل البخار و الحرارة عملوا حاجة لسطح العين ولا لأ ،
هل العين حمراء بصفة مستمرة ؟؟
مجرد دموع بدون اى افرازات اما الدموع فتحدث عند التعرض للحرارة سواء الشمس او بأبخرة المطبخ عند الطهو .اقتباس:
هل فيه افرازات مع الدموع مثلا ؟؟ و لو فيه افرازات ... لونها ايه ؟؟ و هل لها وقت معين من اليوم ؟؟
هى بسيطة مش مستمرة والعين احياناً بترغرغ ولما تغلق عينيها تنزل دموع بي برده بسيطة .اقتباس:
هل الدموع مستمرة (زى ما حضرتك قلت) يعنى نازلة على الخد مش
بتبطل و لا بسيطة كل شوية كام نقطة؟؟ ولا العين مرغرغة بس ؟؟
تم وضع القطرات اول اسبوع 3 مرات فى اليوم وثانى اسبوع مرتين فى اليوم وثالث اسبوع مرة واحدة يومياً بس مش عارف سبب تضارب مواعيد القطرات وسبب استمرارها وعموماً هى خلصت القطرات من يومان و الـ tobradex قطرة وكان الدكتور كتبلها artelac eye drops تمشى عليها علطول بس لسه مستعملتهاش فى اى مشاكل بالنسبة لاستعمال القطرة دى ؟؟؟ وهل لو اتخذنا استمرارية القطرات كسبب اتمنى يكون رئيسى فى الدموع العين ترجع لطبيعتها فى خلال وقت قد ايه وهل فى خطوات يجب عملها ؟ .اقتباس:
فيه نقطة مهمة جدا بالنسبة لى ... ليه الوالدة لسه ماشية على القطرات لحد دلوقت ؟؟؟
حضرتك قلت Predfort و Oflox و دول قطرات ، و لكن Tobradex هل هى قطرة ولا مرهم ؟؟
و بتحط منهم كام مرة فى اليوم ؟؟
المفروض ان تكون الأدوية وقفت خلاص و كده انا ممكن احط الأستمرارية على القطرات كأحد اسباب الدموع ..
اتمنى اكون وضحت الامور ومرة تانية شكرأ جزيلاً لحضرتك ولك تحياتى .
الف شكر يا د/ شريف على الرد والاهتمام
متشكر جدا لذوقك
ده طبيعى و مش بيقلق
كمان ده طبيعى ، لأن العين للما تتعرض لأبخرة أو حرارة مباشرة الدموع بتتبخر بمعدل اسرع من الطبيعى فالعين بتفرز كمية مضاعفة من الدموع لتعويض التغير الحادث ، اما مع الشمس فشدة ضوء الشمس بتنبه النهايات العصبية فى القرنية بشدة فتفرز العين الدموع للتقليل من تأثير الضوء الشديد
ده ماشى مع الكلام اللى انا لسه قايله و ممكن يكون فيه نسبة جفاف بسيطة فى سطح العين
المفروض تكون ما بتستعملش اى قطرات خالص ، اما Artelac فدى دموع صناعية بترطب سطح العين و لو مالهاش فايدة فمش مؤذية ابدا و استعمالها مأمون جدا بإذن الله ، فيه نقطة تانية ان ممكن لو طولت فترة استعمال القطرات بدون داعى العين بيجيلها حساسية من القطرات نفسها و تدمع و تحمر و لكن لما نبطل القطرات ترجع لطبيعتها تانى..
أتمنى اكون قدرت اوضح الموضوع ، و تمنياتى بالشفاء العاجل للوالدة ، و اسف مرة اخرى على التأخير فى الرد
و تحياتى
لك منى كل الشكر والاحترام يا دكتورنا العزيز وربنا يكرمك ويوفقك دائماً .
دكتور شريف جزاك الله خيرا على تعبك معانا
عندى سؤال عن الاستجماتيزم
طفلة عندها 7 سنين عندها استجماتيزم فى العين اليمين -4
والشمال -1
المهم الدكتور بعد ماعمل قياس الكمبيوتر وجرب النظارة طبعا الواضح انها مش بتشوف كويس خالص باليمين تقريبا من السطر التالت العلامات ضايعة معاها
والشمال بتشوف بيها احسن بس برده مش اوى
والدكتور بيقولى الخوف انها تعتمد عالشمال وبس ويحصل كسل للعين اليمين
هل الاستجماتيزم لوحده سبب لده؟
السؤال التانى الدكتور كتبلها قطرة عشان توسع حدقة العين تاخدها 3 ايام وتروحله عشان يعيد كشف الكمبيوتر هل ده صح؟
لانه على حد علمى طول عمرنا بنحط القطرة دى واحنا داخلين للدكتور قبلها بدقايق وبس
ثالثا واخيرا ايه الحل للموضوع ده
ولو تعرف دكتور كويس فى اليكس ياريت تقولى
ألف شكر على المجاملة الرقيقة ، مافيش تعب و لا حاجة
بالنسبة للبنوتة الصغيرة ، واضح من كلامك انها مالبستش نظارة قبل كده خالص....
و بكده نبقى قدام كذا مشكلة :
1) مركز الأبصار فى المخ بيكتمل نموه فى الفترة من 6-8 سنين من العمر ، و علشان ينمو صح لازم توصل له صورة صح ، و اذا اكتمل نموه مع صورة مشوشة تفضل كده مدى الحياة ، يعنى لو فيه عين ضعيفة آخرها 6/12 و مركز الأبصار وقف النمو على كده تفضل العين دى عمرها ما تتحسن عن 6/12 مهما نعمل ، و بكده بالنسبة لنا البنت دى عجوزة على اكتشاف ضعف النظر ، فلازم نلحق فورا نصلح بسرعة علشان نلحق مركز الأبصار فى المخ قبل ما يقفل على كده.
2) نتيجة الأستيجماتيزم العالى فى العين اليمين فبالتالى هى الأضعف و دخلت فى كسل ، و زى ما قلت فوق ، لازم نلحق ننشطها قبل الكسل ده ما يبقى دائم.
3) انا شخصيا مش موافق على موضوع القطرة 3 ايام و بعدين نكشف ، الكلام ده لو باستعمل مرهم اتروبين (للأسف مش موجود فى مصر بقى له سنين) ، و لكن القطرة اللى بتستعمل بدلا منه لابد ان توضع بواسطة الطبيب فقط ... القطرة دى ممكن تعمل مشاكل للأطفال فى حالات نادرة (و علشان كده المرهم هو الأفضل) و لكن الحرص واجب و لتلافى المشاكل دى لازم الطبيب يحطها بنفسه لأن بعدها فى الحال بأقفل القناة الدمعية بايدى علشان امنع نزول القطرة للأنف و اتجنب امتصاصها فى الدورة الدموية و بكده العين فقط تمتصها لتجنب مشاكلها ، و بنستنى ساعة او اكتر شوية و بعدين ناخد مقاس العين على الكومبيوتر ، و بعد يومين (لما مفعول القطرة يروح) نجرب العدسات بتاعة النظارة للطفلة.
ملحوظة ، أولا النظارة لازم تتلبس بصورة متواصلة و تقلعها فقط على النوم ، ثانيا اعتقد هانحتاج تمارين لتنشيط العين اليمين و ده عن طريق قفل الشمال عدد ساعات يوميا لمدة أسبوعين او اكتر حسب درجة كسل اليمين
للأسف ماعرفش حد من الزملاء فى الأسكندرية .
أرجو اكون وضحت الموضوع
و تحياتى
الف شكرا يا دكتور
والحمدلله انى اخيرا لقيت حد متقق معايا فى عدم استخدام القطرة ل 3 ايام قبل الكشف لانى مش مقتنعة بالنقطة دى خالص
شكرا مرة تانية
تقبل تحياتى
السلام عليكم ورحمة الله وبركاته
اولا احب اشكر مجهودك يا د شريف ... وربنا يجعله في ميزان حسناتك
انا عمري 45 سنة
بالبس نضاره من عمر 21 سنة
من سنة روحت علشان احدث النظارة
الدكتور قالي لازم تعمل نظارة مشي ونظارة قراءة ...
ليه يا دوك
علشان اني عديت ال 40 سنة ولازم تلبس نظارة قراءة عند القراءة ونظارة مسافات او مشي لما تكون مش بتقرأ .....
من ساعتها وانا مش مرتاح خالص
نظارة القراءة اكاد اكون لا استعملها
موضوع النظتارتين ده جابلي صداع .... باحس لما اغير النظارة اني غيرت جلدي ... يعني وانا سايق و حبيت ابص ع التليفون ..... ماعرفش .... زي مايكون الدكتور بتاعي متفق مع المرور عليا ... وهكذا في كافة مجلات الحياة اليومية
كنت ح اعمر نظارة مزدوجة بعدستين
لكن ناس كتير قالولي مش ح ترتاح فيها وفي الآخر ح تركنها وتعمل نظارة عادية
كانت النتيجة اني حاسس ان نظري ضعف خلال السنة دي نتيجة القراءة بدون نظارة
ايه الحل ..... مش ممكن يبقى نظاره واحدة زي الاول بمقاس مناسب للحالة الحالية ؟؟؟؟
الف شكر يا دكتور على المجهود الكبير اللى بتقوم بيه فى المنتدى وربنا يعوضك عنه خير
سؤالى ان بنتى لما كان عندها 6 سنوات الطبيب قال ان عندها كسل فى العين الشمال ولازم تمرينات للعين ونظاره وبعد كده البنت مش عايزه تعمل التمرينات نهائيا ومش منتظمه فى لبس النظاره ودايما تتكسر منها فى المدرسه ونعمل غيرها وبرضه تتكسر دلوقتى عندها 9 سنوات كشفتلها تانى عند طبيب اخر قال نظرها مش ضعيف قوى عايز تلبسها نظاره ماشى لو مش عايز مش مشكله وكتب المقاس وفوجئت ان المقاسات مختلفه خالص عن الكشف الاول قمت كشفتلها تانى عند الدكتور الاولانى وكتب الكشف لاقيته مختلف تماما عن الكشف اللى عند الطبيب التانى رغم ان الكشفين كمبيوتر
دلوقتى السؤال الاول اعمل ايه فى عدم الانتظام فى لبس النظاره بالنسبه للبنت وانها بتتكسر باستمرار فى المدرسة
السؤال الثانى طالما ان كشف النظر بيتعمل بالكمبيوتر ليه ميكونش المقاسات زى بعضها يعنى اصدق مين واكدب مين انا متهيألى انى لو عملت 10 كشوفات كمبيوتر ولا واحد منهم هيطلع زى التانى
بداية شكرا لك يا دكتور شريف و جزاك الله كل الخير على مجهودك و جعله باذن الله فى ميزان حسناتك .
انا يا سيدى الفاضل اعانى من قصر النظر و ارتدى نظارة من سن العاشرة تقريبا ( انا الآن 32 سنة ) و نظرى الآن -4.75 لكلتا العينين , و لا يوجد لدى مشكلة .
فقط اعانى طول عمرى من اشياء سوداء اراها ( يسمونها الذبابة السوداء او ما اشبه ذلك ) تبحر فى مجال بصرى يمنة و يسارى .
و كان الطبيب المعالج لى ( د. محمد فتحى المكاوى ) قد كتب لى على دواء لها لكن للاسف لم يعطى النتيجة المرجوة بالاضافة الى اثار الدواء الجانبية من ارتباك رهيب فى الهضم , و كذلك نسيت اسم الدواء فلم استطع تكراره .
هل لديكم اى دواء لهذه الذبابة اللعينة ؟
و شكرا لك مرة اخرى على مجهودك و وقتك .
ألف شكر ، احنا هنا كلنا اخوة و ارجو انى اقدر اقدم شئ مفيد
العدسة الداخلية للعين (العدسة البلورية) هى المسئولة عن رؤية العين للبعيد و القريب (أو كما نسميه التكيف) ، و ليحدث ذلك تنبسط العضلة المعلقة بها العدسة فتشد على أوتارها و يقل سمك العدسة و تتكيف لرؤية البعيد ، و عند النظر لشئ قريب (قراءة مثلا) تنقبض العضلة و ترتخى الأوتار المعلقة بها العدسة فيزيد سمكها و تسمح برؤية القريب.
و مع التقدم فى السن اعتبارا من 35 سنة الى 45 سنة تقل مرونة العدسة بالتدريج و بالتالى قدرتها على التكيف للبعيد و القريب ، حتى نصل الى سن 45 سنة فتكون المرونة المتبقية بالعدسة لا تكفى للتكيف للقريب (القراءة ، المحمول ... الخ) فلابد من تعويضها بنظارة للقراءة.
و اذا كنت تستعمل نظارة اصلا تصبح نظارتين ..
و تلك تغيرات سنية طبيعية (تعرف بالخطأ ان الأنسان عندما يكبر يتحول الى طول النظر ، و هذا غير صحيح).و هذه الحالة هى ما يعرف ب Presbyopia
و للأسف النظارتين هى الحل الأساسى و لكن يمكن الدمج فى نظارة واحدة اما ذات القسمين Bifocal أو نوع اغلى يتدرج من الأعلى الى الأسفل من البعيد للقريب بدون تقسيمات ظاهرة و هو مانسميه Multifocal Varilux و لكنها عدساتها تتعدى 500 جنيه فما فوق ، و كلا النوعين يحناج للتدريب عليه لفترة قد تصل الى اسبوعين.
و لكن لى ملاحظة ، استعمال نظارة قراءة بدءا من سن 40 سنة غير مفضل ، يستحسن بدءا من 45 سنة ، بل اذا كان فى الأمكان تأجيلها (بدون معاناة) يكون أفضل.
أخيرا يوجد نوع من العدسات اللاصقة Multifocal و هو كالعين الطبيعية تماما و لكن لا يصح استخدامه اذا كان الشخص يعانى من استيجماتيزم عالى.
و تحياتى
فعلا لو عملت 10 كشوفات مش هايطلع اثنين زى بعض :
أولا ، الجسم البشرى مش آلة مقاساته ثابتة بالمسطرة ، و لكن دايما فيه تغيرات لحظية ، و علشان كده ممكن اخد مقاسين للعين فى وقتين مختلفين و أكيد الكومبيوتر مش هايطلع نفس الأرقام بالمللى ، اكيد هايبقى فيه فروقات طفيفة.
ثانيا ، ممكن كشف النظارة يتكتب بطرق مختلفة و يكون نفس المقاس زى المثال التالى :
لو فرضنا مقاس العين اليمين : 165 / 2.50- 3.5+
ممكن أكتبه كده : 75 / 2.50+ 1.00+
طبعا اللى يشوف دول يقول كشفين غير بعض لكن هما واحد فعلا
ثالثا ، فيه تغيرات بسيطة فى الكشف قد تبدو مختلفة و لكن فى النهاية لا يوجد تغيير يذكر ، مثلا لو كانت الزاوية 140 بدلا من 145 ... فى طب العيون عادة لافرق (الا لو مقاس العين فى الأستيجماتيزم عالى جدا) ، أو يكون القصر مثلا 4.75- مع استيجماتيزم 0.75- و يصبح 4.50- مع استيجماتيزم 1.00- ، النتيجة واحدة فى الحالتين
أخيرا بالنسبة لبنت حضرتك فمافيش حاجة اسمها مش عايزة او مش بترضى تلبسها او مش بتعمل التمرينات ، دى طفلة مش عارفة مصلحتها ، و لازم الأهل يحافظوا على عينيها و نظرها مش هى اللى تمشى كلامها عليهم ... لازم يبقى فيه فصل تام و حزم فى النقطة دى علشان مصلحتها. اللى انا مش قادر افهمه ازاى فيه تمارين لكسل العين و مش بتتعمل و ازاى العين مش ضعيفة و عايزة تلبس نظارة او لا ؟؟؟ بصراحة انا مش داخل دماغى الرأى الأخير ده (مع كامل احترامى لقائله)
ممكن تكتب لى مقاسات البنت لو سمحت ، او تعمل لها سكان و ترفعها ؟؟
انا محتاج اشوفها ، و بعدين هل اتحط لها قطرة او مرهم قبل الكشوفات دى ولا لأ ؟؟
فى انتظار الرد
و تحياتى
اسمها الذبابة الطائرة و هى عبارة عن شوائب بالجسم الزجاجى (و هو الجيل بداخل العين) و هى معتادة مع قصر النظر او مع التقدم بالسن ، و طالما تم فحص قاع العين و تبين عدم وجود اى مشاكل فالحل الأمثل هو نسيانها تماما حيث انه لم يثبت حتى الآن وجود اى ادوية او قطرات فعالة لها القدرة على اذابة تلك الشوائب.
مع كامل احترامى لجميع الزملاء الأطباء ، لم يثبت وجود علاج ناجح لها حتى الآن.
الحل الوحيد هو اجراء عملية استبدال جسم زجاجى بكل مخاطرها للتخلص من هذه الذبابة الطائرة ، و طبعا هذا حل مرفوض لأنه بالضبط كمن يريد ان يقتل فأرا فينسف المنزل بالكامل للتخلص من الفأر !!!
نصحيتى افحص قاع العين و بعد الأطمئنان على عينيك انس الأمر بكامله
الذبابة الطائرة مقلقة فقط لو تضاعفت آلاف المرات فى ثوان (زى الدش مثلا) او تضاعفت بعد رؤية فلاشات مثل فلاشات الكاميرا ، فيما عدا ذلك انسها تماما
و تحياتى
شكرا لك يا دكتور شريف على اهتمامك و جزاك الله كل الخير .
برجاء عدم الخروج عن سير الموضوع الاصلي بمشاركات لا تمت لطب العيون بصله
هذا الموضوع للاستشارات عن امراض العيون
وليس عن الانجذاب لالوان العيون
مشرف عام 3
لقد خالفتم القاعدة رقم 8
يمنع منعاً باتاً تعليق أي من الأعضاء على التنبيهات الواردة باللون الأحمر من المشرفين أو على القرارات الادارية بينما يسمح بإرسال أي شكوى إلى ساحة الشكاوى أو رفع أي مشكلة أمام لجنة فض المنازعات لجميع الأعضاء المتضررين دون تفرقة .
ستعامــل هــذه المشاركـــات بالحــذف
مما يستوجب وقفكم لمدة أسبوعين لتكرار المخالفات بنفس الموضوع
مشرف الاجتماعي
الف شكر على مجهودك يادكتور وجزاك الله كل خير
انا بلبس نضارة من سنة تقريبا ودى اول نضارة البسها ومغيرتهاش
دلوقتى وانا لابس مافيش مشكلة وبقرا بيها وكلة تمام
المشكلة ان حاليا لما اقلع النضارة بحس ان فى غيام على عينيا الاتنين او ضباب كدة
دة يبقى اية ؟؟؟
وجزاك الله كل خير
ده طبيعى لأن بعد ما المخ شاف الصورة واضحة المعالم بتاعة النظارة صعب انه يتقبل الصورة الضعيفة بتاعة زمان ، المهم تحافظ على لبس النظارة
و هاتلاقى شرح كامل للحكاية دى فى الموضوع ده
معتقدات و اساطير خاطئة عن الطب (2)
و تحياتى
إزيك يادكتور شريف ربنا يكرمك من عنده بأفضل ما يكون
أدخل في الموضوع على طول عشان عيني بتوجعني قوي بصراحة والقراية بتوجعني أكتر
لسة حالا كان في شغل بالصاروخ اللى بيقص الخشب جنبي وأنا واقف حسيت إن فيه حاجة دخلت جوة عيني قلت مش مشكلة ... لأنى إفترضت إنه رمش ولا حاجة
بس بعد كدة لاقيت حاجة زي شظية (أعتقد من الخشب اللى كان بيتقص) لازقة على عدسة عيني اليمين ومش راضية تمشي خالص برغم إني دخلت صباعي جوة عيني عشان أمسحها بس برضه لازقة .. وبتوحعني كل ما جفن عيني يقفل عليها
مش عارف أعملها إيه هل لازم أكشف ... ولا الجرح ده مع الوقت هايقفل لوحده ويطرد الجسم الغريب ده بره
وجزاك الله خيرا كثيرا
أستاذ أيمن :
خطر جدا جدا انك تحاول تشيل حاجة بصباعك من عينك ، الأذى اللى ممكن صباعك يعمله ممكن يكون اكبر من اذى الحاجة اللى دخلت عينك ....
لازم تروح لمكان فيه طبيب عيون يشوف ايه اللى دخل عينك و يشيله باسرع وقت تجنبا للمشاكل ..... و الف سلامة عليك و ان شاء الله تبقى بأتم صحة و احسن حال
و تحياتى .
السلام عليكم
ازيك يا دكتور شريف
معلش انا عاوز اتعبك معاي شوية في كام استشارة كده
اولا انا بحب العب رياضة و تمارين اللياقة وكده ومن التمارين دي اني اقف علي ايدي ( شغل مجانين بقي ) فا كابتن الجيم قالي ان دا يأثر علي العين لان الدم كله بيبقي مركز عليها
فانت ايه رائيك ابطل خالص ... انا بعاند ومش ببطل لاني بتقدم في و تبعا لكده بزداد حماس
فا يتري فعلا غلط اني اقفل علي ايدي ورجلي لاعلي ؟؟
ثاني حاجة انا في حاجة حد لاحظها علي عيني ان جنب النني الي هو لونه بني وسط الابيض بقي في الابيض دا زي لون احمر بس شكل مش منتظم ( معلش انا مشعارف اعبر بمصطلحات الدكاترة فبقول الابيض قصدي العين يعني الجزء الابيض دا )
المهم انا مش عارف دا موجود بقاله فترة كبيرة ولا لاء لان مش حسيت بحاجة مضايقة عيني ( وكمان معنديش حد يبصلي في عيني :36_1_1[1]: )
فا مش عارف دا ايه وهل يقلق ولا لاء ؟؟
ثالث سؤال هل العين بتتأثر بالدورة الدموية يعني لو قصور حصل في الدورة الدموية يأثر عليها
انا مثلا من فترة بسيطة كنت تعبت وحسيت بايدي ورجلي الشمال بينملو كتير علي فترات منفصلة
بس بعديها بقيت احس كل شوية او كل فترة زي نبضات سريعة اتنين او ثلاثة كده في رمش عيني من طرفه ناحية الشمال زي ما تكون بتقفل وبعديها بيومين جالي كذا مرة في العين اليمين
بس الحمدلله بقاله فترة مش جيه ... فا مش عارف دا كان وهم ولا ايه بالظبط وانا مش بحب اروح لدكتور علشان مش بحب حد يعرف اني تعبان او اقلق حد فا اكيد دا نوع من الاهمال
بس مش عارف هل دا ايه بالظبط
معلش طولت عليك يا دكتور
مافيش تطويل ولا حاجة
نبتدى نجاوب نقطة نقطة :
الوقوف على الأيدين يعنى بالمقلوب بيأثر على الجريان الطبيعى للدورة الدموية ، طبعا الجسم بيحاول يضبط نفسه و لكن لفترات قصيرة ، و علشان كده الوضع المقلوب لفترة طويلة بيسبب مشاكل .. من الآخر لو دقائق مافيش مشكلة ، اكتر من كده فبلاش.
بالنسبة للجزء الأحمر فى بياض العين فالوصف غير كافى لمعرفته ، هل هو فقط شعيرات حمراء ، ولا حتة عالية شوية و حمراء و لا ايه ؟؟ ياريت لو توصفهالى ادق من كده شوية ، ممكن تشوفها قدام المراية أو لو تصورها و ترفع الصورة.
قصور الدورة الدموية أكيد بيأثر على العين لكن اللى بتشتكى منه ده مالوش دعوة بقصور الدورة الدموية ، تنميل الأيد و الرجل اسبابه كتير زى التهاب الأعصاب او ضعفها او مشاكل الدورة الدموية بهما ، و لكن اهتزاز الجفن (من الطرف عادة) اللى بنقولها :"عينى بترف" عادة سببها توتر زيادة فى العصب المحرك للجفن ، و ده اسبابه اى حاجة من دول : شاى ، قهوة ، نسكافيه ، سجائر ، حاجات ساقعة سوداء (كولا او بيبسى) ، شكولاته او كاكاو ، و اخيرا الشد و التوتر العصبى
شوف ايه من دول انت بتستعمله و امنعه او قلله
و تحياتى
اولا مش عارف اشكرك ازاي يسادكتور علي سرعة ردك
ثانيا لاء هو مسئلة الوقوف علي الايدين دي مش بتتعدي دقائق ومش يوميا
اما للشكل الي في عيني انا جيت ابص دلوقتي في المراية لقيته قل لوحده بس فا حسيت لو حتي صورته مش هيبقي باين اوي زي الاول
بس انا ممكن اوصفهولك علي قد ما اقدر كان عامل ازاي يعني هو خارج من نني العين من حته صغيرة في الجنب لا تتعدي 2 مم تقريبا بحيث مش مخلي شكل الدائرة مظبوط في الحته دي
عموما انا لو لاحظت اي حاجة هصورهالك
اما بالنسبة للحاجات الي انت قولتها الحمد لله ماليش في الدخان بكل انواعه ولا الشاي والقهوة والنسكافية علي فترات بعيدة والحاجة السقعة مش بشربها الا نادرا
بس ممكن اعترف اني بتعاطي الشد العصبي والتوتر :36_1_1[1]:
وان شاء الله اقلله
وبجد مش عارف اشكرك ازاي يا دكتور
شكرا
ياراجل حرام جبت نسبة 15 % فشل دى منين ...بلاش نقول كلام غير علمى لمجرد تخويف الناس....يانهار اسود 15 % مكنش منظمة الصحة العالمية سمحت بية
حقك على يا عم ... انا راجل باقول كلام غير علمى و انت ادرى منى بالكلام ده ...
اتفضل يا سيدى شوية لنكات ، و طبعا مش انا اللى كاتبها ، دى حاجات عالمية و منها مواقع رسمية زى ال FDA
دى مشاكل الناس اللى عملوا ليزك مجمعة فى الصفحة دى ، و قبل ما نشكك فى صحتها هانلاقى اللينكات بتاعتها فى موقع ال FDA
دى بقى المشاكل المذكورة فى موقع FDA بنفسه ، و اعتقد انهم مش هايجاملونى
ياترى دول بقى كلامهم غير علمى ، ولا متفقين معايا ، بيقولوا ان 10% مشاكل على الأقل بتحصل
وآدى شوية مشاكل (ممكن تختار اللى انت عايزه من القائمة اليسرى) و مذكور نسب جميلة (تفتكر انها غيرعلمية هى كمان) اقرأها بنفسك ، و لو مش مصدق قارنها بالمذكورة فى موقع FDA علشان تعرف انها حقيقية
ايه رأيك نقرأ شوية نسب من كتب طبية ؟؟ تفتكر انها كمان كلام غير علمى ؟؟
ياللا نشوف سوا
http://img181.imageshack.us/img181/3...chnolasva2.jpg
و آدى كمان واحدة
http://img132.imageshack.us/img132/7...mcorneagw3.jpg
و آدى ياعم جزء من بحث علمى بيقول ان فيه مشاكل مع الرؤية الليلية نسبتها 30%
و آدى اللنك بتاعته بدل ما تقول انى مألفهاقتباس:
It is well known that up to 30% of patients experience night vision problems after LASIK such as glare and halo, decreased contrast sensitivity, and poor subjective vision despite excellent objective uncorrected visual acuity (UCVA).
و أدى كتيب عن جهاز ليزك من الشركة المصنعة للجهاز و النسخة دى موجودة على موقع الFDA و اختصارا للوقت شوف النسب اللى فى الجدول صفحة 13
و لو سمحت فيه موضوع عن الليزك اتكلمنا فيه عن الحاجات دى و فيه لنكات تانية ممكن تشوفها بنفسك
يا عزيزى انا مش باقول بلاش ليزك و تعالوا اعملوا عندى حاجة تانية ، انا باقول كلمة حق فى موضوع طغت عليه الماديات مع ابواق دعائية قوية تخفى الخقيقة و تصور الليزك كأنه فى سهولة قص الأظافر
و زى ما باقول دايما ، كل واحد يعرف اللى له و اللى عليه و القرار له اولا و اخيرا ، مش انا و لا غيرى
و ربنا هو الهادى الى سواء السبيل
و تحياتى
دكتور شريف تحياتي ليك يا دكتور ولي عندك سؤال قمت منذ 3 سنوات بعمل ليزيك حيث انني كنت ارتدي نظارة طبية منذ1978 كنت في اولى ابتدائي وكان نظري -15 يمين و- 14 شمال وبعد عملية اللزيك اصبحت ارى بدون نظارة كما كنت ارى با النظارة ولكن بعد 3 اشهر ضعف نظري واصبح -2 يمين و -1.5 شمال ثم ثبت النظر على هذا المقاس ولكن قال الطبيب الذي اجرى لي العملية ان هناك عملية اخرى من الممكن ان اجريها حيث ان سمك القرنية من الممكن ان يزيد بدرجة ان نستطيع ان نجري تكملة للعملية الاولى فهل هذا الكلام صحيح حيث انني اعلم ان سمك القرنية مثل الكتاب والعملية مثل من يقوم بنزع عدد معين من صفحات الكتاب وايضا سمك القرنية يختلف من انسان لأخر مع العلم اني رجعت ارتدي نظارة مرة اخرى ولكن بفارق كبير في سمك العدسات عن النظارة الاولى السؤال هل اقوم بعمل التكملة ام اظل بهذا المقاس ؟
وآسف للإطالة :36_1_37[1]:
شوف يادكتور00المفترض انك دكتور وفاهم الفرق بين المشاكل وال فشل00complications and failureولما اطلع على منتدى كبير بيشوفوا الملايين يبقى لازم اكون محدد وواضح00ومينفعش اقول 15% فشل00فشل00لاحظ كلمة فشل دى وتعنى ان كل 100 شخص يعمل الليزك 15 واحد منهم مش هيشوفو او هيبقو اسوأ من الاول ودة كلام غير صحيح بالمرة--بالمرة والا مين مجنون يعملها00ممكن يكون فى اعراض بعد الليزك 00مثال لذللك انت عارف ان نسبة كبيرة بيحصله جفاف بعد الليزك بس دة لفترةويروح بس دة لا يعنى فشل00ممكن سعادتك تذكر الاعراض اللى بتحصل بعد الليزك ونسب حدوث كل واحدة على حدة 00لكن مااطلعش وقول 15% فشل فى العملية كدة وخلاص 00فبرجاء تحرى الدقة فى الكلام ومراعاة ان معاليك بتكلم اناس عاديين مش علميين ولازم تكون دقيق فى الكلام 00مش كدة ولا اية يادكتووووووووور0000يانهار اسودددددددد 15% فشل
طبعا بالنسبة لمقاس حضرتك الأصلى فهو مش من المقاسات المحبذة لعمل الليزك gلأنه آخر المقاسات فى الجدول المسموح به ، و الحمد لله ان سمك القرنية عندك كان يسمح بكده ، و لكن فى رأيى الشخصى المتواضع مش مطلوب انك تعمل عملية اخرى تكميلية لأن ده هايقلل سمك القرنية اكتر و نبقى عرضة لمشاكل احنا فى غنى عنها ، الحمد لله على كده .
و تحياتى
أولا مافيش داعى لكلمات زى معاليك و سعادتك ، احنا كلنا هنا اخوة ..
ثانيا ، مع كامل احترامى لحضرتك ، انا فعلا دكتور ، مش "مفترض انى دكتور" ... لأنى بصراحة شايف ان الكلمة دى فيها اهانة لى ... و لكن مش مشكلة ... نعتبرها سياق لفظى ..
ثالثا ، كونى دكتور فأنا متعود زى ما حضرتك شفت اوثق كلامى بالمراجع و الإثباتات.
رابعا ، و بدون تحويل هذا الموضوع لمناقشة سفسطائية حول الليزك فهناك نقطة انا باتكلم من منطلقها يبدو ان حضرتك ماخدتش بالك منها و هى :
"لما انا اعمل عملية لمريض نظره 6/6 بدون مشاكل (زى الزغللة او الوهج أو غيرها) بنظارته أو عدساته اللاصقة ، علشان يستغنى عنهم ، المفروض انه يستغنى عن النظارة و تكون نتيجة النظر النهائية زى ما قبل العملية و لكن بدون نظارة أو عدسات"
"و لكن لما تصبح النتيجة النهائية أقل من 6/6 (حتى لو بسطر) او مع مشاكل بصرية لم تكن موجودة من قبل ، مع العلم بأن هذه عمليه اختيارية و ليست ضرورية ، ففى عرف الطب هذا يعتبر فشل و ليس مجرد مضاعفات"
و علشان اوضح وجهة نظرى اسمح لى اطرح المثال التالى : لو واحد عمل الزايدة و الجرح بعد العملية كان شكله وحش فدى مضاعفة للعملية ، و لكن لو واحد بيعمل عملية تجميل و الجرح بعد العملية كان شكله وحش تبقى العملية فشلت ، لأن الغرض منها لم يتحقق.
و بنفس المبدأ ، عملية تصحيح النظر و النظر بعدها ينقص او يبقى فيه تشويش ، ماعتقدش ده يبقى نجاح.
و على فكرة ال 15% ده رقم اقل مما يجب و خصوصا ان المراكز بتاعة الليزك للأسف بتقلل من النسب الحقيقة للفشل و بيتحايلوا على تسمية المشاكل او تهوينها.
و ممكن نكمل فى المشاركة التالية لأن دى طولت شوية
"تابع للمشاركة السابقة"
طبعا كلمة الرؤية الأضعف واضحة و واضح كمان ان التسويق بيقلل من المخاطر و أدى المقال كاملا من هنا و الدراسة للتقييم هاتنتهى فى 2012اقتباس:
The FDA issued reminders on the need to record adverse results to clinics offering the surgery after they discovered that many did not have systems to do so. Poor results include dry eye, poorer vision, halos, glare, and sometimes blindness. Not only is there insufficient data to confirm the estimated 75,000 patients experiencing these results, but the existence of such complications is often downplayed by marketing schemes.
لما هما بيقولوا ان نسبة النجاح 80% ، يبقى ال 20% الباقية ايه ؟؟ مضاعفات ؟؟ طب لما المضاعفات غير الفشل (زى ما حضرتك ذكرت من قبل) يبقى ليه ما كتبوش ان نسبة النجاح اعلى من كده ؟؟اقتباس:
The latest studies of LASIK and PRK reported by Consumer Reports in June estimate an 80 percent success rate, which is defined as achieving 20/40 vision or better.
اقتباس:
اقتباس:
In refractive surgery, the greatest risk to the patient is that the results of the surgery will not meet his expectations. The procedure isn't perfect, and wound healing isn't perfectly predictable. Therefore, patients must be clearly advised that there is some uncertainty as to the outcome of any refractive surgery.
Even if a high percentage of patients are 20/20 following a procedure, there is no assurance that a given patient will obtain that (or any other) result. Patients must know and accept that outcomes are not guaranteed.
هنا مقال لشركة تأمين على العيون بيوضح ان النتيجة غير مضمونة و ان مش معنى انها نجحت مع واحد يبقى تنجح مع التانى ، و آدى المقال كاملا ، تفتكر ان مافيش ملايين بيشوفوا الكلام ده ؟؟
الرئيس السابق ل CDRH-Center for Devices and Radiological Health
و هى فرع من ال FDAيقول انهم اخفقوا فى تقييم الليزك و السماح به و ان النتائج غير دقيقة ، و فى الرد عليه تعترف ال FDA بأنها لا تضمن أعادة الليزك لنفس العين و المقال كاملا هنا
"تابع المشاركة السابقة"
المفروض ان النظر بعد العملية على الأقل مايقلش ، صح ولا لأ ؟؟ يعنى يفضل 6/6 ، او 20/20 زى ما الأمريكان بيقولوا
طب ايه رأى حضرتك فى النسب دى و دى من مركز ليزك فى تكساس فى أمريكا
http://www.corneatexas.com/images/su...emyoverall.gif
ده بالنسبة لقصر النظر
http://www.corneatexas.com/images/sub/stattablehy1.gif
اما ده فطول النظر ، و شوف النسبة كام ...
http://www.corneatexas.com/images/sub/stattable3.gif
و هنا بيقارنوا نسب النجاح عندهم مقابل النسب المعلنة من ال FDA
من أحد المشاكل المعيقة للأبصار ان الغشاء الطلائى للقرنية يدخل مكان قطع الطبقة السطحية من القرنية ، و التفضل كلامهم عن نسبته
و اللنك من هنااقتباس:
The incidence of epithelial ingrowth after LASIK has been reported to be as low as 0.2 percent and as high as 15 percent.
هنا مقالة على ABC من يومين بتبين ان مع الوقت الناس اللى عملت ليزك بتلاقى ان النتائج بتعاته غير دائمة و عرضة للتغير و النقص و بيعلنوا عن امكانية وجود طرق أحسن مستقبلا
و أخيرا مادام بنقول اننا لازم نتحرى الدقة و بنقول ان فيه ملايين بتخش و تقرأ ، لو سمحت ادخل و أقرأ و احكم بموضوعية على الموقع ده ... من هنا
المشكلة ان العملية مش ضرورية بالمرة ، دى عملية اختيارية فى معظم الحالات إلا ما ندر ، و اللعب بالألفاظ فيها قوى جدا بسبب الدعاية ، لأن عملية الليزك وصلت دلوقت لأنها بتدر دخل سنوى 2 بليون دولار فى أمريكا فقط ، فهل تعتقد ان الدعاية وراها حاجة صغيرة ؟؟
و بعدين ممكن تسمح لى أطلب منك تراجع النسب للتغيرات فى الإبصار و الوهج و صعوبة القيادة الليلية و الألوان حول الأضواء ، و التى يقرر الجدول انها أسوأ بعد العملية ، و ستجد انها تحوم حول 15% ، هل مازلنا نسمى هذه مضاعفات ؟؟ اذا كانت الأجابة بنعم فماذا نسمى الصداع و جفاف العين و الألم و الحرقان ... الخ الخ ؟؟
و لو المشكلة مضاعفات بس ، ليه ال FDA بتعمل دراسة تانية للتقييم (هاتخلص فى 2012 انم شاء الله) ؟؟ ما اذا كان كله تمام زى ما الناس فاكرة .. ليه يضيعوا الوقت فى دراسة نتيجتها معروفة ؟؟
المشكلة ان هناك ادلة أكثر و لكنها ابحاث طبية يصعب وضعها دون شرح كاف ، لذا حاولت وضع ما يمكن فهمه بسهولة ..
و عموما يا سيدى أنا بأكرر و بأقول اللى بأقوله دايما ...
اللى عايز يعمل ليزك هو حر ، و لكن يعرف اللى له و اللى عليه و بعدين يختار ، ما نقولش ان كله تمام و فى السليم و بعدين يصدم بالنتائج
و أخيرا أرجو ان الخلاف فى الرأى لا يفسد للود قضية
و تحياتى