الموضوع: اتحاد مالكي الفيات اونو

المشاركة الأصلية كتبت بواسطة whatzup

nfs7 باشا
انا دلوقتي جبت الترموستات .. بس مالقيتش 62/70
ولقيت واحد ايطالي
ب15 جنية 68/82
هو في كام ترموستات في الاونو ؟؟؟؟
بيتهيالي انة مش محتاج صنايعي يركبة؟
والترموستات الكوعة دة مكانو فين؟???????

باشااااااا
مفيش ترموستات 62/70
هوا صح 68/82 بس ده لو شيلت ترموستات الكوعة اعرف ان المروحة عمرها ما هتبطل عشان ده بيفتح المروحة على درجة حرارة 82 ويفضل شغال لحد 68 مع الحر عمر مالعربيه هتنزل ل 68 من جرب ركبو الاول لو العربية مضبطتش شيل الكوعة
الكوعة دي في اخر الخرطوم الفوقاني للردياتير في جمب وش السلندر
وخلى بالك كويس اوي من الحرارة عشان وش النيلة الاونو ضعيف اوي وبيتلكك عشان يضرب جوان وش زي محصل معايا الفترة الي فاتت
والاونو فيها ترموستات واحده باتاعة الريدياتير التانيه بتاعة الكوعة المفروض ان دي بتحتفض بدرجه حرارة الموتور عند 90 اقل من 90 تقفل اعلى من 90 تفتح تعدي المية مش فاكر اسمها anti حاجة كدة مش ترموستات بس الناس بتقول ترموستات

المشاركة الأصلية كتبت بواسطة abohassan

أنا كنت عاوز كوعة عمه .. وسألت عليها فى محل بتاع قطع غيار فيات (محمد يوسف) قالى مش موجوده.. ياترى ممكن
ألاقيها فين..؟

وكنت عاوز لمض كشاف قويه شويه أصل الى عندى حاسس انها ضعيفه نورها ضعيف ..أيه نوع كويس؟

....

الكوعة دي للاسف بتاعة البولندي من سنة 98 لي 2000 وانساها متحولش تضور عليها انا بقالي 3 سنين بحاول مع اني دلوقتي كبرت دماغي منها وركبت ماسورة فلتر اسبورت بدالها
لمبات شوف اوزرام او فيليبس ولو هتركب وات اعلى من 90/100 يبقى لازم كتاوت نور عشان متحرقش دراع النور

المشاركة الأصلية كتبت بواسطة nfs7

انا عربيتي بقالها اسبوعين حرارتها بتعدي النصف ومعرفش ايه السبب لكده
كشفت على كل خراطيم الميه والطبب بتاعة المية وكل حاجه ممكن تسرب ميه مفيش حاجه وغير كده المية مبتنقصش
ضبطت تاكيهات فكيت الريدياتير وسلكتو برضو مفيش فايده وفي مره وانا بركن وكالمعتاد العربيه حرارتها ابتدت تعدي النصف لكن لاحظت ساعتها ان المروحة مش شغالة استنيت شويه الحرارة عدت النصف بشرطة تقريبا واشتغلت المروحة والمروحة وقفت لما الحرارة نزلت النصف وابتدات الحرارة تعدي تاني واشتغلت برضو بعد النصف بشرطة ومن هنا قلت اكيد ترموستات المروحة الي في الريدياتير مش مضبوط وغيرتو والحمد لله جبت الترموستات ال 62 والحرارة رجعت لطبيعتها تاني
انا قلت انقلكو التجربة الي قرفتني اسبوعين وصرفت عليها اكتر من 200 جنيه عشان يطلع في الاخر العيب ترموستات تمنو 15 جنيه

ربنا يبارك فيك
أنا عندى نفس المشكلة دى فى الحرارة وإن شاء الله هشوف موضوع الترموستات بس بعد موضوع الخبطة اللى اتعرضلها ( الحمد لله على كل حال ) السمكرى قاللى ان الخبطة جت فى صدر العربية (اتعوج شوية ) وعايز منى اكصدام امامى وفانوس شمال بفانوس الاشارة وشبكة
فممكن بس أعرف الحاجات دى سعرها كام ومنين
وهل فى فرق بين الجديد والإستيراد ؟
وهل الإستيراد فعلا اللى فى الوكالة حاجات مستوردة ولا عربيات متقطعة أو عاملة حادثة ؟

شكرا مقدما

المشاركة الأصلية كتبت بواسطة om mohammed

ربنا يبارك فيك
أنا عندى نفس المشكلة دى فى الحرارة وإن شاء الله هشوف موضوع الترموستات بس بعد موضوع الخبطة اللى اتعرضلها ( الحمد لله على كل حال ) السمكرى قاللى ان الخبطة جت فى صدر العربية (اتعوج شوية ) وعايز منى اكصدام امامى وفانوس شمال بفانوس الاشارة وشبكة
فممكن بس أعرف الحاجات دى سعرها كام ومنين
وهل فى فرق بين الجديد والإستيراد ؟
وهل الإستيراد فعلا اللى فى الوكالة حاجات مستوردة ولا عربيات متقطعة أو عاملة حادثة ؟

شكرا مقدما

الحمد لله على كل كل حاجة والي بيجي في الصاج خير
انا عربيتي بقالها اسبوعين مطلعا عيني شوية سخونة شوية جابت جوان وش سلندر شويه المشط بتاع الاسبراتير اتحرق وبيحصل معايا حجات غريبةةةة بس الحمد لله

الاكصدام بي 150
فانوس ماريلي بي 150
فانوس الاشارة بي 30
الشبكة من غير العلامات بي 45 تقريبا مش متاكد
الاسعار دي اسعار الجدديد من عند الكيلاني
طبعا الي في الوكالة في استيراد مستعمل وفي عربيات حوادث كمان وكلو مستعمل مش جديد بس المستعمل بيبقى فيه حجات زي الاكصدام بيكون اقوى ونشف من الجديد والفانوس هتلاقي الاطالي بتاعها
لكن الجديد كلو صيني حتى لو قالك ايطالي هتلاقيها ورقة ملزوقة علهم يعني اي كلام وصيني برضو
عشان يكون ايطالي فعلا لازممممم يكون محفور عليه او مكتوب مصبوبة في التصنيع بنفس خامة المنتج كلام بارز يعني مش تكون كتابة مطبوعة بي حبر اسود ولا ورق ملزوق والكلام الفاضي ده

المشاركة الأصلية كتبت بواسطة abohassan

شكرا يا باشا على الرد .. أنا فعلا عربيتى موديل 2000.... طيب هوه ينفع أوفقلها أى حتة خرطوم وخلاص ..؟؟ ولا لازم حاجه معينه

وبالنسبه للمبات .. هل فيلبس فيه وات أعلى من 100 ووات أقل ولا كل الى فى السوق حاجه ثابته..؟



.....

انت ممكن تعمل الي انت عايزو في الخرطوم بس مع مراعاة انو اميكونش ارفع من بتاعها عشان كده لو انت هاف انجكشن وركب خرطوم ارفع هتسحب هواء اقل من العادي ومن هنا هيبتدي الحساس بتاع الهواء يخرف وتلاقي العربيه بتاكل بنزين
باللنسبه للمبات في اعلى من 90 وات واط للواطي و100 للعالي
وفابريكت عربيتك 90\100 الي بعدها علطول 120/200 تقريبا ودي لازم يركب كتاوت نور عشان متحرقش ذراع النور
وبالنسبة للفيلبس في منها كل حاجة بس خلي بالك عشان فيه فيلبس كتير في السوق مضروب

النهاردة كنت عند هشام لهيطة ( هو دة اسمة أعتقد ) فى التوفيقية وسألتة على ترموستات الحرارة قاللى ب 50 جنية
وحضرتك كنت قايل ب 15 جنية ولما قلتلة هو فى ب 15 قاللى دى ترموستات ال128 ومش بتركب فى الأونو

ممكن أعرف حضرتك جبتها منين ؟