ادي اللي نابنا من الثرموستات

**samirayad** · 19-01-2009 12:10 AM

المشاركة الأصلية كتبت بواسطة HeMa_LanCeR

علي فكره انا حصل معايا نفس الكلام بس كان زي الأتي
انا اصلا من الناس اللي بتمشي كل شويه عنيها علي التابلوه
ومره واحده لقيت عداد الحراره بقي فوق قمت راكن علي جنب ومبطل العربيه وسيبتها تهدي حوالي ربع ساعه
وبعدها فتحت القربه لقيت فيها مياه طبعا اتجننت ايه اللي سخن العربيه قلت يبقي الرداتير فاضي
روحت فاتح الرداتير لقيت المياه كلها اللي جوا خرجت بره ومكانتش سخنه كانت دافيه
طيب مدام في مياه جوه الرداتير لدرجه انها غرقت الشارع طيب ايه اللي سخن العربيه
فا وقتها عرفت ان ترموستات الكوعه علقت وده شيء وارد جدا
روحت مدور العربيه ومزود مياه عادي جدا وبقالي سنتين الحمد لله محصلش حاجه
لكن في حاله حضرتك انك مشيت والعربيه سخنه رغم تحذير المهندس ليك
ولكن للأسف ماسمعتش الكلام
المهم انك تكون عندك حسن تصرف في المواقف دي

أعتقد ان حضرتك كدة جبت المفيد....وفعلا بأحييك على اليقظة فى مراقبة العدادات......ودة هو أساس تقييم أى مشكلة فى السيارة......للأسف فية ناس بتركب السيارة ولا تعطى للوحة العدادات أى انتباه.......على الرغم من أن اللوحة بتاعة العدادات.....هيا عين السائق اللى ممكن من خلالها يحس باللى بيحصل جوة الكبوت بتاع السيارة

**Sherif Khalifa** · 19-01-2009 12:43 AM

بس فى حاجة نفسى افهمها

انا حصلى مشكلتين بسبب الحرارة فى الانوس
و المرتين لاحظت ان مؤشر الحرارة مش بيعلى على النص نهائى
لدرجة ان العربية كانت بتبطل من كتر السخنية

انا عايز افهم حساس الحرارة بيقيس درجة حرارة المياة ولا درجة حرارة المتور نفسة

**Badrowi** · 19-01-2009 07:38 AM

الوقتى السخونية دى اعرفها ازاى
اعتمادا على المؤشر ولا بمقياس حرارى
لانى فى كام موضوع هنا عن الحرارة سمعت فيهم ان الحرارى بالدرجة خاصة الموضوع ده وموضوه فى الاوبل

تانى حاجة التموستات ده بيبوظ امتى وليه واعراضة ايه

**MMamdouh** · 19-01-2009 09:46 AM

المشاركة الأصلية كتبت بواسطة lol656

افهم من كلامك ان كل الامور واحد وان زيد ذي عبيد يا اخي سير الكاتينة بيقولونا غيروه علي 40000 سيادتك نغبر الترموستات علي كام

الترموستات مش من المستهلكات و بالتالى ملوش وقت محدد للتغيير... دا بيتغير لما يبوظ

MMamdouh

**MMamdouh** · 19-01-2009 09:48 AM

المشاركة الأصلية كتبت بواسطة samirayad

أرد أنا بدل الأستاذ/ محمد ولو فية اضافة يكون لة الشكر.....بص يا أخى الكلام واضح ومش محتاج.....عموما علشان نأخذ الأمور على محمل الجدية......سير الكاتينة ممكن يقعد أكثر من 40000 ألف....وعملية تغييرة عند 40000 ألف دا أجراء وقائى....علشان لو لا قدر الله والسير انقطع بيؤدى الى مشاكل جسيمة(مارضيتش أقول لأيحمد عقاباها...لأنة الحمد لله على السراء والضراء)........أما موضوع الثرموثتات دة مالوش علاقة بالكيلومترات المقطوعة.....وانما بيتم تغييرة فى حالة وجود اخفاق فى آداء دورة تبريد المحرك وعلى أساس أنه بعد تشخيص سبب أرتفاع الحرارة المفاجىء ...تبين أن سبب.حدوث الارتفاع المفاجىء هذا بسبب تلف الثرموثتات

well said man

MMamdouh

**MMamdouh** · 19-01-2009 09:51 AM

المشاركة الأصلية كتبت بواسطة lol656

يا اخي مهو ده بقول عليه ان الثرموستات ممكن يبوظ ومتخدش بالك وملهوش اي علامة عشان نغيره ومحدش فينا حعيرف ان حرارة العربية زايدة كام درجة يعني ممكن تكون كفائة الثرموستات 50 في المية ومتعرفش ويا ريت تقول الاستاذ ممدوح ان ازالة الثرموستات مش زي شيل سير الكاتينة وهل هو عربيته سير الكاتينة فيها مش موجود

انا عربيتى فيها سير كاتينة و ترموستات... وفيه اختراع بيحل المشكلة بتاعت تلف الترموستات دى:

MMamdouh

**MMamdouh** · 19-01-2009 09:57 AM

المشاركة الأصلية كتبت بواسطة lol656

انا سالتهم نفس السؤال وقالولي لوالحرارة كام درجه مش حيبان وقالو لما الحرارة تعدي النص يبقي وصلت 102

كلام متناقض جدا جدا... منين الحرارة تعلى كام درجة و مش حيبان و منين لو عدى النص تبقى الحرارة 102؟؟؟

انت تعرف ان المراوح بتشتغل على السرعة العالية عند حرارة 98؟؟؟ يعنى حرارة 98 شىء عادى و معمل حسابة... و ازيد من كدة ب 4 درجات فقط المؤشر بيعلى...

طيب مطلوب ايه تانى من العربية عشان تنبهك لو فيه مشكلة؟؟

MMamdouh

**MMamdouh** · 19-01-2009 10:08 AM

المشاركة الأصلية كتبت بواسطة Sherif Khalifa

بس فى حاجة نفسى افهمها

انا حصلى مشكلتين بسبب الحرارة فى الانوس
و المرتين لاحظت ان مؤشر الحرارة مش بيعلى على النص نهائى
لدرجة ان العربية كانت بتبطل من كتر السخنية

انا عايز افهم حساس الحرارة بيقيس درجة حرارة المياة ولا درجة حرارة المتور نفسة

الحساس بتاع المؤشر بيقراء حرارة الميه

انا حصلى مشكلة مع مراوح التبريد و المؤشر على عن النص و كان سبعاوى معايا فى الموضوع دة

MMamdouh

**MMamdouh** · 19-01-2009 10:12 AM

المشاركة الأصلية كتبت بواسطة Badrowi

الوقتى السخونية دى اعرفها ازاى
اعتمادا على المؤشر ولا بمقياس حرارى
لانى فى كام موضوع هنا عن الحرارة سمعت فيهم ان الحرارى بالدرجة خاصة الموضوع ده وموضوه فى الاوبل

تانى حاجة التموستات ده بيبوظ امتى وليه واعراضة ايه

مش فاهم السؤال الاولانى بس انت ممكن تركب عداد حرارة بارقام عشان تعرف درجة حرارة المية كام بالضبط لو عايز

الترموستات بيبوظ لما عمرة الافتراضى ينتهى و حالة دورة التبريد عنصر مهم فى الموضوع دة... اعراضة ببساطة هى سخونة موتور العربية لو علق على الوضع المقفول او برودة العربية و صعوبة التسخين لو علق و هو مفتوح

MMamdouh

الموضوع: ادي اللي نابنا من الثرموستات

LinkBack

أدوات الموضوع

عرض

-

-

-

-

-

-

-

-

المواضيع المتشابهه

حد جرب يلغى الثرموستات

استفسار عن نوع الثرموستات

هوا فين الثرموستات ده !!!!

كوعة الثرموستات

بخصوص الثرموستات

الكلمات الدلالية لهذا الموضوع

المفضلات

المفضلات

ضوابط المشاركة