الموضوع: اتمسكت سير عكس الاتجـاه !!!

المشاركة الأصلية كتبت بواسطة M.Osama

المهم قاللي اهو يباشا بص علي الاسهم اللي في الارض وانت تعرف قلتلو يعم هوا انا حمشي ابص عالارض

طبعا معاه حق لازم تبص على الارض
ماهو نص اشارات المرور بتبقي مكتوبة على الارض
الخطوط البيضاء والصفرا والمتقطع والمتصل بيبقوا على الارض
اماكن تعدية المشاة على الارض
علامات المعوقين على الارض
انا مرة نازل من كوبري وقدامي واحد مديني اشارة وعايز يرمي عليا قمت كبست علية ومعدتوش فتح الازاز لما جاورني وبيزعقلي بيقولي مديك اشارة بتكبس ليه
قولتلة طالما بتحترم الاشارات الخط الابيض المتصل في الارض بيقولك ممنوع الانتقال من الحارة اللي انت فيها
تنح شوية وبعدين اتحرج ومشي

ماحنا لو عارفين اشارات المرور كويس مش هانخلي الناس دي تشتغلنا
طبعا مش بتكلم عن الشوارع اللي ماعليهاش يفط ولا فيها تخطيط على الارض
بس بتكلم عن الواضح واحنا مش فاهمينة

حصل معايا من كام يوم في عبد المنعم رياض , كنت نازل من كوبري اكتوبر و طلعت يمين على الكورنيش و كنت عايز ادخل شمال و اطلع على المعادي
مش عارف فيه يافطة هناك و انا مسطول و ما شفتهاش , ولا مافيش , دي كانت اول مرة اروح هناك بعربية اصلا
المهم انا طلع لقيت فتحة قدامي , و الاشارة بتاعة الكورنيش قفلت , فقطعت الطريق و داخل في الفتحة دي لقيت نفسي اتحاصرت امناء شرطة , فيه ايه يا اخواننا لقيتهم بيقولوا لي انت داخل عكسي

واحد منهم طلب يركب , قلت له اركب , ركب و قال لي لف و خد اليو ترن , لفيت و خدت اليو ترن , جم يوقفونا الناحية التانية بس هو شاور لهم خلاهم عدونا

و بدأ يدور اسطوانة غرامة العكسي ألف جنيه و احنا مش بنحب نئذي حد و ده واجب مش بنعمله مع اي حد , و لينا فيها نسبة و بتاع

و ما رضيش ياخد اقل من 50 جنيه , و اديتهم له
بس كده

المشاركة الأصلية كتبت بواسطة فادى

موضوع الرشاوى انعكاس طبيعى لفساد قانون المرور,
الضابط أو الأمين بصراحة انا هحترموا اكتر لو خد قرشين عن لو جرجر واحد محترم على القسم لمجرد انو مشى عكسى.
القانون بشكله الحالى لا يقبل التنفيذ الا لو ضابط مريض نفسيا و عنده امراض سيكوباتية و من هواة الانتقام من المجتمع,
لذا, فحتى ينصلح حال المرور, أبشركم أن الرشاوى مستمرة,
فهى تحقق مصلحة طبيعية للشرطى تعوض مرتبه المتدنى و طبيعته البشرية التى تتعاطف مع "المتهم الأثيم",
و "المتهم" طبعا أفضل له أن يدفع بعض المال, عن أن يقضى ليلته فى التخشيبة!

اولا مفيش حد محترم بيمشي عكس الاتجه متعمد
و لازم الكل يحترم قواعد المرور الموجودة بحذافيرها وقانون المرور حفاظا علي ارواحنا وارواح الاخرين
والا حنبقي شعب مجرم ومتخلف وهمجي
اللي بيمشي عكس الاتجاه يعرض حياته وحياة الاخرين للخطر الشديد بتصرف غير مسؤول وفوضوي
وده علشان يوفر كام قرش او شوية وقت

اللي بيمشي متعمد عكس الاتجاه لمجرد التوفير شخص مهمل ومتهور وارعن
ويستثني من ذلك حالات الضرورة القصوي التي يكون فيها ارواح الناس وممتلكاتهم علي المحك
انا عن نفيس لا اري العقوبة المالية مناسبة للسير عكس الاتجاه
لان معني كده اللي معاه فلوس يمشي زي ما هو عايز
العقوبة المثلي الي جانب الغرامة سحب ترخيص القيادة الشخصي لمدد تصاعدية تبدا باسبوع ثم شهر ثم 3 شهور ثم سنة ثم سحب نهائي علشان نرتاح منه بشرط عدم تكرارها اكثر من مرة خلال العام والا يتم تطبيق العقوبة القصوي (السحب النهائي للرخصة) عند تكرارها للمرة الثانية خلال 12 شهر
اما الحبس فانا ضده علي طول الخط
ولكني احترم وجه نظر الذين يقرونه باعتباره عقوبة رادعة فعلا

سيدي الفاضل بدلا من ان تروج للمرتشين وتلتمس لهم العذر العن معنا الفساد ومن يغذيه واولي بك ان تدين السير عكس الاتجاه
الموضوع الحالي لرجل اخطا دون قصد منه بل انه تم تضليله لذا فهو استثناء ولم يكن هنا راشيا طواعية منه بل اجبر عليها كما اجبر علي الخطا

وتذكر دوما انك قد تفقد ممتلكاتك او حتي حياتك او حياة عزيز لديك لا قدر الله نتيجة تهور شخص ارعن غير مسؤل بسيره عكس الاتجه
فما سيكون شعورك ان اتي يعتذر لك مبررا موقفه بانه كان متعجل او ان الملف بعيد!!!


تقبل تحياتي