حد تعرض للموقف ده

**kliken** · 17-01-2009 03:04 AM

بس هو مقالش مبروك هتاخد ايه و لا ايه هو قال سحب و هاجى مقر الشركه و فعلا انا اتأكدت و رحت الشركه و هى فعلا شركه كبيره قدام دار الاشاره الناحيه التانيه و هى شركه كبيره فعلا شكلها باين من بره و اتأكدت من مسئول فى المحطه معقول يكون كله نصب
مش عارف والهى المشكله لو ما روحتش هبقى مش عارف انا اضحك عليا و لا لا و لو رحت و كانت نصبه هزعل جدا انى سافرت مش عارف اعمل ايه
دلونى ياخونا اعمل ايه

**eino666** · 17-01-2009 03:08 AM

هى العملية غليت كده ليه
دول كانوا 20جنيه بس
دلوقتى بقى 50 كبة الحمد لله عمرى مادفعت ولا قدروا يحرجونى قدام
المدام والاولاد
ومرة مبروك كسبت جركن زيت وفلتر تمنهم 200 وكلام نصب فى نصب
يعوض عليك ربنا فى 50 جنيه

**د./اليشع ثابت** · 17-01-2009 03:12 AM

المشاركة الأصلية كتبت بواسطة kliken

ليه بس يا د/ ليشع انتا شمتان و لا ايه
مش اخلاق عصابه واحده دى

لانهااااااااااااااااااا

لانهااااااااااااااااااا

لانهااااااااااااااا

اقول اية بس يا حبيبى

حصلت معااااااااااااااااى من قبلكككككككككك

وكل ما افتكرهاااااااااااااا :k48::k48::k48:

صدقنى فعلا بجد

اخرهم اتصلت بية واحدة على تليفون الصيدلية
وفيلم هندى و غيرة و يافندم الكومبيوتر اختار النمرة دى عشوائى و هيكون و تاخد

بس على مين ؟؟؟؟؟؟؟؟؟؟؟؟

اتعلمت الدرس خلاص

**kliken** · 17-01-2009 03:13 AM

يعنى طلعت زبون
تمام زى الفل
طاب هبقى اكلمه و هشوف هيرد عليا و لا لا
و اروح امسك فى بتوع محطه البنزين هولعلهم فيها او افجر نفسى بحزام ناسف فى قلب المحطه و زى ما تيجى تيجى بقى

**kliken** · 17-01-2009 03:17 AM

حصل معاك نفس الفيلم بالظبط محطه بنزين و سحب و كده
شكلها نصب نصب عامه انا اخدت منهم حاجات بتاع 20 مثلا هدايا يالا بقى ربنا يسامحهم على الباقى

**hanystar** · 17-01-2009 03:30 AM

المشاركة الأصلية كتبت بواسطة aleshath

وحياتك يا حبيب قلبى ما هياخد ربع جنية واحد منهم :k48::k48::k48::k48::k48:
k48::k48:

تحياتى د / إليشع
هو هياخد الفلوس اللى دفعها وكل حاجة
الفلوس دى مجرد إنهم يضمنوا إن الواحد هيروح مقر الشركة بتاعتهم بعد إغراؤه بالجوائز التى تنتظره .
وبعد ما الواحد يروح لمقر الشركة تبدأ حكاية النصب
بتسويق عقارات التايم شير ويحاولوا يوقعوا الواحد إنه يشترك فيها وميسيبوش لك فرصة إنك تفكر فى مميزاتها وعيوبها
ويقولوا هيعملوا تخفيض على قيمة شراء هذه الوحدات لو أشتركت معنا حالا - يعنى وانت قاعد معاهم
هو دة هدفهم مش موضوع الخمسين جنيه .
وبالنسبة للأستاذkliken أنصحك مادام هتسافر لهم مخصوص تستعوض ربنا فى الخمسين جنيه لأنه فى الآخر مشوار على الفاضى .

**eino666** · 17-01-2009 03:31 AM

المشاركة الأصلية كتبت بواسطة kliken

حصل معاك نفس الفيلم بالظبط محطه بنزين و سحب و كده
شكلها نصب نصب عامه انا اخدت منهم حاجات بتاع 20 مثلا هدايا يالا بقى ربنا يسامحهم على الباقى

لالا ربنا يجحمهم فى نا جهنم بالباقى مليم مليم
علشان دى ناس ماعندهاش دم

**totaa** · 17-01-2009 03:32 AM

م/ محمد

محدش كبير على شباك النصابين والافاقين

أما بالنسبة لمسؤول المحطة هو مكدبشي عليك لأنك

لما هتروح هتلاقي ناس شيك أوي وفى مكان اشيك ولباقة مفيش زى كدة ..لكن النهاية عملية نصب كبيرة

طيب إحمد ربك جت على قد 50 جنيه

أحكيلك على موقف حصل معايا عشان ما تزعلشي ههههههههههههههههههههههههه

انا طبعا فى الامارات لقيت واحدة بتتصل بيا مبروك رقمك كسب معانا تعالى الفندق الفلاني فى المنطقة الفلانية عشان فى جوايز روعة طبعا هى سيادتها هندية بس بتتكلم انجلش وأجارك الله لما هندي يتكلم انجلش ههههههههههههههههه
فهمتها بطلوع الروح المهم روحت بالليل اشوف ايه النظام

طبعا هى مكدبتشي عليا الناس شيك اوي صراحة بدل آخر موديل ..برفانات ولا أحلى ..استيلات قصات شعر تجنن ههههههههههههه لباقة ولا أحسن ههههههههههه

طبعا انا شفت كدة قلت خلاص انا كسبانة كسبانة واااااااااااو
المهم أروح فين يا ناس . قالولى للسيد فلان طالما بتتكلمي مصري .....قلت طيب والسيد فلان ده قعد يرغي ساعتين

وعايز يبيعلي شاليه فى تونس عشان ال ايه لما احب اصيف بدل ما انزل مصر اروح تونس ويفضل الشالية ده بقة مقفول لحين وصول المغفلة هههههههههههههههه

قعدت اسمعه وانا محبطة من فجعتي ..فقلت له طيب يعنى ايه المطلوب بقة دلوقتى حالا عشان بجد بجد زهقت

فابتسم السيد الظريف وقاللى ابدا 33 الف درهم بس تخيلي !!!!!!! هتدفعي ياستى منهم دلوقتى لازم 15 الف
وباقي المبلغ هيتسدد على مش عارفة كام سنة ههههههههههه
قلت له طيب افرض انا رفضت؟ قاللى هتروح عليكي الفرصة والسعر الخرافى ده ......

قلت له طيب بليز عشان خاطري انا عايزة تروح عليا الفرصة دي واخدت ديلي فى سنانى وقلت يافكيك بس بصراحة كانوا هيعيطوا من االعصير اللى طلبته والنيس كافية والمية المعدنية ههههههههههههههههههههههه

انا مضربتهومش على ايديهم هما اللى كل شوية تطلبي ايه ياأفندم ومصممين فطلبت ههههههههههههههههههه

خدوووووووووووووووووا بالكم أرجوكم من القصص دي

اسفة للاطالة وتفبلوا تحيتي وفااااااااااااائق احترامي

**kliken** · 17-01-2009 03:43 AM

انا متشكر لردودكم كلكم يا جماعه والهى انا مبسوك بالمنتدى جدا و سعيد انى بشارك فى المنتدى و انى اتعرفت على ناس محترمه جدا ما حدش بيبخل بنصيحه
و انا قررت مش هروح مش طالبه صداع حتى لو هاخد الخمسين جنيه مش فارقه بس متهيئلى لو رحت اكيد هيدوهانى لان زى ما استاذ هانى قال هو مش هدفهم الخمسين جنيه يعنى مش نصب اوى يعنى واخد بالك يا د/ اليشع
رأيكو كده ما اروحش متهيئلى مظبوط كدة

**kliken** · 17-01-2009 03:45 AM

اسف مبسوط مش مبسوك

الموضوع: حد تعرض للموقف ده

LinkBack

أدوات الموضوع

عرض

-

-

-

-

-

-

المواضيع المتشابهه

دعوة للمناقشة: تحليل لما حدث بين اللواء الرويني وحركه 6 أبريل وبعض الحلول للموقف كله

عاييز تفسير للموقف دة من الاعضاء الاكبر سنا يمكن اكون غلطان

فوضى ما قبل السقوط-اجمل واروع تحليل للموقف الحالي

صيانة الـ 10000 كم وتدارك التوكيل للموقف

الكلمات الدلالية لهذا الموضوع

المفضلات

المفضلات

ضوابط المشاركة