حد تعرض للموقف ده

**TeXo** · 17-01-2009 03:49 AM

انا رأي اه ما تروحش لإن حضرتك بتقول إن الحكايه فيها سفر صح ؟ يبقي لزمتها ايه بقي تعطل نفسك و كده ,,

ربنا يعوض عليك يا رب

:)

**د./اليشع ثابت** · 17-01-2009 03:52 AM

المشاركة الأصلية كتبت بواسطة kliken

انا متشكر لردودكم كلكم يا جماعه والهى انا مبسوك بالمنتدى جدا و سعيد انى بشارك فى المنتدى و انى اتعرفت على ناس محترمه جدا ما حدش بيبخل بنصيحه
و انا قررت مش هروح مش طالبه صداع حتى لو هاخد الخمسين جنيه مش فارقه بس متهيئلى لو رحت اكيد هيدوهانى لان زى ما استاذ هانى قال هو مش هدفهم الخمسين جنيه يعنى مش نصب اوى يعنى واخد بالك يا د/ اليشع

رأيكو كده ما اروحش متهيئلى مظبوط كدة

واااااااااخد بالى قووووووووووووى و متابع بأهتمااااااام
كأنى متابع فيلم اكشن :k48::k48::k48:
بس برضة مش هتاخد ال 50 لحلوح لاحو عليك خلاص
قصدى (راحووو)

بكلمك بجد اسأل مجرررررررررررب
والله بجد هيقولك عادى يا فندم بس المبلغ اتورد خزينة المقر الرئيسى للشركة فى المكان الفلانى
طبعاااااااا فى حالتنا كانت سويسراااااا يا كينج
وهو المقر الاب هههههه للشركة

**kliken** · 17-01-2009 03:53 AM

ربنا يخليك يا باشا انا فعلا شكلى مش هروح

**hanystar** · 17-01-2009 03:55 AM

المشاركة الأصلية كتبت بواسطة kliken

انا متشكر لردودكم كلكم يا جماعه والهى انا مبسوط بالمنتدى جدا و سعيد انى بشارك فى المنتدى و انى اتعرفت على ناس محترمه جدا ما حدش بيبخل بنصيحه

سعدنا بمعرفتك م / محمد

**goofy_in_love** · 17-01-2009 03:58 AM

المشاركة الأصلية كتبت بواسطة hanystar

أنت هتروح الشركة وهتاخد الخمسين جنيه وكل حاجة
بس هتقعد معاهم حوالى ساعتين أو تلاتة لغاية لما تصدع منهم وتبقى عايز تقوم تمشى وتسيبهم
عشان هم بيحاولوا يسوقوا وحدات عقارية بنظام التايم شير
ومافيش جوايز ولا حاجة من اللى قالولك عليها - كله نصب وبيع كلام بس .

كلام صحيح 100% بس متعملهاش تاني بقي

**kliken** · 17-01-2009 04:00 AM

ماشى يا د/ اليشع راحو راحو مش مشكله هسمع كلام واحد مجرب و خلاص
و ربنا يخليك يا باشا و نستفيد من خبراتك السابقه دايما
شكرا ليك بجد مشاركتك و مشاركه كل الاصحاب

**goofy_in_love** · 17-01-2009 04:01 AM

المشاركة الأصلية كتبت بواسطة kliken

ربنا يخليك يا باشا انا فعلا شكلى مش هروح

لا روح طبعا اولا هتسترد فلوسك ان شاء الله ثانيا ممكن يكون في عرض من العروض اللي هيعرضوها عليك يعجبك و تبقي استفدت مع اني مفضلش انك تشترك مع الشركات دي في حاجه بس هما هيصدعوك بجد علشان كدا خد ام بي ثري معاك و سيبه يتكلم و اسمع انت بقي اغاني :k49: و كل شويه بص في الساعه و اتاوب

و لما مش هيلاقي منك فايده هيمشيك و يقولك متجيش هنا تاني و خد فلوسك ايه و تبقي نفدت يا معلم من العصابه دي و الفل مبروووك

**kliken** · 17-01-2009 04:02 AM

متشكر ليك استاذ هانى و انا اسعد بمعرفه سعادتك حبيبى

**damasry** · 17-01-2009 04:04 AM

طب احمد ربنا انها جت على أد 50 جنيه.
يا راجل أنا أبن عمتي عايش في كويت و جه مرة هنا و برد في بنزينة و عملو عليه نفس موضوع بس هو للأسف شربو للآخر و أتدبس معاهم في عقد تايم شير و دفع 27 ألف جنيه و لحد دلوقتي مش عارف يصيف عندهم عشان الحجج إلي بيتلعوها كل سنة.

-

الموضوع: حد تعرض للموقف ده

LinkBack

أدوات الموضوع

عرض

-

-

-

-

المواضيع المتشابهه

دعوة للمناقشة: تحليل لما حدث بين اللواء الرويني وحركه 6 أبريل وبعض الحلول للموقف كله

عاييز تفسير للموقف دة من الاعضاء الاكبر سنا يمكن اكون غلطان

فوضى ما قبل السقوط-اجمل واروع تحليل للموقف الحالي

صيانة الـ 10000 كم وتدارك التوكيل للموقف

الكلمات الدلالية لهذا الموضوع

المفضلات

المفضلات

ضوابط المشاركة