الموضوع: عربيتى طلعت دخان

ياريتك ماغيرت البنزينه............البنزين مغشوش اللى عندك ياريس....بس مش عارف أنت بتقول العربيه آداها اتحسن ازاى.......ياريت تبين النقطه دى شويه

انا رحت لميكانيكى وبص على الزيت وقالى انا الغطا بيعرق مياة مع الزيت مع انى بصيت على قياس الزيت لقيتة سليم مفيش نقص والزيت لونة عادى لاكن الغطا فعلا فيه ذى طحينة وبعدين قالى الدخنة والعربية تحس انها بتفتف وفى مياة بتنزل من الشكمان دة جوان وش السلندر بس فى اولة وهنفتح ونشوف انا خايف يكون بيشتغلنى .
على فكرة المياة بتنقص من القربة.

المشاركة الأصلية كتبت بواسطة SE_coralsea

ممكن لو فيه مشكلة في جوان وش السلندر أو مشكلة في الرباط يحصل تفويت مياه و جزء يدخل علي الزيت و يرجع معاه و لكن نظرا لأرتفاع درجة الحرارة ( أكثر من 80 درجة مئوية) يحدث بخر للمياه و يتصاعد هذا البخر من خلال غطاء الزيت أو عبر خرطوم التهوية الداخل علي فلتر الهواء مصحوبا ببعض من بخار الزيت

أما الجزء المتبقي من المياه المتسربه فقد يدخل الي غرفة الاحتراق و يتبخر و يخرج مع العادم و نظرا لبرودة الجو يتكثف مرة أخرى عند خروجه من ماسورة العادم في شكل قطرات مياه و يتغير لون العادم الي اللون الابيض

كمان موضوع التقطيع في خروج العادم بيؤكد ضعف الكبس نتيجة لوجود تفويت من عند الجوان أو ضعف الرباط

أنا معاك....فى كل اللى قولته.......بس برضه مهما كان هناك تفويت للكبس من خلال منطقة رأس السلندر......لو تفويت للخارج حيبان وهو مدور....ولو تفويت داخلى هيظهر أثره من خلال خرطوم الفايظ بتاع الكارتير.........وعلى فرض تواجد الظاهره دى اللى برضه ممكن للأخ /صاحب التساؤل التأكد منها........صعب أوى أن تواجد هذه الظاهره.....تؤدى الى تبطيل المكنه زى ما الأخ قال.....ياريت تبين تعليقك على الجزء الخاص بتبطيل المحرك......والهدف وضع اليد على الحقيقه.....ليس أكثر

المشاركة الأصلية كتبت بواسطة SAMER_ENGINES

الدخان الأبيض من الشكمان ده بخار مياه و البخار ده و المية اللي نزلت دليل علي أني الموتور بحالة جيدة جدا و لما غيرت البنزينة البنزين الجديد غالبا طلع مغشوش زي ما قال الأساتذة الأفاضل قبلي و ياريت حضرتك ترجع مرة تانية للبنزينة التانية.

أنا برضه شكك زيك فى جودة البنزين.....وبقول يمكن البنزين فيه مياه.....وفلتر البنزين بقى كله ميه(ساعة مالعربيه بطلت منه).....ومبقاش فبه بنزين بكميه كافيه رايح لمسطرة الرشاشات....

والدليل على ذلك ان الأخ شاف زيت الكرتير لقاه كويس......والجزء الخاص بوجود تطحين للزيت على غطاء الزيت العلوى...ممكن يكون سببه تواجد نسبة تفويت عنده من الصبابات....والتفويت ده بيطلع معاه بخار ميه من البنزين الملوث بالميه...وبيتكثف على الغطاء ويطحن زيت من اللى موجود على الغطاء (أبخرة زيت ومياه)......وممكن برضه تكون نسبه كبيره من الميه اللى كانت طالعه من الشكمان تكون بسبب البنزين المخلوط بالماء............دا مجرد اجتهاد فى التشخيص لحين وصول تقرير من صاحب الحاله عن وضع التفويت بتاع رأس السلندر اللى قال عليه المهندس/سمير(لأنه برضه احتمال وارد)....على أساس أن صاحب الموضوع لم يفصل الأمور بعد......وربنا ييسر له الأمر.

المشاركة الأصلية كتبت بواسطة SE_coralsea

برضه تحليل منطقي جدا و أجتهاد تشكر عليه و معلش فاتت عليا حته تغير محطة البنزين دي , في الحالة دي يبدأ فعلا بالسهل و هو الرجوع للمحطة القديمة اللي كان بيمون منها و يشوف

برضه يابشمهندس/سمير.....دى كلها اجتهادات.....على مالأخ/صاحب الموضوع....يقولنا ملاحظات تانيه....علشان نقدر نحلل الوضع بصوره أدق....واللى أحنا قولناه ده تصور مبدئى للسيناريو.......لسه الأخراج ياريس......وأنا والله ببقى سعيد بالمناقشه والتحاور معاك....وأرجوك دايما أنا عاوز أنا وأنت نكون دايما متمسكين بمبدأ(الاختلاف فى وجهات النظر لا يفسد للود قضيه).....والهدف كله هو ضمان جودة التشخيص فى أى موضوع....ومش مهم مين صاحب الفكره الصح.......لأننا كلنا بنكمل بعض والهدف هو الثقل الفنى لنا وللجميع......أما اذا اتفقت الأراء يبقى خلاص قضى الأمر ووصلنا الى نهاية المطاف المطلوبه.........علشان محدش من الصنايعيه يلعب بأى واحد من أخوانا.......ومساء الفل عليك ياباشا