الغيار الأول

**sharmer** · 24-01-2009 02:53 AM

شكرا ليكم يا شباب ..بس بصراحه انا لسه محتار

بس هأجرب موضوع المور ده و هأشوف

بص اولا بلاش الاول فى المطب عشان غلط
ثانيا وانت دخل المطب لو ماشى براحه شد شويه خلى العربيه على سرعتة و مور العربيه وابداء دوس فرامل اول ماتحس انى العربيه خلاص على الاول المطب وانت نازل من المطب بعد الكاوتش الامامى ما ينزل من على المطب ادى العربيه التانى بس براحه عشان لسه الكاوتش الخلفى منزلش عشان العربيه متتهبدش عل الارض وابداء كانك كانت ماشى عادى بس كل دا فى اقل من الثانيه يا مان جرب مرة واتنين وبعد كدة هتلأيه سهله اخر حاجة
وربنا معك

بس على ما أظن صعب قوي ماتكركرش
و قولوا ايه الاخبار و يا ريت لو في متخصصين معانا يقولولنا ايه رأيهم

**lancerevolution** · 24-01-2009 04:12 AM

لو السرعة بطيئة إديها أول على طول إنما لو فوق ال10 كم أوعى تجيب أول حتلاقى العربية نتشت منك و بعدين مشيت عادى

**casper1500** · 24-01-2009 04:20 AM

انا مش قادر افهم ايه وجه الخلاف
تفرق من عربية للتانية .. انت بتحس بالعربية مع الوقت

بالمناسبة غلط انك تمسك فرامل على مطب لان الفرامل بتوطى العربية فممكن تحك يعنى مجرد ما العجل اللى قدام ييجي على المطب سيب الفرامل ..

**casper1500** · 24-01-2009 04:22 AM

و لو انت ماشى على التانى و العربية واخدة سرعة اول , متكبسش بنزين مرة واحدة (عشان متكركرش) سنة سنة كدة لحد ما تسحب معاك على مهلها بعدها دوس براحتك.
او لو عايز تسحب بسرعة حاجة من الاتنين
* يتجيب اول علطول و دة غلط و العربية هتنتش (بس بعض ناس بتعمل كدة)
* يتهدي سنة بحيث ان الاول ييجي مرتاح و تشبعة و تنقل تانى و هكذا ...

**momo44** · 29-01-2009 02:22 PM

انا رايى واللى بعمله
انى وانا داخل على المطب بمور وادوس فرامل خفيف
وايدى على الدبرياج عشان اجيب الاول
طبعا فى مقاومة
لكن لما العربية بتبقى طالعة المطب سرعتها بتقل لحد كانها هتوقف والاقي الاول جه بسهولة من غير مقاومة
يا ريت اكون قدرت اوصل لك الطريقة