الموضوع: هل السيدات فى مصر بيعرفوا يسوقوا!؟؟

الستات
الرجالة الكبار (العواجيز)
سواقين الميكروباص
النص النقل
التاكسي (محمل أو فاضي )
العربيات اللي عليها نمر سياحة او ليموزين
ابعد عن كل دول وتوقع منهم الغلط اللي مايجيش على بال حد ابداً
وعامة منظر العربية الى حد كبير بيعبر عن أسلوب اللي سايقها
مثلا يعني عربية ماشية ومرايتها الجانبية مقفولة او مكسورة - بديهي انها تنزل على حارتك من غير مايكون شايف- واللي تفكيره وصل بيه انه يمشي من غير مايكون كاشف طريقه كويس بالمرايات ممكن تفكيره يوصل بيه انه يعمل خزعبلات وشعوذة في سواقته مالهاش علاقة بالفن والذوق والأخلاق
نيجي بقى للستات
طبعا البنات هتزعل بس المشكلة ان نسبة الغلط في البنات عالية اوي ومفيش طريقة واحدة تنفس بيها عن غضبك من موقف من واحدة سايقة عربية ولازم تكبت في نفسك والحمد لله بقى في حاجة زي نايل موتورز الواحد يفضفض فيا ويشوف هو بس اللي كدة ولا البلد كلها
وفعلا بيعملوا حاجات برة نطاق العقل والمنطق تماما ومالهاش دعوة بالسواقة ولاقواعدها
زي مثلا التقاطع او لو واحدة جاية عكس في وشك ودخلت الشارع بعد منك يعني المفروض هي اللي تستنى في أول الشارع وماتدخلشي بس ساعتها البنت او الست اللي سايقة بتعتبر نفسها داخلة السانسير وان الجنتل مان اللي جاي في وشها يستناها تعدي الأول وبغض النظر بقى عن اي اعتبارات تانية من سرعة واتجاه ومين اللي ماشي رئيسي ومين الفرعي ومين داخل شارع من أوله صح ومين اللي داخله عكس
-واحدة بترجع في شارع الثورة في الحارة الوسط عشان تدخل من فتحة فاتت والعربيات عمالة تعدي من اليمين والشمال - طب ياريتها ترجع وتنجز !!لأ !! واقفة مش عارف مستنية ايه !!وجايبة مرشدير
-واحدة واقفة في التقاطع وعمالة تسرح شعرها بايدها ونسيت التقاطع واللي وقفلها تعدي واللي وراها يزمر!!!الله يعني تمشي منعكشة؟؟؟
-اشارة في الكوربة واقفين فيها وكلة تمام وأول الاشارة مافتحت النوبيرا اللي قدامي راحت راجعة لورا وطاخ في وش عربيتي
واللي يعيش في شوارع القاهرة ياما يشوف ولسة طول مالرخص بتطلع بالواسطة واذا مافيش واسطة بيكون في امتحان اهبل