ليه الـgps ممنوع في مصر ؟؟؟

**hero** · 06-02-2009 07:30 PM

المشاركة الأصلية كتبت بواسطة abou_ruqi

ده بيرجعنا للحصل للمصريين في اليونان في الثمانينيات

الأمن اليوناني كان مش عارف يلم المصريين اللي اقامتهم غير شرعية
فعمل فكرة جامدة قوي
كان هنا في مصر نزل فيلم لعادل إمام كسر الدنيا اسمه رمضان فوق البركان
قامت السلطات اليونانة منزلة الفيلم ده في أكبر سينما في أثينا ودي أول مرة في التاريخ ينزل فيلم عربي في السينما

طبعا كل اللي دخلوا الفيلم ده كانوا المصريين اللي غالبا اقامتهم غير شرعية

الناس دخلت الفيلم و وهما خارجين لاقوا عربيات نقل مساجين كبيرة مستنياهم وأتلموا كلهم وأترحلوا على مصر

اكيد ايلي قالوهم علي الفكرة دي .....واحد مصري.....

اصل المصريين متعاونين قووووووي قووووي برة....لدرجة ممكن تموت

**MRBEBO** · 09-02-2009 11:37 AM

اعتقد مشكلة الــ gps انه بيدخل على الاقمار الامريكية

والحكومة خايفة من حاجة زي كده ... زي ما هو واضح

بس الغريب ان كل الدول العربية فيها النظام ده بدون الخوف المرضي اللي موجود عند الحكومة بتاعتنا !!!!!!!!!!!!!!!!!!!!

**abou_ruqi** · 09-02-2009 11:54 AM

المشاركة الأصلية كتبت بواسطة MRBEBO

اعتقد مشكلة الــ gps انه بيدخل على الاقمار الامريكية

والحكومة خايفة من حاجة زي كده ... زي ما هو واضح

بس الغريب ان كل الدول العربية فيها النظام ده بدون الخوف المرضي اللي موجود عند الحكومة بتاعتنا !!!!!!!!!!!!!!!!!!!!

الحكومة خايفة من الاقمار الصناعة الاميريكية ومش خايفة من القمح الامريكي ؟؟

وبعدين هي امريكا مستنية الجي بي اس علشان تشوفنا ؟؟؟
ماهي شايفة كل حاجة ٢٤ ساعة !
بصوا علي الجوجل ايرث وده اللي عاطينه للعالم ببلاش امال هما عندهم ايه ؟

**dr_darsh** · 16-02-2009 08:17 PM

المشاركة الأصلية كتبت بواسطة abou_ruqi

الحكومة خايفة من الاقمار الصناعة الاميريكية ومش خايفة من القمح الامريكي ؟؟

وبعدين هي امريكا مستنية الجي بي اس علشان تشوفنا ؟؟؟
ماهي شايفة كل حاجة ٢٤ ساعة !
بصوا علي الجوجل ايرث وده اللي عاطينه للعالم ببلاش امال هما عندهم ايه ؟

فعلا الواحد مش عارف الناس دى عندهم ايه ؟

**kahamid** · 16-02-2009 09:26 PM

الجهاز ده احنا لسة مشتريينة في الشركة ب 250000 ج
وقعد حوالي 50 يوم في الجمارك علي ماعرفنا نطلعة وطول الفترة دي اتصالات مع مسئوليين كبار للحصور علي الموافقة دون جدوي
وفي الاخر ربنا كرمنا ودخل بقرار من م / طارق كامل
بس الناس في مرفق الاتصالات كل شوية كانوا يقولولنا سبب شكل
بس اشهر الاسباب وكان اكثرها اقناعا لنا علشان موقع الشركة غير مناسب ( احنا خلف السفارة الاسرائيلية مباشرة )

**kahamid** · 16-02-2009 09:39 PM

المشاركة الأصلية كتبت بواسطة karimone

علي فكره الجيش بيستخدم الGPS علي نطاق واسع و ده كلام حالص قدامي...

مره كان في جهة حكوميه طالبه اجهزة GPS وخدوا بالكوا من حكوميه ديه و جبنالهم الاجهزة من امريكا... بس دور بقي علي مين اللي يطلعها من الجمرك... قعدنا اربع شهور نقنع في هيئة المواصلات اللي بتدي الترخيص بدخول الاجهزه ان الحاجه ديه رايحه للحكومه و جبنالهم امر التوريد و الناس اللي شغالين في الجهة ديه كلمتهم علشان هما كانوا محتاجين الاجهزة فعلاً في شغلهم... بس علي مين لا حياة لمن تنادي

الحل في الاخر كان ان احنا رجعنا الحاجه امريكا تاني...

طبعاً اجهزة زي ديه لو جايه للجيش ما بتعديش علي الجمرك اساساً

زي ما انا حكيت علي اللي حصل معانا بالظبط
احنا قعدنا حوالي 45 يوم
كل يوم الشركة بتاعة الشحن Fedex توجعلنا دماغنا
هنرجع الاجهزة لغاية لما رئيس مجلس الادارة عندنا اتصل بالمورد وظبط معاه انه يرفض استلام الجهاز
وفعلا لما شركة الشحن بدات تتصل علشان ترجعة تفاجئة بالرفض من المورد
فطلعوا بحوار تاني وهو اعدام الجهاز وفعلا عملو امر لاعدام الجهاز وبعتو لينا علي الفاكس
فاتصل رئيس مجلس الادارة بطارق كامل وبعتلة صورة الفاكس
تاني يوم لقينا مرفق الاتصالات بيدينا جواب موافقة للجمارك علشان ندخل الجهاز
وربنا سهل لسة المهندسين عندنا مشغلينة انهاردة
قعدوا 3 ايام بيركبوه ويجهزوه

**abou_ruqi** · 16-02-2009 11:50 PM

المشاركة الأصلية كتبت بواسطة kahamid

الجهاز ده احنا لسة مشتريينة في الشركة ب 250000 ج
وقعد حوالي 50 يوم في الجمارك علي ماعرفنا نطلعة وطول الفترة دي اتصالات مع مسئوليين كبار للحصور علي الموافقة دون جدوي
وفي الاخر ربنا كرمنا ودخل بقرار من م / طارق كامل
بس الناس في مرفق الاتصالات كل شوية كانوا يقولولنا سبب شكل
بس اشهر الاسباب وكان اكثرها اقناعا لنا علشان موقع الشركة غير مناسب ( احنا خلف السفارة الاسرائيلية مباشرة )

ربع مليون جنيه ليه ؟؟ ده بمائة دولار في أمريكا !!

**kahamid** · 17-02-2009 10:09 AM

المشاركة الأصلية كتبت بواسطة abou_ruqi

ربع مليون جنيه ليه ؟؟ ده بمائة دولار في أمريكا !!

انا معرفش ايه ايو 100 دولار ده
احنا لما جبناه وحصرنا عروض الاسعار اللي جاتلنا كلها كانت في رينج 240 الف الي 255 الف ده سعر المورد من غير ولا جمارك ولا ارضية ولا اي حاجة من المصاريف دي
وكانت تقريبا 32000 جنية شاملة الجمارك والضرائب والارضية

**abou_ruqi** · 17-02-2009 11:54 AM

المشاركة الأصلية كتبت بواسطة kahamid

انا معرفش ايه ايو 100 دولار ده
احنا لما جبناه وحصرنا عروض الاسعار اللي جاتلنا كلها كانت في رينج 240 الف الي 255 الف ده سعر المورد من غير ولا جمارك ولا ارضية ولا اي حاجة من المصاريف دي
وكانت تقريبا 32000 جنية شاملة الجمارك والضرائب والارضية

واضح ان حضرتك بتتكلم عن جهاز تاني مش الـ GPS !
آدي آسعار آحسن ماركة (TOMTOM) تتراوح ما بين ١٠٠ : ٥٠٠ $ !!!

http://www.nextag.com/tomtom-gps/search-html