الموضوع: اتمسكت سير عكس الاتجـاه !!!

انت تحمد ربنا على ان الموضوع خلص على كده
المرور الأيام دى بقى غبى مش عيب ان الواحد لما يغلط يتحاسب بس لما يكون غلطان عن عمد يعنى مافيش يافطه ولا عسكرى على أول الشارع ولا غيره وتتحبس كمان مع النشالين والحراميه والله العظيم دى اهاااااااااااااااااانه
انا حصل معايا موقف زى ده بالضبط كنت ماشى فى باب اللوق والمهم كنت عاوز ادخل الباركينج اللى هناك بس عديت المدخل بتاعه قلت عادى اول شارع يمين فى يمين ارجع تانى وده اللى حصل دخلت اليمين الأول وبعد كده لقيت شارع جانبى دخلت فيه بس مش عارف وأنا فى نصه حسيت ان العربيات كلها راكنه عكس اتجاهى المهم كملت على اول الشارع لقيت امين شرطه قالى رايح فين قلتله داخل البارك قالى لا مش مهم دلوقتى هات الرخص قلتله ليه قالى السير عكس الإتجاه قلتله مافيش يافطه على اول الشارع قاللى فيه قلتله طيب فين الضابط انت ماينفعش تسحب منى الرخص قاللى موجود هات الرخص وانا هاوديك له المهم طلعت المحفظه وطلعت له 20 جنيه قالى كل سنه وانت طيب وراح موقفلى الطريق علشان أدخل البارك
المهم وقفت العربيه ورحت راجع مشى علشان اشوف اليافطه بتاعه ممنوع الدخول لأن انا متأكد ان مافيش يافطه ولا غيره المهم فعلا مش لقيت حاجه بس لقيت عمود مستخبى فى وسط شجره قعدت أدور حواليه علشان احاول اقرا اليافطه لقيتها ممنوع الدخول يا سلام .....شفتوا الهنا اللى احنا فيه وعماااااااااااااااااااااا ااااااااااااااااااااااااا ااااااااااااااااااااااااا اااااااااار يا مصر
طيب لو كان اللى واقف على اخر الشارع ده ضابط واتعمللى محضر كان هيكون ايه الحل بقه أقولهم احبسوا الشجره ولا أقولهم ايه
وهى دى ام الدنيا

المشاركة الأصلية كتبت بواسطة mo7a_mo7a

وازاي الضابط رضي يديك الرخص؟
هم بيقسموا مع بعض؟


لك الله يا مصر
بعد كده خد بالك
لان الموضوع جد مش هزار
وكويس انها جت علي قد كده

انا حاسس فعلا انهم بيقسموا مع بعض

لان الظابط اللي وقفني الاول وبعدين سابني لأمين الشرطه

المشاركة الأصلية كتبت بواسطة dr_darsh

انت تحمد ربنا على ان الموضوع خلص على كده
المرور الأيام دى بقى غبى مش عيب ان الواحد لما يغلط يتحاسب بس لما يكون غلطان عن عمد يعنى مافيش يافطه ولا عسكرى على أول الشارع ولا غيره وتتحبس كمان مع النشالين والحراميه والله العظيم دى اهاااااااااااااااااانه
انا حصل معايا موقف زى ده بالضبط كنت ماشى فى باب اللوق والمهم كنت عاوز ادخل الباركينج اللى هناك بس عديت المدخل بتاعه قلت عادى اول شارع يمين فى يمين ارجع تانى وده اللى حصل دخلت اليمين الأول وبعد كده لقيت شارع جانبى دخلت فيه بس مش عارف وأنا فى نصه حسيت ان العربيات كلها راكنه عكس اتجاهى المهم كملت على اول الشارع لقيت امين شرطه قالى رايح فين قلتله داخل البارك قالى لا مش مهم دلوقتى هات الرخص قلتله ليه قالى السير عكس الإتجاه قلتله مافيش يافطه على اول الشارع قاللى فيه قلتله طيب فين الضابط انت ماينفعش تسحب منى الرخص قاللى موجود هات الرخص وانا هاوديك له المهم طلعت المحفظه وطلعت له 20 جنيه قالى كل سنه وانت طيب وراح موقفلى الطريق علشان أدخل البارك
المهم وقفت العربيه ورحت راجع مشى علشان اشوف اليافطه بتاعه ممنوع الدخول لأن انا متأكد ان مافيش يافطه ولا غيره المهم فعلا مش لقيت حاجه بس لقيت عمود مستخبى فى وسط شجره قعدت أدور حواليه علشان احاول اقرا اليافطه لقيتها ممنوع الدخول يا سلام .....شفتوا الهنا اللى احنا فيه وعماااااااااااااااااااااا ااااااااااااااااااااااااا ااااااااااااااااااااااااا اااااااااار يا مصر
طيب لو كان اللى واقف على اخر الشارع ده ضابط واتعمللى محضر كان هيكون ايه الحل بقه أقولهم احبسوا الشجره ولا أقولهم ايه
وهى دى ام الدنيا

بيتهيألي انا كنت فالطريق بتاع باب اللوق برده ونفس مدخل الشارع برده تقريبا لان اليافطه كانت بين شجره بس انا قالي في خطوط علي الارض

ربنا يسترها معانا
اكيد بيقسومها مع بعض
الظابط 30 والامين 20

اخر مرة وانا مسحوبة رخصتى على البحر
وقفت ادردش مع سواق الونش وقلت ليه الظباط دول بيقسموا وبتاع معاكم
المهم طلع زبون وقالى لا طبعا دول ولاد ناس
بس يعنى ممكن امين الشرطة يجبله غداء كباب او اكلة سمك محترمة

يعنى مستحيل يأخد من الامين او العسكرى فلوس


ولاد ناس يأكلوا من فلوس الرشاوى
ونعم جهاز الشرطة يا مصر