هل السيدات فى مصر بيعرفوا يسوقوا!؟؟

**R A N A** · 18-02-2009 05:03 PM

سواقة الستات والبنات كلاكيت للمرة الألف

هي الناس مبتزهقش ؟

مبتملش؟

مبتيأسش؟

طب مبتتعبش طيب؟

كل شهرين نفس الموضوع ونفس الردود

ونفس الشتيمة ونفس النسب المئوية اللي لم يقرها أي جهة بحثية ميدانية رسمية أصلا مجرد نسب شخصية اختراعية من تجارب شخصية (منها تراكمية من ايام زمان ممكن يكون عدى عليها 20 سنة مثلا ولم يتم تحديثها ومعظمها مع سيدات لسة بيتعلموا السواقة وفي بداية سواقتهم اساساً) :K14:

مع إن اي حد مبتدئ سواقة سواء راجل أو ست بتبقي سواقته زفت محدش كان بيسوق وهو لسة في اللفة يعني

ونفس العقد النفسية (اللي عند بعض الرجال من أي شئ يتعلق بالأنثى ) اللي بتطلع في النص واللي مالهاش علاقة بالسواقة بس اهو

بس الصراحة انا ماليش نفس اتكلم في الموضوع ده تاني لإني تعبت والله من حوار ستات ورجالة وولاد وبنات وطفل وطفلة وقط وقطة ونمول ونملة ده
طول مالستات مش بيسوقوا سواقة البلطجة المتعارف عليها في الشارع المصري هاتفضل من وجهة نظر الرجال مبتعرفش تسوووووووووق .
مفيييييييش فايدة :K_crying[1]:
غطيني وصوتي ياصفية :K_crying[1]:
والسلام عليكم ورحمة الله وبركاته :k10:

**ASKAFRAWY** · 18-02-2009 05:17 PM

المشاركة الأصلية كتبت بواسطة د./اليشع ثابت

صباح الجمال يا حبيب قلبى يا هندسة

بس على فكرة مش كل الرجالة و لا كل الستات

صدقنى فية سيدات عفاريت فى السواقة

العملية بالتعود و الممارسة للاتنين

دى الحقيقة ما برضة فية رجالة بتعجن

بمناسبة العفاريت انا كنت راجع مرة من القاهرة وطول الطريق اللى كانت بتشد معايا واحدة بنت!قصدى عفريتة وكانت سايقة عربية getz وفاتحة على 160 ولا هاممها وللاسف احنا الاثنين اتمسكنا رادار والحمد لله!
فيه بنات قلبها جامد فى السواقة!!الموضوع مش فراجل وست الموضوع بيعرفوا يسوقوا ولا لا!

**ASKAFRAWY** · 18-02-2009 05:23 PM

المشاركة الأصلية كتبت بواسطة R A N A

سواقة الستات والبنات كلاكيت للمرة الألف

هي الناس مبتزهقش ؟

مبتملش؟

مبتيأسش؟

طب مبتتعبش طيب؟

كل شهرين نفس الموضوع ونفس الردود

ونفس الشتيمة ونفس النسب المئوية اللي لم يقرها أي جهة بحثية ميدانية رسمية أصلا مجرد نسب شخصية اختراعية من تجارب شخصية (منها تراكمية من ايام زمان ممكن يكون عدى عليها 20 سنة مثلا ولم يتم تحديثها ومعظمها مع سيدات لسة بيتعلموا السواقة وفي بداية سواقتهم اساساً) :K14:

مع إن اي حد مبتدئ سواقة سواء راجل أو ست بتبقي سواقته زفت محدش كان بيسوق وهو لسة في اللفة يعني

ونفس العقد النفسية (اللي عند بعض الرجال من أي شئ يتعلق بالأنثى

) اللي بتطلع في النص واللي مالهاش علاقة بالسواقة بس اهو

بس الصراحة انا ماليش نفس اتكلم في الموضوع ده تاني لإني تعبت والله

من حوار ستات ورجالة وولاد وبنات وطفل وطفلة وقط وقطة ونمول ونملة ده

طول مالستات مش بيسوقوا سواقة البلطجة المتعارف عليها في الشارع المصري هاتفضل من وجهة نظر الرجال مبتعرفش تسوووووووووق

.
مفيييييييش فايدة :K_crying[1]:
غطيني وصوتي ياصفية :K_crying[1]:
والسلام عليكم ورحمة الله وبركاته

:k10:

يا فندم السواقة بقت قلة ادب!دلوات مفيش فرق بين راجل وست!
لان دلواتى مش زى من 20 سنة!!مفيش هجوم ولا حاجة!بالعكس دة لو اتعملت احصائية هتلاقى ان عدد النساء يفوق الرجال بكثير!!
ومش لازم تتعبى صفية معاكى الموضوع مش مستاهل!!

**R A N A** · 18-02-2009 06:25 PM

المشاركة الأصلية كتبت بواسطة ASKAFRAWY

يا فندم السواقة بقت قلة ادب!دلوات مفيش فرق بين راجل وست!
لان دلواتى مش زى من 20 سنة!!مفيش هجوم ولا حاجة!بالعكس دة لو اتعملت احصائية هتلاقى ان عدد النساء يفوق الرجال بكثير!!
ومش لازم تتعبى صفية معاكى الموضوع مش مستاهل!!

اوك كده أحنا متفقين إن قلة الأدب والسواقة المتخلفة لا تخص جنس بعينه يعني مش معني إنها ست تبقي لازما وحتما ولابد مبتعرفش تسوق ومش معني إنه راجل يبقي حريف سواقة وشوماخر عصره وأوانه
بس أنا قصدت من 20 سنة (دي طبعا صيغة مبالغة يعني) بس أقصد مكنش في ستات كتيرة بتسوق إلا ستات كبار وفقدوا الأمل في الحياة من بدري وماشيين براحتهم بقي ويعملوا اللي في مزاجهم وواثقين تماما إن الرجالة مش هاينزلوا يتخانقوا ويفرجوا عليهم الشارع أو يحاولوا يعقبوهم بإنهم يزنقوا عليهم عشان يلبسوهم في سور كوبري( وحصلت معايا علي فكرة من راجل) وكمان ممكن يكونوا في بداية تعليمهم للسواقة يعني منجيش نقارن بنت مبقالهاش شهر بتسوق براجل بيسوق من وهو في أولي إعدادي يعني برده لازم يكون في عدل مش كده برده؟

المشاركة الأصلية كتبت بواسطة karimone

انا معاكي في ان الموضوع بقي مكرر...

هو كان مفروض عنوان الموضوع يبقي الستات مش بيعرفوا يسوقوا علشان الناس ترتاح...

والله عندك حق

ممكن كمان يعملوا استيكر مكتوب عليه (إحترس اللي سايقة واحدة ست طبعا عشان هي ست يبقي مبتعرفش تسوق) وتتلزق على زجاج كل سيارة تملكها واحدة ست عشان الناس تستريح بقي

المشاركة الأصلية كتبت بواسطة دينا أبوالعلا

يا روني يا حبيبتي عشان خاطري متزعليش نفسك الموضوع بسيط جدا
كل واحد حر وهما مصممين براحتهم وزي ماقال كريم الموضوع اسمه الستا مبتعرفش تسوق
احنا مبنعرفش نسوق اوك هتعملو ايه بقي ايه المطلوب مننا يعني دلوقتي ؟؟؟؟؟؟؟؟؟؟؟؟؟
قوللنا ايه المطلوب مننا عشان منعملوش :k10::k10::k10:
واهلا بيكو معانا فالشارع لغاية مانعمل شوارع لينا لوحدنا

يادينا ياحبيبتي مين قال اني زعلانة
خالص بالعكس
Absolutely

ياريت كل راجل يشوف ست سايقة يبعد عنها تماما بجد
أهو علي الاقل هانشي في الشارع لوحدنا ونعيش بقي نعيش

عارفة أنا نفسي يطلعوا قانون يمنع كل الرجالة إنها تركب مواصلات ويخلي كل الموصالات للسيدات فقط ويدي كل الرجالة في مصر عربيات ملاكي ويمنع السيدات من السواقة ويكون كل اللي بيسوق رجال فقط
ويورونا بقي مشاكل الشارع كلها هاتتحل والسواقة هاتبقي قشطة ولا هاتكون مذابح رجالية فقط بدلا من مذابح مشتركة

**نور القمر** · 18-02-2009 06:32 PM

بنعرف ولا مش بنعرف ده واقع ومفيش غير التعايش معاه

**دينا أبوالعلا** · 18-02-2009 06:35 PM

المشاركة الأصلية كتبت بواسطة R A N A

عارفة أنا نفسي يطلعوا قانون يمنع كل الرجالة إنها تركب مواصلات ويخلي كل الموصالات للسيدات فقط ويدي كل الرجالة في مصر عربيات ملاكي ويمنع السيدات من السواقة ويكون كل اللي بيسوق رجال فقط
ويورونا بقي مشاكل الشارع كلها هاتتحل والسواقة هاتبقي قشطة ولا هاتكون مذابح رجالية فقط بدلا من مذابح مشتركة

لا لا خليهم هما فالمواصلات ونسوق احنا كفايانا بهدلة مواصلات بقي

**ASKAFRAWY** · 18-02-2009 11:14 PM

[QUOTE=R A N A;666261]اوك كده أحنا متفقين إن قلة الأدب والسواقة المتخلفة لا تخص جنس بعينه يعني مش معني إنها ست تبقي لازما وحتما ولابد مبتعرفش تسوق ومش معني إنه راجل يبقي حريف سواقة وشوماخر عصره وأوانه
بس أنا قصدت من 20 سنة (دي طبعا صيغة مبالغة يعني) بس أقصد مكنش في ستات كتيرة بتسوق إلا ستات كبار وفقدوا الأمل في الحياة من بدري وماشيين براحتهم بقي ويعملوا اللي في مزاجهم وواثقين تماما إن الرجالة مش هاينزلوا يتخانقوا ويفرجوا عليهم الشارع أو يحاولوا يعقبوهم بإنهم يزنقوا عليهم عشان يلبسوهم في سور كوبري( وحصلت معايا علي فكرة من راجل) وكمان ممكن يكونوا في بداية تعليمهم للسواقة يعني منجيش نقارن بنت مبقالهاش شهر بتسوق براجل بيسوق من وهو في أولي إعدادي يعني برده لازم يكون في عدل مش كده برده؟

دة اكيد!وبعدين فيه ستات بتسوق باحتراف!وحصلت معايا مرة وان راجع من القاهرة!بجد واحدة محترفة سواقة!يعنى هى كمان كانت بتسوق وهى فى اعدادى!واعتقد ان موضوع مين بيسوق احسن دة ملوش صلة براجل وست!لان سواقة السيدات لازم تكون بهدوء وحرص لان بيبقى معاها اولادها وقطعا بتخاف عليهم!!الحل ان المستعجل يبعد!ولا ايه؟؟

**ASKAFRAWY** · 18-02-2009 11:19 PM

المشاركة الأصلية كتبت بواسطة دينا أبوالعلا

لا لا خليهم هما فالمواصلات ونسوق احنا كفايانا بهدلة مواصلات بقي

على فكرة موضوع الراجل والست فى السواقة دة مش موجود غير فمصر!!يعنى اعلى معدلات حوادث بتكون من سواقة الرجال!!مش شرط يكون الشارع مخصص لسواقة السيدات!!هى لازم الناس تحترم بعضعها شوية!!الموضوع ممكن يكون ازاى تتعامل مع السيدات البتسوق!!

-

مشاهدة نتائج الإستطلاع: هل السيدات بيعرفوا يسوقوا ؟

الموضوع: هل السيدات فى مصر بيعرفوا يسوقوا!؟؟

LinkBack

أدوات الموضوع

عرض

-

-

-

-

-

المواضيع المتشابهه

رسم على الارض بس واقعي لدرجة كبيرة و تحدي للي بيعرفوا يرسموا

سؤال للي بيعرفوا يغيروا بوجوهات عربياتهم

لية الستات مينفعش يسوقوا عربيات ؟؟؟

بتقولوا ان ستات مصر مبيعرفوش يسوقوا ..طب شوفوا

الكلمات الدلالية لهذا الموضوع

المفضلات

المفضلات

ضوابط المشاركة