الموضوع: ايه هي أسوأ وظيفة ممكن تتخيل نفسك فيها؟

المشاركة الأصلية كتبت بواسطة OlaOsman

بوااااااااااااب.. أي حد ممكن يطلب منه أي حاجة في أي وقت و ما يقدرش يقول لأ

مين اللى طلع الاشاعة دى؟

المشاركة الأصلية كتبت بواسطة OlaOsman

ايه؟ بيقول لأ؟

يمكن انا بأه لو اشتغلت بوابة مش هاقدر أقول لحد لأ

مش كلهم يا علا، عمارتنا مثلا فيها حارس ابن حلال و هو و مراته وولاده محترمين، بس انا متعقد من النوعية التانية بتاعة البيه البواب و بجد عشت تجربة حية فى عمارة خالى فى الدقى، كان مستعمرها بواب اخطبوط هو وولاده التسعة لمدة 12 سنة و مش هقدر اوفيه حقه مهما وصفت تناحته و خبثه و استنطاعه، كفاية مثلا اقولك ان كل يوم كانت مكونات أكلهم بتتجمع من الشقق بالمسكنة و التناحة، حتى السكر و الشاى و لأن العمارة كانت مليانة ناس مستواهم المادى مرتفع، فمكنش حد مركز قوى معاه و فضل كده و جوز بناته و دخل ولاده الجامعة و بعدين اتعرف عنه حاجات غريبة، ظهر ان عنده عمارتين فى بولاق الدكرور و عربيتين نقل و تاكسى و عربية ملاكى و ارض فى بلدهم، ساعتها ابتدت نظرة اتحاد الملاك تتغير و فى المقابل ابتدى هو يتعامل مع الحاجات اللى بياخدها من السكان زيادة عن حقه على انها حق أصيل و ابتدت المشاكل و قعدوا سنة مش عارفين يطلعوه و لما حصل الجلاء، الناس كانت فرحانة بطريقة غريبة، لدرجة انى كنت زعلان عليهم و على مراكزهم اللى اتمسحت على ايد الأخ ده.

المشاركة الأصلية كتبت بواسطة Hossam_Hassan

مش كلهم يا علا، عمارتنا مثلا فيها حارس ابن حلال و هو و مراته وولاده محترمين، بس انا متعقد من النوعية التانية بتاعة البيه البواب و بجد عشت تجربة حية فى عمارة خالى فى الدقى، كان مستعمرها بواب اخطبوط هو وولاده التسعة لمدة 12 سنة و مش هقدر اوفيه حقه مهما وصفت تناحته و خبثه و استنطاعه، كفاية مثلا اقولك ان كل يوم كانت مكونات أكلهم بتتجمع من الشقق بالمسكنة و التناحة، حتى السكر و الشاى و لأن العمارة كانت مليانة ناس مستواهم المادى مرتفع، فمكنش حد مركز قوى معاه و فضل كده و جوز بناته و دخل ولاده الجامعة و بعدين اتعرف عنه حاجات غريبة، ظهر ان عنده عمارتين فى بولاق الدكرور و عربيتين نقل و تاكسى و عربية ملاكى و ارض فى بلدهم، ساعتها ابتدت نظرة اتحاد الملاك تتغير و فى المقابل ابتدى هو يتعامل مع الحاجات اللى بياخدها من السكان زيادة عن حقه على انها حق أصيل و ابتدت المشاكل و قعدوا سنة مش عارفين يطلعوه و لما حصل الجلاء، الناس كانت فرحانة بطريقة غريبة، لدرجة انى كنت زعلان عليهم و على مراكزهم اللى اتمسحت على ايد الأخ ده.

وياما يا حسام ....البلد مليانه ناس تحت الارض ماحدش حاسس بيهم ... واتفرج على اى فرح فى عزبة الزبالين فى المقطم هاتزهل بجد!