الغيار الأول

**sharmer** · 22-01-2009 05:52 PM

السلام عليكم
أنا جديد في السواقه من 3 أشهر فقط ...ولأني كثير الاسئله فأنا محتار جدا في نقطه ألا وهي الغيار الاول ...بما اننا في مصر و الشارع مليان حفر و مطبات و خوازيق ...فأنا كنت باخد المطبات الجامده بمنتهي الهدوء على الغيار الاول بس صديق ليه قاللي اللي انا بأعمله ده غلط لان الغيار الأول ده عشان تطلع بس و ان أنا المفروض اخد المطبات دي على التاني مش الأول ...فقلتله ازاي يا عم هتقطع ..فقاللي لأ انت بس وازن كويس ما بين الدبرياج و البنزين ومش هتقطع !!! و لاني انا عربيتي جديده و عايز أحافظ عليها فأتمنى أني أعرف ارائكم , لأني فعلا محتار

**mohd79** · 22-01-2009 06:00 PM

ماتجبش الغيار الأول وهي العربية فيها حركة لازم تكون العربية واقفة تماما علشان تجييب الغيار الأول علشان ميبوظش الفتيس.

الطريقة الصح لانك تاخذ المطب انك تقف تماما وتجيب الأول أما اذا كنت هتهدي وتاخذ المطب خده على التاني.

**hamedo0** · 22-01-2009 06:30 PM

طب معلش مهندسين بتوع شركه الغاز كان بينصح البيركب غاز انه بعد المطب انه يجيب الاول
و يحرق علي الغيار كلمهم صح ولا غلط

**Ahmed Hassan** · 22-01-2009 06:48 PM

المشاركة الأصلية كتبت بواسطة hamedo0

طب معلش مهندسين بتوع شركه الغاز كان بينصح البيركب غاز انه بعد المطب انه يجيب الاول
و يحرق علي الغيار كلمهم صح ولا غلط

بينصحوا بكده علشان العربيه سحبها بيضعف مع الغاز.. و لو طلعت على التاني هتتعذب

بالنسبه لاجابه السؤال اول ولا تاني... حسب سرعتك و عربيتك... انت بتحفظ عربيتك عامله ازاي... لو لقيت انها في مواقف مشابهة بتمل على التاني خلاص.. لو كركرت منك او قطعت... هات الأول و عموما متخافش... موضوع الأول ده مش هيبوظ العربيه و لا حاجه طول ما العربيه بطيئه و انت بتدوس دبرياش كويس

**Mostafa Shaker** · 23-01-2009 05:59 PM

بص اولا بلاش الاول فى المطب عشان غلط
ثانيا وانت دخل المطب لو ماشى براحه شد شويه خلى العربيه على سرعتة و مور العربيه وابداء دوس فرامل اول ماتحس انى العربيه خلاص على الاول المطب وانت نازل من المطب بعد الكاوتش الامامى ما ينزل من على المطب ادى العربيه التانى بس براحه عشان لسه الكاوتش الخلفى منزلش عشان العربيه متتهبدش عل الارض وابداء كانك كانت ماشى عادى بس كل دا فى اقل من الثانيه يا مان جرب مرة واتنين وبعد كدة هتلأيه سهله اخر حاجة
وربنا معك:10D5C8~1107:

**RED_OCTOBER_IV** · 23-01-2009 06:29 PM

المشاركة الأصلية كتبت بواسطة shakora

بص اولا بلاش الاول فى المطب عشان غلط
ثانيا وانت دخل المطب لو ماشى براحه شد شويه خلى العربيه على سرعتة و مور العربيه وابداء دوس فرامل اول ماتحس انى العربيه خلاص على الاول المطب وانت نازل من المطب بعد الكاوتش الامامى ما ينزل من على المطب ادى العربيه التانى بس براحه عشان لسه الكاوتش الخلفى منزلش عشان العربيه متتهبدش عل الارض

وابداء كانك كانت ماشى عادى بس كل دا فى اقل من الثانيه يا مان جرب مرة واتنين وبعد كدة هتلأيه سهله اخر حاجة

وربنا معك:10D5C8~1107:

بصراحه أول مره اسمع الى حضرتك بتقوله ده بس أنا من ر أيى ... خد المطب على التانى عادى بس خف من على البنزين وخد المطب إيد ورجل .. مش عارف إنت تعرف إيد ورجل دى ولا لاء .

**RED_OCTOBER_IV** · 23-01-2009 06:33 PM

بص ايد ورجل دى يعنى وانت داخل على المطب ارمى يمين واطلع بالعجل الى قدام على المطب وبعديى ارمى شمال او اظبط العربيه وانت بتطلع العجل الخلفى ... يا رب أكون وصلتهالك

**fahd_628** · 23-01-2009 07:33 PM

أية يا جماعة دة ؟

مفيش مشكلة ان الواحد يجيب اول و هوة ماشى مش عارف لية الناس بتقول انة غلط

فية عربيات فعلا مبيجيش فيها الأول و هية ماشية و لكن فية عربيات بيجي فيها عادى

و لو الأول غلط ان الواحد يجيبة لما يهدى لية فى العربية الأوتوماتيك لما تعمل كيك داون ( تدوس على الأخر ) على سرعة 20 مثلا تلاقى العربية نقلت اول و العربية تحرق لغاية 6500 Rpm ؟

انا رأى ان مادام الأول و انت ماشى بسرعة مناسبة بيجى منغير اى مقاومة يبقى مفيش اى خطر من كدة بس تبقى على سرعة مناسبة يعنى 10 - 20 كدة يعنى

**lancerevolution** · 23-01-2009 07:55 PM

قبل المطب مور مع فرامل على حسب السرعة لحد لما تاخد المطب براحة المهم لو مطب محترم و العربية كانت بتتحرك من 5-10 كم ممكن تديها التانى بس يفضل الأول عشان كدا بتلود على الموتور حمل زائد من الأخر حتلاقى الأر بى إم تحت الألف ودا غلط على الموتور و بمجرد لما تديها زقة بالأول هات تانى و عيش يا معلم مع الباقى

**محمد جلال** · 23-01-2009 08:10 PM

لو انت فى وضع ثبات تجيب الاول وتطلع يعنى توقف خالص امام المطب وانت ممور وتجيب الاول وتكمل بالنسبة لى بهدى وبجيب الثانى وباخد المطب لان العربية فى وضع حركة مش واقفة .

الموضوع: الغيار الأول

LinkBack

أدوات الموضوع

عرض

الغيار الأول - انشر الموضوع فى :

-

-

-

-

-

المواضيع المتشابهه

عضة فى الغيار الأول

الغيار الأول والسخونة

تقل في الغيار الأول

الغيار الأول وال Rpm

الكلمات الدلالية لهذا الموضوع

المفضلات

المفضلات

ضوابط المشاركة