ايه هي أسوأ وظيفة ممكن تتخيل نفسك فيها؟

**TaoTao** · 25-01-2009 08:00 PM

ممثل مسرحي .. لا أتخيل أن أقوم بقول نفس الكلمات وأتحرك نفس الحركات وأغني نفس الأغاني يومياً .. ده غير أنني لا أتخيل نفسي أتحدث وأتحدث لمدة ساعتين بدون توقف!! حاجة آخر ملل وتعب.

**OlaOsman** · 25-01-2009 08:03 PM

مدربة سواقة

**rockana9112007** · 25-01-2009 08:28 PM

الشغلانة اللى مستحيل اشتغلهااااا ولو بمليون جنية فى الساعة شغلانة عشماوى انا مش عارف الراجل دة بينام ازاى

**eng_elnaggar** · 25-01-2009 10:31 PM

شغلانة الكمساري ... شغلانه صعبه فعلا وخصوصا لو في اتوبيس من ابو ربع جنيه او في قطر الدرجه التالته ... ويا سلام بقى لو شهر 8 والدنيا حر مووووت....
الكمساري لازم يخلي باله من الركاب والحرامية والبائعين المتجولين والحر والعرق ... كل ده ومعاه الفلوس والتذاكر اللي هى عهده ولازم يوردها اخر الوردية...
شغلانه فعلا صعبه جدا

**نور العمر** · 25-01-2009 10:32 PM

الوظيفة الحكومية طبعا .... طالمنا مليانة نم وهم وغم وحقد وغل وشر ... والجديد ... الواسطة الكوسة والبذنجان والبطيخ .....
وللأسف أنا فيها .... بحبها لانها مؤهلي ومستقبلي ومقتنعة بيها وأحب بلدي اكتر من أي قطاع خاص .... لكن كارهة البيئة المحيطة فيها :K_crying[1]:

**hookyelyak** · 26-01-2009 01:14 AM

جندى امن مركزى على باب السفارة الأسرائيلية او الأمريكية

**Rembrandt** · 26-01-2009 01:42 AM

موظف او قاعد على مكتب

**Ayman_52** · 26-01-2009 02:12 AM

مـــدرس ودا لانى مش بعرف اوصل معلومه...وكمان مدير اى حاجه لانى مش بعرف ابقى جد مده طويـله

**KHALED AYMAN** · 26-01-2009 02:45 AM

والله طالما حاجه شريفه يبقى خلاص مفيهاش عيب لكن انا مش متخيل نفسى و انا زبال او كمسرى او عجلاتى او نقاش طبعا فى ناس كتييييييييييييير هتشوف الكلام ده هتقول عليا فرفور و شاب سيس هههه بس معلش انا افضل انى مشتغلش حاجه متعبه اوى و اى حد كده و لو انى بتعب فى شغلى مع والدى و لكن مش لدرجه الزبال او الكمسرى .