ا ب سواقة

**AhMeD EzZ** · 20-01-2009 01:23 AM

انا الحمد لله حاليا بسوق يعني فوق المتوسط بس مشكلتي حاجتين
1 - لما بفرمل بفرمل فرملة شديدة شوية
2- بترعب لما حد يعدي من جنبي بسرعة و يلزق فيا
بحس ان العربية هتفلت من و تخبط فيه

و ساعات العربية بتحدف مني بس مش ديما

ازاي اقدر اتغلب علي الحاجات دي

**magyver** · 20-01-2009 01:36 AM

اهم حااجة وانت ساايق تكوون هادي ومش متوتر
وخاالي رجلك علي الفرامل خفيفة مرة في مرة هاتبيق تماام

**mo7a_mo7a** · 20-01-2009 01:57 AM

حكاية الحدفة دي ممكن تكون زوايا وترصيص اكشف عليها ولو عربيتك جديدة روح التوكيل
ويفضل لو تخلي واحد بيسوق كويس يشفهالك قبل ما تكلف نفسك علشان تتاكد
وبالنسبة للفرامل حتيجي معاك بالتعود بس خد بالك اما تفرمل بدري وبشدة احسن ما تفرمل متاخر
خليك علي كده في الاول بس خف رجلك شوية لحدما تتعود عليها
وربنا سترها معانا كلنا

**ahmed76** · 20-01-2009 08:41 AM

ممارسة كل يوم لمده ساعة على الاقل
كل يوم وعلى مهلك واليوم التالى ثقتك هتزيد
وسيب اللى يجرى يجرى
نص اللى بيجروا فى الشارع صدقنى مابيعرفوش يسوقوا
وبعد كده هاتسوق وانت بتشرب شاى بأيد وسندويتش بالايد التانيه

**Strong** · 20-01-2009 08:57 AM

المشاركة الأصلية كتبت بواسطة Ezzat-fayek

انا الحمد لله حاليا بسوق يعني فوق المتوسط بس مشكلتي حاجتين
1 - لما بفرمل بفرمل فرملة شديدة شوية
2- بترعب لما حد يعدي من جنبي بسرعة و يلزق فيا
بحس ان العربية هتفلت من و تخبط فيه

و ساعات العربية بتحدف مني بس مش ديما

ازاي اقدر اتغلب علي الحاجات دي

الحل
1- إنك متجريش أكتر من السرعة اللي بتعرف تتحكم في العربية فيها وشوية شوية هتلاقي نفسك اتمكنت وعرفت تمشي بأي سرعة عادي ، وبالنسبة للحدفة هتكون إما زوايا أو من عدم قدرتك على التحكم في العربية على السرعة دي .
2- لما تلاقي العربية اللي قدامك بدأت تقف أو نور فراملها منور يبقى تبدأ تهدي علشان لما توصلها تكون هادي ، واعمل حسابك سيب مسافة كبيرة بينك وبين اللي قدامك.
3- اللي بيعدي من جنبك ولازق في عربيتك ده تسبيه يمشي ومتعبرهوش علشان بيزنق عليك ، إما حقد أوبيقولك امشي على جنب أو هواية بيحب يطورها ، وأهم حاجة تعرف حدود طريقك علشان لو زنق عليك متطلعش على الرصيف وتعرف تهدي .

وربنا يستر طريقك وطريقنا وطريق كل الناس يا رب امين

**Dr. Elsaadani** · 20-01-2009 09:03 AM

دواسة الفرامل ممكن تتغير حسب راحتك يعنى ممكن تكون ناشفة او ناعمة قصيرة او طويلة (يعنى علشان تفرمل السيارة تدوس دوسة بسيطة او دوسة طويلة شوية) وديه سهلة الضبط بالتوكيل

اللى بيتهيالك ان العربيات حتخبط فيك ممكن تحله بانك تضبط نفسك فى الحارات مسترشدا بالخطوط الفاصلة بينها لكن ده مش معناه ان الاخرين ما بيغلطوش دول بيعملوا بلاوى

الهدوء جميل جدا فى كل شىء احرص عليه وربنا حيسلمك

سلامى

**kahamid** · 20-01-2009 10:15 AM

انا بردو لسة متعلم السواقة قريب ونفس المشاكل بالظبط

**dr_timo** · 20-01-2009 11:16 AM

وانا كمان نفس الحكاية متيجو نعمل منتدي لينا للجداد في السواقة يعني هههههه ولا بلاش ماحنا مش ناويين نفضل جداد في السواقة طول عمرنا بس فعلا مشكلة الفرامل دي والحدفة غلسة اوي وبتخلي الواحد قلبه في الدريكسيون وماسك وقافش في الدريكسيون ولا اكننه عيل من عياله ليفلت سنة يمين ولا شمال اخبط في حد من اللي ماشيين لازقين في عربيتي

**ahmedfawzy14** · 20-01-2009 11:29 AM

دى طبيعى يا رجالة

اى حد لسه جديد فى السواقة كده
مش عيب يعنى فيكم ولا فى العربيات اللى معاكم

انا فى بداية سواقتى كنت اخاف اتخطى عربية من اليمين لو الحارة ضيقة

بس مع الوقت الواحد خلاص

العملية مسألة وقت
اهم حاجة الهدوء والتركيز فى سواقتك وعربيتك وبس
وتمشى بالاشارات والانتظار مع التوقف المفأجى

-

الموضوع: ا ب سواقة

LinkBack

أدوات الموضوع

عرض

ا ب سواقة - انشر الموضوع فى :

-

-

-

-

-

المواضيع المتشابهه

حمار سواقة !!!

كي جي وان سواقة و عربيات

سواقة عربيات نقل

معلم سواقة

أول حصة سواقة ... وما أدراك

الكلمات الدلالية لهذا الموضوع

المفضلات

المفضلات

ضوابط المشاركة