أعتقد اللى فى السوق المصرى هنا لن تتعدى العربيات ال 4×4 الصينى الجديدة أو الكورى السانج يونج والجالوبر ، بس مش حاضر فى ذهنى ولا حاجة خلفى صينى أو كورى سيدان
عرض للطباعة
الكلام دة مش مضبوط خالص لسبب بسيط جدا
انت كدة مدخل فى المعادلة عنصر متغير و هو اتجاة القوة... خللينا نطبق المثال بتاعك على طربيزة خشب من اربع رجلين و ارضية موكيت و حنفترض ان كتاف الراجل اللى بيشد الطربيزة اعلى من سطح الطربيزة و دة خللى دراعات الراجل عملت زاوية 45 مع سطح الطربيزة
دلوقتى لو واحد بيشد الطربيزة حيبقى القوة اللى بياثر بيها على الطربيزة متجهة للامام و الى الاعلى و متقسمة بالتساوى بين الامام و الاعلى... الجزء اللى بيبقى متجة لاعلى بيقلل احتكاك الطربيزة بالارض و بالتالى مهمة السحب بتبقى اسهل نتيجة تقليل المقاومة اللى حصل من خلال رفع التربيزة عن السطح
العكس تماما بيحصل لما تزق الطربيزة لان نص القوة اللى بتحطها على الطربيزة بتدفع الطربيزة لتحت و بالتالى تزود الاحتكاك و المقاومة بتاعت الطربيزة و بالتالى حتحس انك عايز مجهود اكبر عشان تزق الطربيزة
اذا الموضوع مش بالسهولة اللى انت متخيلها ولا السبب يرجه لانك بتدفع او بتسحب... عايز تعمل التجربة دى صح يبقى تخللى دراعاتك موازية تماما لسطح الارض اللى عليها الطربيزة و جرب... حتلاقى المجهود المطلوب واحد فى الحالتين
و دة بالذات السبب اللى خللانى اقول ان طلعة الجر الخلفى احسن بفرض العربيتين ليهم نفس الwheel horse power لان العربية الخلفى حيبقى عجلها ماسك فى الارض اكتر من العربية الامامى فى الطلعة و بالتالى ممكن تدى قدرة اكبر فى الطلعة للعربية الخلفى من غير ما تامرك ربع ساعة زى الامامى
MMamdouh
وجهة نظر جميلة ، إتجاه القوة اللى جاى من الكاوتش غير مثال الترابيزة فعلاً ، بس أعتقد هو كان يقصد المتانة مش سهولة السحب أو الدفع
كلامك عن ال wheel horse power بيجيب من الآخر فى الموضوع ده وبيرجع حسم المقارنة للموتور فى الآخر ، بس أنا عايز أعرف الفرق فى الفاقد قد إيه نسبته بين النظامين ؟
مش عارف بس الخلفى اكتر من الامامى
MMamdouh
انا قصدى عمل تسلسل للمناقشة...
دلوقتى وصلنا لمجموعة عربيات كورى و صينى فيها اعمدة كردان..
السؤال التالى حيبقى مين فيهم حصلة كسر فى اعمدة الكردان؟؟؟ اعتقد لو اصلا فيه حتبقى نسبة ضعيفة جدا جدا جدا
زى ما قلت قبل كدة الكردان مبيبقاش عامود واحد من الفتيس الى الكورونا... دا بيبقى مقطعين او اكتر عشان مواجهة الالتواء اللى بيحصل للكردان لما بيبقى حتة واحدة و طويل...
و بعدين غالبا اللى بيحصل ان صليبة الكردان هى اللى بتتكسر مش العامود نفسة و بالتالى نقدر نقول بثقة ان دى مشكلة اللى راكب العربية لانه:
اما سمع صوت الصليبة و نفض لحد ما الصليبة اتكسرت
و اما غير الصليبة فعلا بس اشترى نوعية رديئة و اتكسرت بعد فترة قصيرة ن الاستخدام
و اما الصليبة كانت نوعية كويسة لكن حصلت مشكلة فى التركيب من الصنايعى
و الاسباب التلاتة لا يمكن نلومها على تصميم العربية
MMamdouh
ممكن نلوم على تصميم العربية لو مافيهاش حماية فى حالة لو الصليبة إتكسرت ، زى باليتة حديد مثلاً تحت الكردان أو السلسلة المشهورة فى النقل