فين المنافستو بتاع استلام الجين 2 ؟

**densfog** · 22-01-2009 04:34 AM

السلام عليكم ياجماعه . من فتره رايت موضوع لأحد الأعضاء عن استلامه للجين 2 وكان مصور ورقه بخط اليد كقائمه يستخدمها اثناء استلامها ومشلاقى الموضوع حد يقدر يفيدنى ....؟

**momenhamdy** · 22-01-2009 05:36 AM

اولاً انت شكل حضرتك علي مشارف استلام العربية بأذن الله قريب و ان شاء الله يكون علي خير الاستلام

انا فعلاً فاكر ان كان في ورقة بالمنظر و دا و كانت بخط الايد
و لكن حتي لو ملاقيتش الورقة انت تقريباً من كتر ما شفنا في المنتدي هنا الناس بتعمل ايه و هي بتستلم الجين 2 او البروتون عموماً خلاص حفظنا الخطوات
يعني مثلاً
الكهربا - الانوار - الكاسيت -الفوج - التكيف -الملتي -العده -الاستبن و الكتالوجات -الكاسيت -الازاز الكهربا - السنتر - الكلاكس الخ الخ
فا متقلقش و ان شاء الله خير
والف مبروك مقدماً

**M.Nabil** · 22-01-2009 01:55 PM

اعتقد ان ده الموضوع اللي حضرتك بتدور عليه:
وابقي ادعي بقى لمزووج باشا ومؤمن طبعا

المشاركة الأصلية كتبت بواسطة mazagnge

:

1 - استلم العربية في فترة النهار ، و ياسلام لو تحطها في مكان الشمس ملعله فية : و دة عشان تكشف لو فى خدوش / فروق فى الرفرف / خبطة / تطبيقة / نقرة .....

2 - عـــــــــداد العربية في حدود 50 ك ...

3 - مراجعه كافة وصلات الكهرباء : فوانيس / فوجات / لمبة الصالون / تابلو / لمض التابلوة / الانتظار / المساحات / .............

3 - راجع الفرش و حط ايديك علية و مشيها عشان لو فى فروق و اقعد على كل الكراسي و الكنبة و اطنط كمان .... محدش لة حاجة عندك ( مش فاضل غير اقولك بلطج ) .

4 - قزاز الكهرباء جربة مرة فردي ، مرة زوجي .

5 - المرايات الكهرباء ( ان شاء الله تلعب بلاي استيش .... شوفهم كويس)

6 - التكييف ( شوف سرعاتة + صوتة )

7 - السي دي ( خد معاك CD Mp3) و جرب السماعات .

8 - جرب المالتي فانكشن اللى في الدركسيون كوووووووويس .

9 - شوف جنط العربية كويس .

10 - مرفقات السيارة ( اريال الراديو + كاتلوج السي دي + مانيوال العربية + دوسات العربية + عدة تغير الاستبن )

11 - و العب بالكلاكس شوية ( بس ما تفتكرش نفسك في زفــة .... بلاش فضايح ) .

----- أعتقد دة المــوجز ، لكن عايزين الاعضــاء اللي استلموا يدونا تجربتهم في الاستلام ----

**ahmedsiyam** · 22-01-2009 07:27 PM

جرب كل حاجة فى العربية و ده باختصار شديد جدا
و ان شاء الله تطلع موفق فى اختيارك و مايبقاش عندك اى مشكلة

**densfog** · 23-01-2009 03:34 AM

والله مشكورين اوى ياجماعه على الأهتمام وفخور بمعرفتكم جدا , وسبب رئيسى لرغبه شرائى للجين 2 انى اكون من عضو رسمى فى العائله البروتونيه انا بيتهيألى جزء كبير من مبيعات الجين 2 كان بسبب اراء الساده الأعضاء بهذا المنتدى وانا من هؤلاء الناس اللى حبوا الجين 2 من الأراء والتقييمات الموضوعيه للساده الأعضاء . انا فعلا استقريت علي الجين 2 مانيوال باذن الله بس لسه ماستخرتش ربنا ومعايا فلوسها بس قلت استنى شهر ولا اتنين يمكن الأسعار تنزل شويه وانا اولى بالفرق ادعولى

**densfog** · 23-01-2009 05:00 AM

معلش ياجماعه طلب اخر سامحونى . هل حدث اى تغيير فى اسعار الشركه الأم فى خلال الفتره الأخيره لو فى اى من الساده الأعضاء متابع لأسعار البروتون فى ماليزيا لأن ده بيتهيألى حيكون مؤشر للأسعار فى مصر. وشكرا

**momenhamdy** · 23-01-2009 05:14 AM

المشاركة الأصلية كتبت بواسطة densfog

والله مشكورين اوى ياجماعه على الأهتمام وفخور بمعرفتكم جدا

, وسبب رئيسى لرغبه شرائى للجين 2 انى اكون من عضو رسمى فى العائله البروتونيه

انا بيتهيألى جزء كبير من مبيعات الجين 2 كان بسبب اراء الساده الأعضاء بهذا المنتدى وانا من هؤلاء الناس اللى حبوا الجين 2 من الأراء والتقييمات الموضوعيه للساده الأعضاء . انا فعلا استقريت علي الجين 2 مانيوال باذن الله بس لسه ماستخرتش ربنا ومعايا فلوسها بس قلت استنى شهر ولا اتنين يمكن الأسعار تنزل شويه وانا اولى بالفرق

ادعولى

ياباشا ربنا يوفقك الي الخير بأذن الله و تكون قدم الخير عليك ....
و بعدين ياراجل تكون اسكندراني زي و متأليش طب شوف انت عايز ايه و انا تحت امرك ....بجد و الله شوف محتاج ايه و راسلني علي الخاص ونظبط مع بعض

ومبروووووووووووك عليك مقدماً

**densfog** · 23-01-2009 07:46 AM

والله يا بشمهندس مؤمن ده شرف ليه انى اتعرف على حضرتك كشخصيه بأحترمها أولا قبل الأستفسار عن الجين 2 وباذن الله حتلاقى فى الخاص رساله منى. مع خالص الشكر

**alyyassin** · 23-01-2009 03:50 PM

السلام عليكم و رحمة الله و بركاته ....
الورقة الي حضرتك بتسأل عليها الي هي ( البرشامة) الي انا كنت عاملة يوم ما روحت أستلم العربية البيرسونا من حوالى اسبوعين تقريبا .....و ده كان الموضوع بتاعى ......
و طبعا هو زي ما قال الأخوة الأفاضل ناتج من كثرة الكلام عن الموضوع ده يعنى مش من اختراعى دا أولاً بتوفيق الله سبحانه ثم بمساعدة الناس هنا في المنتدى الجميل ده .....

و اتفضل البرشامة ( قصدى الموضوع .....)
http://www.nilemotors.net/Nile/showt...871#post600871