الموضوع: أرجوكم لا تزعموا النصر

[QUOTE=tutankhamoun;610587]

العفو يا أخي
اليهود مش ولاد عم المسلمين !! دي مقولة مغلوطة
سيدا إبراهيم أنجب ولدين
أسحاق أبو بني إسرائيل
إسماعيل أبو العرب
و لذلك يُقال أن العرب و بني إسرائيل أولاد عم بالأضافة أنهم من نفس خط القبيلة الأولى لأولاد سام بن نوح عليهما السلام و من ساكني العراق في الأساس.

و لكن كما أوضحت من قبل يهود اليوم ليسوا من أبناء إسرائيل و لكنهم يهود الديانة فقط .
[COLOR=DarkOrchid
اصلى بصراحة موضوع ان اليهود ولاد عم المسلمين دى كانت علينا فى الكلية بس طبعا كلة اتبخر
وشكرا لحضرتك

المشاركة الأصلية كتبت بواسطة وائل عطية

معاك حق
وبمتابعتي للموضوع حسيت برغبتك في تكوين وبلورة فكرة صحيحة ..أنا عن نفسي باعتذرك لو كانت في مداخلة من مداخلاتي في الموضوع دا ضايقتك.

يااستاذى العفوا الموضوع مش محتاج اعتذار ولا حاجة
وشكرا لحضرتك
انا لما اتكلمت قلت ان دة راى فقط يعنى الموضوع عادى وانا عارف انا بقول اية وحاطط خطين حمر فى كلامى او اى موضوع انى ابعد عن الكلام فى الجنس والدين وخصوصا الدين لانى مدرستش الدين ومش متخرج من كلية شرعية وفيما الاستثنائين دول حرية الراى والتعبير مش هضر حد
وشكرا لذوق حضرتك:k10:

بعد تتبع اراء ومداخلات حوالى 20 عضو ا محترما تجد 17 فى جانب المقاومة و3 على الجانب الاخر .. بعبارة اخرى 17 يتبنون موقف اغلبية الشعب المصرى والشعوب العربية والاسلامية وانصار الحق والعدل فى مختلف اناء المعمورة حتى اصحاب الضمير اليقظ من اليهود انفسهم داخل اسرائيل وخارجها ..وبالمقابل 3يروجون للموقف الرسمى المصرى والحكومات العربية وحكومة اسرائيل ومعاونيهم من السلطة الفلسطينية نعم يا شباب الشعوب فى ناحية والحكومات العميلة وابواق اعلامها الهزيلة الخائبة فى اتجاه اخر .. وسلام الى شافيز وبوليفيا

المشاركة الأصلية كتبت بواسطة dody

بعد تتبع اراء ومداخلات حوالى 20 عضو ا محترما تجد 17 فى جانب المقاومة و3 على الجانب الاخر .. بعبارة اخرى 17 يتبنون موقف اغلبية الشعب المصرى والشعوب العربية والاسلامية وانصار الحق والعدل فى مختلف اناء المعمورة حتى اصحاب الضمير

يعنى فى رأيك 17 دلو هما اللى محترمين و الباقى اية بالضبط , للاسف هو دة نفسة منطق حماس فى كلامها , بمعنى ان من يختلف معاها فى الراى او يوجهة اى نقد يبقى عميل و يبقى خائن , منطق ديكتاتورى واضح
و كأن حماس وحدها هى التى تقاوم و كأن حماس وحدها هى التى تمثل القضية الفلسطينية و هذا غير صحيح بالمرة , حماس تقاوم للحفاظ على نفسها و على سلطتها فى غزة .

و تعالى على ارض الواقع شوف حصل اية , اسرائيل هاجمت غزة بسبب صواريخ حماس الهزيلة فى رايها , و كانت النتيجة هى اكتر من 6000 قتيل و جريح ,.

الحقيقة يخطء من يعتقد ان اسرائيل كانت تريد من هذة الحملة القضاء على حماس او حتى على صواريخ حماس التى ترمى عليها , لان ببساطة اسرائيل من مصلحتها بقاء حماس و صواريخها و بقاء فتح و بقاء السلطة الفلسطينية
و بقاء جميع الفصائل , لان حماس هاجمت فتح و احتلت غزة و فتح تريد القضاء على حماس , لكن على ارض الواقع ا اسرائيل تريد البقاء على جميع الاطارف , عشان ترجع حماس تضرب فى فتح و فتح ترد على حماس ,و اسرائيل تستمتع باقتتال الفلسطنيين مع بعض و تناحر الفصائل الفلسطينية مع بعضها تمام بالضبط زى ما عملت مع لبنان و تحولت الى دولة هزيلة مفككة مافيش فيها غير جماعة زى حزب الله هى اللى بتحمي لبنان .
و لما تهدى الحكاية تبداء اسرائيل الضرب فى فتح , طبعا حماس لن تتدخل لانها ضد فتح و هاكذا قسمت اسرائيل الفلسطنيين الى جماعات و اصبح من السهل جدا اضعاف اى منها عند الضرورة

اسرائيل ببساطة كان هدفها هو اضعف حماس و ارهابها و تدمير البنية التحتية فى غزة عشان متكونش مصدر ازعاج لمدة كويسة ,,و دة اللى حصل بالضبط
تم تدمير كل حاجة فى غزة و فوق كدة الاف الجرحى و القتلى و تم قصف غزة من البر و البحر و الجو و كمان تجربتة اسلحة جديدة .

فى الانتفاضة الاولى و الثانية اسرائيل اترعبت عارفين اترعبت لية , عشان كل الفلسطنيين كانو بيرمو بالحجارة ,العشب الفلسطينى كلة كان على قلب رجل واحد ,
و هو دة اللى رعب اسرائيل و خلاها تفكر وتخطط عشان نشوف اليوم التقسيم دة حماس فى غزة و فتح فى اريحا و السلطة فين مش عارف .

اسرائيل انتصرت يا سادة اسرائيل نجحت يا سادة فى تفتيت الفلسطنين الى جماعات و فصائل تتناحر مع بعضها , كانت فين الضفة الغربية لما حماس كانت بتقاوم كانت فين فتح كانت فين باقى الفصائل ,
اسرائيل نجحت فى تقسيم الفلسطنين انفسهم الى جمعات و قبائل صغيرة يسهل بعد كدة ضربها كل على حد ,و الخسائر مستمرة فى الشعب الفلسطينى المغلوب على امرة بدون اى مقابل او اى مكاسب تذكر .
و نجحت فى تفتيت الدول العربية المفككة اصلا دة كمان نجحت فى تفتيت الشعوب داخل الدولة الواحدة , زى فى مصر ناس مع حماس و ناس مع المقاومة و ناس مع السلام و ناس مع الحكومة .
اسرائيل استغلت بذكاء كل مشاكل الفلسطنيني و العرب و المصريين فى تعميق الهاوية بينهم و بين حكومتهم و بين انتمائتهم و قعدت تتفرج
على مشهد هزلى كل الفلسطنيين و العرب شركاء فية , و هى راضية بالخسائر القليلة اللى حصلت فى صفوفها , و مقتنعة تمام انة ثمن بخس فى سبيل بقاء اسرائيل و تقدمها مقابل مزيد من التفتت و مزيد من الاهدار للقضية و للارض المحتلة .

حد فيكم يعرف ان اسلحة حماس من اسرائيل نفسها , و مش بعيد الصواريخ كمان , اسرائيل محتاجة صواريخ حماس , محتاج المجاهدين ,محتاجة الانتحاريين اللى بيفجرو نفسهم , عشان تظهر امام العالم انها الضحية و انها المجنى عليها , وانها بتتعرض لاعتداء و ارهاب .

كلنا مع الشعب الفلسطينى الى بيروح ضحية فى النهاية على حساب هذة الجماعات وهذة الفصائل لانة اعزل مافيش حد بيدافع عنة , المقاومة الحقيقية انى اكسب نقاط على ارض الواقع , انما تعلى شوف حصل اية
غزة دمرت تمام ,والفصئل كما هى و اسرائيل مازلت تحتل الارض و تحصل على اسلحة و معونات جديدة بسبب الحرب ,و حماس تعلن انتصارها الوهمى .

للاسف حماس و جميع الفصائل الفلسطنينية بتنفذ بالحرف الواحد بقصد او بدون قصد خطة اسرائيل للقضاء على القضية الفلسطينية و تحوليها الى مشاكل فرعية هزيلة , و احنا نقف تنفرج و نفرح بكام صاروخ و كام بيان من حماس و غيرها عن الانتصار العظيم للمقاومة و الحقيقة المنتصر اهو اسرائيل و صاحب اقل الخسائر هى اسرائيل .

استيقذو يا شباب وشوفو الصورة من نافذة واسعة و انتو حتعرفو ببساطة حماس عملت اية و مين اللى خسر و مين اللى كسب و مين اللى انتصر , اما اننا ندفن رؤسونا فى الرمال و نعتقد اننا انتصرنا و نعيش فى الوهم , حتكون النتيجة بالضبط كما حدث لينا فى حرب 67 لما كانت الاذاعة المصرية
بتعلن انتصارنا الصاحق على اسرائيل فى الوقت اللى كان جنودنا فى الجبهة بلا قيادة و بلا غطاء جوى وبلا اى نظام و كانت النتيجة خسائر هائلة فى الارواح و الاسلحة و الارض و صدمة لدى جميع المصريين مازلات اثارها موجودة حتى الان .

كلنا مع المقاومة انما لم تكون مقاومة حقيقية للدفاع عن شعب فلسطين مش الدفاع عن اهداف شخصية و مطامع دنياوية و مصالح دول اخر لا مصلحه لها فى القضيية الفلصسطينية فى شىء
و على الفلسطنين الاول انهم يتحدو و يشكلو جبهة واحدة امام المحتل و امام المجرم الحقيقى ,و لما الشعب الفلسطينينى كلة يقوم على قلب رجل واحد وقتها بس حتكون المقاومة و حتكون الحجارة اقوى بكتير من اى صواريخ و من اى اسلحة و حيحصل الفلسطنيين على مكاسب اكبر بكثير
الجهاد و المقاومة عمل رائع و جميل , و طوبى لكن من كان صادق فى جهادة ومقاومتة , لكن احنا امام عدو فاجر و لائيم و عندة استعداد يتاجر باى شاعرات و اى دعوات فى سبيل البقاء

,و يبقى على المصريين بدل تبادل الاتهمات و تبادل الوم و شوية مننا مع حماس و شوية مع فتح و شوية مع ايران و شوية مع فلان و علان , يكون هدفنا الاول توحد الصف الفلسطينى قبل اى مقاومة و اى جهاد . و يكون دة هدفنا الاول قبل الدفاع عن حماس او غيرها لان غير كدة يبقى احنا كدة بنشارك اسرائيل فى تنفيذ مخططتها فى تقسيم الفلسطنيين ,لكن لما نتعامل مع الشعب الفلسطيين كلهة جبهة واحدة صدقونى احنا حنكسب كتير و هما حيكسبو اكتر .

ياريت تكون الصورة وضحت اكتر , وان المشكلة مش فى المقاومة او سلام المشلكة الحقيقية فى الفرقة اللى حاصلة و اللى كل طرف فيها بيدعى انة على حق انة بيقاوم و بيجاهد لمصلحة الشعب الفلسطينى , وان الاطراف الاخرى عميلة و خائية و موالية ,والحقيقة ان المحصلة النهائية ان كل الاطراف عبارة دمى خشبية يتلاعب بها العدو كيفما يشاء لتحقيقة مصالحة فقط و تحقيقة مكاسبة فقط , بينما تزيد الخسائر الشعبية والمادية و المعنوية فى صفوف الشعب الفلسطينى بدون اى مقابل يذكر على الارض المحتلة .


.

الاخ wawoo كلامى بالضبط كان(بعد تتبع اراء ومداخلات 20 عضوا محترما تجد 17 فى جانب المقاومة و3 فى الجانب الاخر) يعنى ال20 ناس كلهم محترمين منهم 17 فى جانب و3 فى الجانب الا خر يعنى انت فهمت كلامى خطأ وقولتنى كلام لم اقله وبالتالىحضرتك عملت موضوع طويل عريض على اساس فهم خاطئ واتهمت منطقى بكلمة من العيار التخين وهى الدكتاتورية .. الله يسامحك ياشيخ

المشاركة الأصلية كتبت بواسطة DODY

الاخ wawoo كلامى بالضبط كان(بعد تتبع اراء ومداخلات 20 عضوا محترما تجد 17 فى جانب المقاومة و3 فى الجانب الاخر) يعنى ال20 ناس كلهم محترمين منهم 17 فى جانب و3 فى الجانب الا خر يعنى انت فهمت كلامى خطأ وقولتنى كلام لم اقله وبالتالىحضرتك عملت موضوع طويل عريض على اساس فهم خاطئ واتهمت منطقى بكلمة من العيار التخين وهى الدكتاتورية .. الله يسامحك ياشيخ

حصل خير يا دودى انا فهمت الجزء الاول خطء فعلا ,والمنطق الديكتاتورى حماس هى اللى مقصودة بية فى الاساس , و الموضوع الطويل العريض محاولة منى لقرائة الوضع القائم حاليا فى الارض المحتلة , مش رد مباشر على مشاركتك او الاحصاء اللى عملتة .