الموضوع: كل واحد فينا يحكى عن موقف فى حياته اتخبطت فيه العربية و كيف تم تصليحها

هههههههههههههههههه
انت مفترى يابنى............. بتتعلم على لانسر وتجيب اخر بنزينها؟؟؟؟؟؟؟؟

ربنا ستر الحمدلله

لما تعلم حد بقى ابقى ابعد بيه عن الملاعب ... هههههههههههه

المشاركة الأصلية كتبت بواسطة dr_timo

ههههههه طيب فضايح بفضايح بقي هحكيلكم فضيحة من فضايحي كنت اول متعلمت مبعرفش اقف عالمطالع يعني لو مطلع ووقفت او العربية بطلت بتقوم متزحلقة مني لورا ففيوم بقي كنت رايح امون من البنزينة اللي جمبنا والبنزينة الرخمة دي ليها مطلع كدة ولاني بمون بنزين تمانين فالواحد بيضطر يقف فطابور والطابور بيقف علي المطلع دة فانا بقي وقفت عليه ودايس فرامل المهم جيت اطلع فقمت شايل من عالفرامل وجري جري جاي ادوس عالبنزين قامت العربية متزحلقة لورا عاللي ورايه ههههه وديب خبطته قمت دايس فرامل بسرعة بعد مكنت لمسته المهم الراجل نازل م العربية وانا مش عارف انزل اكلمه ههههههه عشان دايس عالفرامل ومش قادر اشيل رجلي من عليها كنت ناسي خالص ان في حاجة اسمها فرامل يد وبعدين الراجل نزل وجالي لقيته ضخم اوي قلت قشطة هنتضرب والحمد لله وبعدين الغرريبة لقيته هادي جدا وطيب اوي وبيقولي كدة مش تمسك فرامل قلتله معلش ولقيت عربيته بلونيز زي عربيتي فقلتله معلش بقي بولونيز بتدلع علي بولونيز فسكت ومشي انا لو منه كنت قلتلي لفظ ابيح يعني عشان بولونيز تعجنلي عربيتي هههههه ومشي رجع عربيته ورجع لورا شوية قمت شايل فرامل تاني وجاي ادوس بنزين قمت بردو نازل عليه هههههههه والله ساعتها بقي المفروض كان ضربني فقالي ياعم دوس فرامل قلتله مانا دايس قالي دوس بقي بنزين وبراحة عالدبرياج قلتله كدة عايز تلت رجول وانا عندي اتنين طيب اوطي امسك التالت بئيدي ولا اعمل اية ههههههههه قالي ياعم شيل من عالفرامل بسرعة ودوس بنزين قمت عامل كدة قام هوب العربية طلعت وخبطت في اللي قدامي ههههههههههههه توحفة والله ومصيبة سودة كا يوم ميعلم بيه الا ربنا والناس كلها اتفرجت عليا من ضاحك لساخر لشاتم في سره انا نفسي بعد ممونت قلتلي غور ياد ياغبي انت بقي من هنا متورنيش وشك تاني

مش ممكن على الاسلوب وعلى الموقف
انا كنت متضايقه جدا من اللى عملته اليوم فى عربيتى ودخلت الموضوع دا علشان اشوف خبرة الاعضاء

لكن بجد اكتر تعليق موتنى من الضحك هو تعليقك دا يا دكتور
لانى برشو وانا بتعلم واحد طيب كان معى اول امبارح وعمال يقولى على المطلع وازاى اتصرف فيه
وانا بقول فى دماغى نفس الكلام ( هو انا لى تلات رجلين ) بس بقوله فى سرى علشان ميقولش على غبيه )
بس هومن نفسه قالى ازاى وانا استصعبتها فقالى على موضوع فرامل اليد

تخيل انا قعدت اضحك 10 دقايق وخايفه من اللى فى البيت يقولو على اتجننت