أى سؤال أو استشارة فى طب العيون

**D . a .\ AYMAN** · 16-06-2010 03:35 AM

المشاركة الأصلية كتبت بواسطة dr.sherifmansy

مافيش مشكلة لو ما جالهاش برد ، دى احد النظريات و انا باعدد الأحتمالات ليس الا.
بالنسبة للمرهم ده بالذات فممكن نعتبره زى قطرة لزجة شوية ، و بالتالى نحط نقطة فى كل عين قبل النوم زى القطرة بالضبط.

ياريت بس الفوطة و كيس المخدة الخ الخ يتغلى كل يوم لأنه معدى جدا ، و المنديل اللى نمسح لها بيه العماص نرميه فى الباسكت بره الشقة ، لأن لو رميناه فى الباسكت اللى فى غرفتها او اى باسكت جوه الشقة ممكن تيجى ذبابة و تقف عليه و توزع الميكروب على كل اللى فى البيت ، فخلينا فى الأمان احسن ، عادة بيكون ميكروب بسيط و لكن سريع الأنتشار ، فلازم ناخذ حذرنا منه.

مع تمنياتى لها بالشفاء باذن الله تعالى.

و تحياتى

بارك الله فيك وأكرمك ورزقك وإيانا الجنة ... والف الف شكر على مجهودك

**bassem.naguib** · 16-06-2010 12:37 PM

دكتور شريف .. مجهود حضرتك مشكور عليه فعلاً لخدمة أعضاء المنتدى .. وأنا كنت مستمتع أثناء قرائتي للموضوع ولردودك اللي بتبين دماثة خلقك وعلمك الواسع .

بس كنت عاوز استفسر بالنسبة لعملية الليزك (اللي حضرتك معترض عليها .. إلا إذا كان الواحد مضطر .. وأنا موافق حضرتك في الرأي
ده) القول الفصل فيها بالنسبة لجدواها من عدمه حيكون في سنة 2012 بعد انتهاء منظمة fda من دراستها وابداء الرأي النهائي فيها .. ولا الكلام ده كله مجرد تحصيل حاصل .

وشكراً مرة تانية لمجهودك في المنتدى

**salmas** · 17-06-2010 08:40 PM

السلام عليكم ورحمه الله وبركاتة
لو سمحت يادكتور لى استشارة سريعة
عندى كيس دهنى واخدت العلاج ولله الحمد بقى كويس دة كان يوم الاثين وخفت على يوم السبت ظهر ورم تانى واحمرار فى نفس الجفن وكرر الدواء تانى ولكن المرة دة من غير نتيجة وظهر فيها زى حبة بيضاء وسط الاحمرار
اية دة ؟؟؟؟
وباخد دواء
قطرة oflox خمس مرات
وقطرة ocuphenicol ثلاث مرات
ومرهم tobrex قبل النوم
اقراص paracetamol مره واحدة
اقراص thiophenicol 250mg باخد قرص واحد ثلاث مرات وبعدين باخد قرصين ثلاث مرات يوميا
هل العلاج دة كويس ولا اغيرة
واسف على الاطاله

**otefa** · 17-06-2010 08:51 PM

المشاركة الأصلية كتبت بواسطة ziabassem

دكتور شريف .. مجهود حضرتك مشكور عليه فعلاً لخدمة أعضاء المنتدى .. وأنا كنت مستمتع أثناء قرائتي للموضوع ولردودك اللي بتبين دماثة خلقك وعلمك الواسع .

بس كنت عاوز استفسر بالنسبة لعملية الليزك (اللي حضرتك معترض عليها .. إلا إذا كان الواحد مضطر .. وأنا موافق حضرتك في الرأي
ده) القول الفصل فيها بالنسبة لجدواها من عدمه حيكون في سنة 2012 بعد انتهاء منظمة fda من دراستها وابداء الرأي النهائي فيها .. ولا الكلام ده كله مجرد تحصيل حاصل .

وشكراً مرة تانية لمجهودك في المنتدى

أسمحولي أشارك عن تجربة أنا عملت العملية من حوالي سنتين وللحظة دي مش مستريح منها وحاسس الفترة دي أن نظري بدأ يضعف تاني ده غير بقه لو الجو فيه رطوبة بأحس أنها مزغللة ولغاية اللحظة دي باستعمل قطرة مرطبة للعين مرة في اليوم تقريبا
هي أحلي حاجة فيها الأستغناء عن النظارة ومللها بس مع السلبيات دي كلها!

**bassem.naguib** · 18-06-2010 03:05 AM

المشاركة الأصلية كتبت بواسطة otefa

أسمحولي أشارك عن تجربة أنا عملت العملية من حوالي سنتين وللحظة دي مش مستريح منها وحاسس الفترة دي أن نظري بدأ يضعف تاني ده غير بقه لو الجو فيه رطوبة بأحس أنها مزغللة ولغاية اللحظة دي باستعمل قطرة مرطبة للعين مرة في اليوم تقريبا
هي أحلي حاجة فيها الأستغناء عن النظارة ومللها بس مع السلبيات دي كلها!

شكراً لنقل تجربة حضرتك .. بس انا ملاحظ في الصورة الشخصية بتاعتك أنك راكب بايك .. فهل ركوبك للبايك ممكن يكون مأثر على العملية وخاصة لو حضرتك مش بتلبس خوذة .. يا ريت توضيح للنقطة دي .. وكمان لو شرح وافي لتجربتك مع الليزك .. يعني النظر كان كام وعملتها فين ... إلخ وشاكر اهتمامك في الرد .

**Dr.SherifMansy** · 20-06-2010 01:02 PM

المشاركة الأصلية كتبت بواسطة ziabassem

دكتور شريف .. مجهود حضرتك مشكور عليه فعلاً لخدمة أعضاء المنتدى .. وأنا كنت مستمتع أثناء قرائتي للموضوع ولردودك اللي بتبين دماثة خلقك وعلمك الواسع .

بس كنت عاوز استفسر بالنسبة لعملية الليزك (اللي حضرتك معترض عليها .. إلا إذا كان الواحد مضطر .. وأنا موافق حضرتك في الرأي
ده) القول الفصل فيها بالنسبة لجدواها من عدمه حيكون في سنة 2012 بعد انتهاء منظمة fda من دراستها وابداء الرأي النهائي فيها .. ولا الكلام ده كله مجرد تحصيل حاصل .

وشكراً مرة تانية لمجهودك في المنتدى

حسب ما ذكر فى موقع ال fda ان الدراسة هاتكون من 3 مراحل و بعدها هايتم التقييم ، و كلامهم حرفيا زى ما هو فى الموقع بيقولوا :

the results of the project will help identify factors that can affect quality of life following lasik and potentially reduce the risk of adverse effects that can impact the surgical outcome. If any of these factors are related to the safety or effectiveness of the lasers used in lasik surgery, the fda will evaluate whether any action is necessary.

نتائج البحث سوف تساعد على التعرف على العوامل المؤثرة فى جودة الحياة بعد عمل الليزك و امكانية تقليل مخاطر الأعراض الجانبية التى تؤثر على نتيجة الجراحة. و إذا تبين أن أى من هذه العوامل له تأثير على سلامة أو فعالية الليزر المستخدم فى جراحات الليزك ، ستقوم ال fda بتقييم الموقف لمعرفة هل من الضرورى اتخاذ اجراء نحو ذلك ام لا.

تلك كانت ترجمة الجزء السابق و اعتقد ان الناس دى مش بتهرج ، فلما يعملوا اعادة تقييم بعد 10 سنين ليزك و الدراسة دى تقعد سنتين و نصف فأكيد هايعملوا اللى بيقولوه.

و ادينا منتظرين النتائج.

و تحياتى

**Dr.SherifMansy** · 20-06-2010 01:27 PM

المشاركة الأصلية كتبت بواسطة mahmoudysf

السلام عليكم
ازيك يا دكتور شريف
انا عملت اقتباس لمشاركة كنت عملتها قبل كدة بخصوص مشكلة عين ابنى المزمنة وحضرتك تفضلت وعرضت انك تشوفه على الخاص ونظرا لانه كان في حالة حرجة وكان بياخد كورس مكسف من القطرات مكنتش بخرجه ولا بعرضه للضوء فانا بشكر حضرتك مرة تانية
المهم يا دكتور ان نفس المشكلة موجودة بل تزداد سوءا وهى احمرار دائم بالعين مع حكة شديدة والم كبير ونتيجة لذلك حدث قرحة بالعيبن وتم الذهاب لاكثر من دكتور
ودائما يعطون قطرات الكورتيزون التى اصبح مداوم عليها وانا خايف عليه من كتر الكرتيزون واول ما بيبطله عنيه بترجع تسوء تانى يوم ايه الحل فى المشكلة دى وشكرا

الكورتيزونات كعلاج للحساسية فكرة مش لطيفة ، انا ممكن استعملها فى الأول بس و بخاصة لو الحكاية شديدة جدا علشان تهدى العين لغاية ما بقية العلاج يبتدى يعمل مفعوله و اسحب الكورتيزون بالتدريج ، و انا عن نفسى مش باحبه ابدا فى السن الصغير..

هل حضرتك منعت الحاجات المسببة للحساسية اللى قلنا عليها قبل كده ؟؟ و هل فرقت و لا لأ ؟؟

و مازلت باكرر دعوتى لحضرتك علشان اشوف ابننا الغالى و ربنا يتم شفاؤه على خير.

و تحياتى

**Dr.SherifMansy** · 20-06-2010 01:35 PM

المشاركة الأصلية كتبت بواسطة salmas

السلام عليكم ورحمه الله وبركاتة
لو سمحت يادكتور لى استشارة سريعة
عندى كيس دهنى واخدت العلاج ولله الحمد بقى كويس دة كان يوم الاثين وخفت على يوم السبت ظهر ورم تانى واحمرار فى نفس الجفن وكرر الدواء تانى ولكن المرة دة من غير نتيجة وظهر فيها زى حبة بيضاء وسط الاحمرار
اية دة ؟؟؟؟
وباخد دواء
قطرة oflox خمس مرات
وقطرة ocuphenicol ثلاث مرات
ومرهم tobrex قبل النوم
اقراص paracetamol مره واحدة
اقراص thiophenicol 250mg باخد قرص واحد ثلاث مرات وبعدين باخد قرصين ثلاث مرات يوميا
هل العلاج دة كويس ولا اغيرة
واسف على الاطاله

ألف سلامة على حضرتك.

انا بس لى ملاحظة صغيرة ، كم العلاج كتير جدا على كيس دهنى (انا مش عارف هو كده و لا لأ و لكن بافترض ان التشخيص المذكور صح) ، و فيه حاجات بلا داعى زى الباراسيتامول .. ده مسكن و مضاد للألتهاب ... ايه لازمته هنا ؟؟؟ و بعدين ال Thiophenicol مالوش دور هنا ... لو محتاجين مضاد حيوى بالفم فيه حاجات اقوى منه بكتير و متخصصة اكتر منه ... عموما زى ما قلت ... انا شايف ان العلاج اكتر من اللازم..

لو ممكن وصف ادق لمكانه و شكله بالتفصيل أو صورة للجفن و ترفعيها علشان اشوفها...

فى انتظار الرد لتحديد العلاج المطلوب ان شاء الله..

ملحوظة .. لو فيه نظارة لازم نلبسها على طول علشان قلعها ممكن يكون أحد اسباب تكون الأكياس الدهنية.. و بالتلى لبسها باتظام بيساعد على تقليل حجم الكيس الدهنى..

و تحياتى

**Dr.SherifMansy** · 20-06-2010 01:38 PM

المشاركة الأصلية كتبت بواسطة otefa

أسمحولي أشارك عن تجربة أنا عملت العملية من حوالي سنتين وللحظة دي مش مستريح منها وحاسس الفترة دي أن نظري بدأ يضعف تاني ده غير بقه لو الجو فيه رطوبة بأحس أنها مزغللة ولغاية اللحظة دي باستعمل قطرة مرطبة للعين مرة في اليوم تقريبا
هي أحلي حاجة فيها الأستغناء عن النظارة ومللها بس مع السلبيات دي كلها!

كلام حضرتك مضبوط و وارد حدوثه بنسبة لا بأس بها ...

و علشان كده بارجع و بأقول لازم المريض يعرف كل حاجة بالحقيقة قبل ما يدخل العملية و هو حر فى قراره بعد كده ... بلاش نقول ان كل حاجة فل الفل و تمام التمام ... يعرف الحقيقة و اللى ممكن يحصل حتى لو بنسب ضئيلة ، و له مطلق الحرية فى تحديد احتياجه للعملية و قبوله لها ..

و تحياتى

-

الموضوع: أى سؤال أو استشارة فى طب العيون

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

استشارة بيع سيارة والدتي و سؤال حد يعرف شهر عقاري فيه كمبيوتر ؟؟

سعر موتور العيون ؟؟؟

العيون الناعسة !!!

سؤال ليه تويوتا 1993-1997 اغلى من الموديل العيون اللى بعده ؟

قصه تدمع لها العيون

الكلمات الدلالية لهذا الموضوع

المفضلات

المفضلات

ضوابط المشاركة