المشاركة الأصلية كتبت بواسطة for_ever
السلام عليكم دكتور شريف
انا مش هقول كلمات شكر و لا حاجة انا هدعيلك احسن :)
بس عندي استشارة لحضرتك بخصوص والدي
من حوالي سنة اكتشفنا انه عنده مياه بيضاء علي عينيه الاثنين
و هو ما كانش بيلبس نظارة و عمره 65 سنة
المهم راح كشف نظر و الدكتور قاله ممكن تستني عليها شوية قبل ما تعمل العملية
المهم عمل النظارة و استريح عليها كتير
بس حاليا نظره تعبان و بيشتكي منه
ألف سلامة على الوالد ، المياه البيضاء تعتبر أحد التغيرات السنية (الا لو كان سببها مرضى ، و أعتقد ان حالة الوالد طبيعية) ، و عادة المريض هو من يقرر ميعاد العملية عندما تتزايد كمية المياه البيضاء بما لا يتناسب و حياته اليومية ، فيطلب تحديد ميعاد اجراء الجراحة
المشاركة الأصلية كتبت بواسطة for_ever
السؤال هل حضرتك بتعمل العملية دي ؟
طبعا يا أخى العزيز
المشاركة الأصلية كتبت بواسطة for_ever
لو لأ يا ريت حضرتك ترشحلنا مكان كويس نعملها فيه
فيه أماكن عديدة ، و الفرق بينها بيكون فى الفندقة و المنطقة الموجود بها المستشفى (حسب قربها او بعدها من المريض و الطبيب).
المشاركة الأصلية كتبت بواسطة for_ever
هل ممكن نعمل العينين مع بعض في نفس العملية ؟
لأ ... و ده يبقى مخالف لقواعد جراحات طب العيون.
المشاركة الأصلية كتبت بواسطة for_ever
و للا الاحسن اننا نترك فترة ما بين كل عين و عين ؟
لازم فترة بين كل عين و الأخرى ، و أقل فترة مسموح بيها 3 أيام لو المريض مستعجل جدا ، و لكن من المعتاد أسبوع فأكثر.
المشاركة الأصلية كتبت بواسطة for_ever
يا ريت حضرتك تبعتلي ارقامك و عنواينك علي الخاص
المشاركة الأصلية كتبت بواسطة for_ever
و جزاكم الله خيرا
تم يا عزيزى ، و شكرا لك
و تحياتى
المفضلات