انهرده كنت ماشي فشارع جنب القصر العيني وطبعا بما إني مش عارف الطريق كويس سألت عسكري مرور واقف عالطريق قاللي بص يا بيه خد يمين فيمين وبعدين شمال المهم دخلت اول يمين فل جيت دخلت تاني يمين وبعد ممشيت حوالي 50 متر من الشارع لقيت لجنه فوقفت فيها بسأل الظابط عن الطريق لقيته بيقولي طب الرخص الاول بعد إذنك.. المهم اديتله الرخص وسألته عن الطريق وجيت ماشي بقي بقولو هات الرخص عشان امشي قاللي لا حضرتك حتقعد معانا شويه قلتله خير قاللي انت ماشي عكس اتجاه

المهم سمعت الكلمه دي اتعفرتت نزلتله قلتله انا اهو وانت اهو وان ورتني اشاره واحده علي مدخل الشارع تفيد انو عكس اتجاه حسيبلك العربيه بالرخص واكتبلك تنازل عنها كمان

المهم قاللي اهو يباشا بص علي الاسهم اللي في الارض وانت تعرف قلتلو يعم هوا انا حمشي ابص عالارض المهم قلتله بقولك ايه شوفلي حل وخلصني عاوز امشي قاللي طب اركنلي علي جنب شمال كدا وانا حجيلك

المهم طلعت وركنت جالي البيه بيقولي يباشا مش حينفع الظابط شاف الرخص ولازم اجي معاك عالقسم واسلمك هناك وتتعرض عالنيابه الصبح وتبات 4 ايام لحد مش عارف ايه كدا تخش جلسه وحوارات

قلتلو يعم م الاخر تاخد كام وتمشيني قالي يباشا الي تجيبو كلك نظر طلعتلو عشرينايه قاللي متنفعش يباشا قلتلو اخلص عاوز كام قالي خمسين المهم رمتهمله وخدت الرخص ومشيت

نصيحه يجماعه اي حد داخل شارع بعد كدا فشوارع مصر المحروسه يبص عالارض وهوا داخل ويسلام لو يركن العربيه ويروح لاقرب عسكري مرور يسأله او يشيل معاه فالعربيه رزمه فلوس خمسينات