تركيب 2 علبة شكمان

**samirayad** · 26-01-2009 07:05 AM

المشاركة الأصلية كتبت بواسطة eldeplomasy

طيب عندي في الشاهين 3 علب بس وصوت الموتور عالي شوية وواحد زميلي حط ايده على الشكمان ورا وكتمه بقى صوت الموتور زي الياباني ملوش صوت خالص وكان عاجبني جدا فهل ينفع فعلا ازود علبه كمان خصوصا ان العربيات الياباني كلها 4 علب؟؟؟

وايه تاثير العلبة الزيادة دي على السحب واستهلاك البنزين؟؟؟

لا طبعا ماينفعش.....دا أنت بتقول زميلك كان كاتم الشكمان......طب العربيه حتسحب ازاى......وتحمل الموضوع شويه وبلاش تعمل حاجه ...ممكن تكون طريقة عزل الصوت بتاع مكونات العربيه هو اللى كده....ولايفضل عمل شىء لعدم حوث آثار جانبيه

**eldeplomasy** · 26-01-2009 02:52 PM

شكرا جزيلا لردك السريع

بس كان عندي استفسار وهو ان العربيات الياباني وغيرها 4 علب شكمان وعندي 3 طيب ايه التاثير الجانبي اللى ممكن يحصل لو زودت علبة او غيرت علبة بوحده اكبر شوية؟؟؟

**samirayad** · 26-01-2009 06:51 PM

المشاركة الأصلية كتبت بواسطة eldeplomasy

شكرا جزيلا لردك السريع

بس كان عندي استفسار وهو ان العربيات الياباني وغيرها 4 علب شكمان وعندي 3 طيب ايه التاثير الجانبي اللى ممكن يحصل لو زودت علبة او غيرت علبة بوحده اكبر شوية؟؟؟

الشكمان أسمه العلمى كاتم للصوت (بيشكمه ياعنى )....وأعتقد علشان كده سموه شكمان.......وتغييرك علبه بعلبه أكبر طبعا حيولد صوت أهدأ..........ولكن فد يولد أثر غير مرغوب من ناحية سرعة تدفق العادم لخارج الشكمان......وده فنيا مش مرغوب على أساس ممكن يؤدى الى رفع حرارة الماكينه(لو شايل الثرموثتات يبقى مفيش مشكله بالنسبه للنقطه دى).........وممكن يقلل من سحب السياره (على أساس وجود كسل فى حركة العادم وبالتالى التاثير على سلاسة عملية الحريق)........وممكن أن يؤدى الى زيادة استهلاك البنزين(نتيجة وجود رد فعل من العادم الكسول فى الحاله دى).......ولكن يمكنك التجربه بتكبير حجم أحد العلب على سبيل التجربه وتراقب الاّداء ....لو عجبك أستمر ولو كان هناك شكوى من أى عرض من الأعراض التى وضحتها لك يمكنك الرجوع الى الوضع القديم ....ويادار مادخلك شر......لأن الموضوع ده لن تعرف نتيجته الا من خلال التجربه وكلامى كله هو وجهة النظر العلميه.......

**eldeplomasy** · 27-01-2009 01:16 AM

فعلا كلام حضرتك مقنع عموما هجرب واشوف وهبقى ابلغكوا بالتجربة

**Maged_Samy** · 08-02-2009 11:02 PM

اخيرا يا جماعة ركبت علبة تانية فى 127 وهى عبارة عن علبة اسمها علبة تبريد او فتلر بتاع سيارة 131 وبعد ماركبته الصوت بقى ممتاز جداً وحرارة الموتور حسيت بفرق ملحوظ فيها ـ وانصح جميع مالكى 127 بتركيب علبة التبريد دى واسمع صوت عربيتك. مع العلم ان هذه العلبة ليست علبة عادية ولكنها علبة بداخلها ماسورة عدله بها خروم كتيرة .

**eldeplomasy** · 08-02-2009 11:08 PM

وحرارة الموتور حسيت بفرق ملحوظ فيه

بالتحسن ولا ساءت عن الاول؟؟؟

والصوت خف ولا نعم؟؟؟

وبكام؟؟؟

وتنفع للشاهين ولا لأ؟؟؟

والف شكر

**maka** · 09-02-2009 10:07 AM

المشاركة الأصلية كتبت بواسطة Maged_Samy

اخيرا يا جماعة ركبت علبة تانية فى 127 وهى عبارة عن علبة اسمها علبة تبريد او فتلر بتاع سيارة 131 وبعد ماركبته الصوت بقى ممتاز جداً وحرارة الموتور حسيت بفرق ملحوظ فيها ـ وانصح جميع مالكى 127 بتركيب علبة التبريد دى واسمع صوت عربيتك. مع العلم ان هذه العلبة ليست علبة عادية ولكنها علبة بداخلها ماسورة عدله بها خروم كتيرة .

منين وبكام؟؟؟؟؟

**Maged_Samy** · 09-02-2009 04:23 PM

حرارة الموتور اتحسنت جدا - العلبة دى واحد قالى ب 75 جم بس انا جبتها ب 50 جم بتركيبها من عند واحد فى الدخيلة بالاسكندرية جنب المقابر اللى جنب المينا عند فياض بتاع الزجاج اسمه الحاج ناصر

**Maged_Samy** · 09-02-2009 04:26 PM

حرارة الموتور اتحسنت جدا - اما السعر واحد قالى 75 جم وانا جبتها ب 50 جم بتركيبها من عند واحد اسمة ناصر فى الدخيلة الاسكندرية جنب زجاج فياض بالقؤب من المقابر اللى عند الميناء