عربيتى طلعت دخان

**samirayad** · 07-02-2009 08:34 PM

المشاركة الأصلية كتبت بواسطة SE_coralsea

مساء الورد عليك ياباشمهندس / سمير طبعا بأتفق معك في كل كلمة قولتها عمر ما الاختلاف يفسد للود قضية و أنا دائما أتقبل الرأي الأخر حتي و أن أختلفت معاه لأن ممكن أسمع رأي أو نقطة فاتت عليا زي ماحصل في الموضوع ده

و عموما انا سعيد بالتحاور معك و في أنتظار المزيد من صاحب الموضوع حتي نستقر علي أساس المشكلة و يتم الاخراج و المونتاج كمان

لا ياريس حختلف معاك حالا.....احنا عاوزين اخراج بلاش مونتاج..(علشان ده فيه قص ولزق وخلافه)

**samohaa1000** · 07-02-2009 08:58 PM

بص يا عم لو دخان ابيض يعنى الموتور100/100
لو الخان اسود يعنى عايزة ضبط كهرباء
لو الخان طلع من خرطوم الفايز يبقى عايزة عمرة
التقطيع منك دة عبارة خروج بنزين دخول بنزين مختلف

**tananybasha** · 07-02-2009 09:01 PM

والله تعالى اعلى و اعلم
كلام الأساتذه فيه جزء كبير جداً من الصحة لأنه لو جوان وش سلندر ما كنتش بطلت تبخير خالص و بقت عربية بطاطا بس مش شرط ان زيت الكارتيره يبقى مطحن لو الجوان فيه حاجة عن تجربة شخصية
غالباً بنزينة معفنه و حرامية
الحل حضرتك تفك خرطوم التنك اللى داخل لموتور العربية و تسحب اى حاجة جوه او تفك التنك تغسله ببنزين لضمان عدم وجود مياه بداخله
و فول و اتكل على الله و قولنا ايه الأخبار

**samirayad** · 07-02-2009 10:33 PM

المشاركة الأصلية كتبت بواسطة astsaae

انا اسف اتاخرت عليكم انا كنت عند الميكانيكى وقالى المياة بتنقص جامد من الاربة بتاعت المياة يبقى اكيد دةجوان وش السلندر وقلى طلما هنفتح الماتور يبقى نغير سير الكاتينة بالمرة وهفصلك السرموستات لو شغالة عشان متسخنش منك تانى وهظبطلك التيكهات
انا حاسس انو بيشتغلنى وعايز يخربها انا ساكن فى مدينة نصر لو حد يقدر يساعدنى يجيلى او أروح لية يشفهالى قبل مااروح للمكانيكى يوم الاتنين عشان انا ركنت العربية ومش عارف اعمل اية كنت هروح بيها فيصل النهاردة عند ميكانيكى اسمة محمد عبدة بيشكرو فية فى منتدى الدايو بس خفت اتحرك بالعربية وهى بتنقص مياة جامد يحصل حاجة فى السكة افيدونى افادكم الله .

أنت شايف ميه مرشحه على جوان رأس السلندر من بره......أو لقيت الزيت فى الكرتير مطحن....وخللى بالك الميكانيكى ده أى كلام....لأنه عاوز يلغى الثرموثتات.....والدايو ملهاش ظبط تاكيهات.

**A.samy** · 08-02-2009 01:38 AM

ايوة لقيت الزيت فى الكرتير مطحن شوية قرب الغطا مش الزيت كلة لو تعرف ميكانيكى قويس قلى

**Samir Elshahawy** · 08-02-2009 02:39 AM

طيب برده ماقولتش هل فيه أثار بخار مياه علي وش السلندر أو بتلاقي تكثيف مياه علي الكبوت بعد ماتطفي الموتور ؟

**samirayad** · 08-02-2009 03:51 PM

المشاركة الأصلية كتبت بواسطة astsaae

ايوة لقيت الزيت فى الكرتير مطحن شوية قرب الغطا مش الزيت كلة لو تعرف ميكانيكى قويس قلى

مفيش غطاء للكرتير..... وياريت تحدد أنه غطاء......الغطاء لمنطقة التكيهات(اللى بتغير منه وتزود منه الزيت).....ياريت تكشف وتحدد كويس علشان أنت عيينا للتشخيص الدقيق........وياريت برضه يا أخى تستعين بصديق عنده سياره....علشان ينقل الوضع بصوره أدق......وسامحنى فى قولى لأننى فعلا حاسس ان الميكانيكى ده بيشتغلك........وخايف عليك منه.

**A.samy** · 08-02-2009 05:43 PM

ايوة الغطا اللى بزود منة زيت

**A.samy** · 08-02-2009 06:10 PM

المية بتنقص من القربة والشكمان بينزل مياة كتير

الموضوع: عربيتى طلعت دخان

LinkBack

أدوات الموضوع

عرض

-

المواضيع المتشابهه

عالم دخان دخان

العربية طلعت دخان ابيض

العجلة طلعت دخان

دخان اسود!!!

عربيتى اللانسر بوما طلعت سعودى 2007 ! وبعدين !!!!!

الكلمات الدلالية لهذا الموضوع

المفضلات

المفضلات

ضوابط المشاركة