بص يا باشا انا كنت فى نفس موقفك كده
الجلسه ديه اسمها جلسة تعارف و انت بتقول لوالدتها كده انا عايز اجى اتعرف عليكم
اولا بلاش تروح بدبله كاملة البس حاجة كلاسك بلاش كاجول او البس بدلة من غير كارافته
صلى استخارة قبل ماتروح
خود معاك علبه شيكولاته نوع كويس يعنى مش اقل من 70 80 جنية كده و بلاش تاخد حاجة غالية قوى او اعلى من مستواك
ياريت والدتك تكون معاك لان الوالده هيبقى ليها نظرة للبنت غير نظرتك انت و رأيها مهم
مش هتتكلموا خلاص على اى حاجة فى تفاصيل الزواج الكلام كله هيكون كلام عااام على مواضيع عامة يعنى انا روحت من شهر كده فكنا بنتكلم فى احداث عزة ( كانوا مؤيدين لحماس زينا فكانت جلسه سلمية ) يعنى هتتكلموا فى اى حاجة عامة
ياريت انت تتكلم عن نفسك و تحاول تكون على طبيعتك خااالص و ماتحولش تتصنع حاجة فى شخصيتك هى مش موجوده و تتكلم عما تنوى ان تفعله فى مستقبلك و حياتك العملية (بيزنس , ماجستير ...)
بلاش ترتبك و تتحرج خليك عادى ( هما مش هيكلوك يعنى )
و هتقفل القاعده على انهم يفكروا و يصلوا استخارة و ان انت كمان هتصلى استخارة و هتفكر
نصيحة بقا
طمن نفسك خااااالص محدش هيتجوز غير مراته
المفضلات