هى دى مصر بلادنا ..صدقونى مش وحشة احنا اللى وحشين ..احنا اللى بنعمل كدة فبعضينا..احنا اللى بنفترى على بعض ..احنا اللى بنقسى على بعض ..احنا اللى مش بنرحم بعض..احنا اللى واللى واللى .........مصر جميلة بس نغير انفسنا واحنا حنبقى فمنتهى السعادة ..انا عاوز اقولكو موقف بسيط حصل لواحد جارى مع الشرطة عشان تعرفو بس اننا بقينا فزمن الفلوس كل حاجة بالفلوس حتى البنى ادم بيتباع بالفلوس..كان مرة جارى ماشى فالموسكى ولقى شنطة مرمية على الارض من غير صاحب اخد الشنطة وفضل يسال على اى حد ضايع منة شنطة ملاقش صاحبها ..المهم اخد الشنطة وروح وقال اما افتحها يمكن الاقى تليفون او عنوان لصاحبها ..بيبص فالشنطة لقى فيها فلوس ومش مبلغ قليل..تخيلو 67000 جنية ..طبعا اول حاجة فكر فيها هو صاحب الشنطة ..معرفش يوصلة .. راح جارى على القسم الشرطة عشان يبلغ عن الشنطة وياخد المكفاءة اللى الحكومة عاملاها وهى 10% من قيمة المبلغ ..تخيلو يا سادة يا كرام كان جزاءة اية؟؟ اضرب علقة محترمة واخدو منة الشنطة ومشوة..طبعا الظابط هو اللى اخدها ودة مليون فالماية لان الضرب كان بتعليمات منة وفالاخر رموة فالشارع ..هى دى مصر البيت بيتك