ماهي اضرار الحك بسبب المطبات

**moudy88** · 10-02-2009 04:31 AM

انا عايز اعرف ايه هي اضرار الحك في المطبات والاجزاء المرتفعه في الارض وايه اقصى حاجه ممكن تحصل لاقدر الله ...لان عربيتي النوبيرا اللي هتجنني بسبب قربها من الارض ولاني دائما محملها وتقريبا انا اكتر واحد في مصر بيحك في المطبات لاني مش متعود على العربيات الواطيه...من يومين كنت في فيصل(وطبعا انتوا عارفين شوارع فيصل عامله ازاي) كنت محمل العربيه وكحت في 4 مطبات ..لحد كده عادي ودائما بيحصلي ...لكن اللي مش عادي اني كنت ماشي في شارع مدشدش ومش متسفلت وعديت على حته عاليه شوية وكنت فاكر انها زي اي عربيه هتعدي عادي ..لكن المفاجاه ان العربيه اتكحتت من اولها لاخرها والصوت كان رهيب ..انا دلوقت مرعوب وخايف ليكون في حاجه حصلت من تحت...ياريت حد يفيدني واسف للرغي بتاعي.....

**Abdo_Eldesokey** · 10-02-2009 04:54 AM

على حسب معلوماتي الضحية الأولى هو الشكمان وللأسف مش رخيص في العربيات الجديدة

وطبعا ً الاعتاب والاكصدامات من تحت

ولو الخبطة جامدة أوي ممكن تأثر على كارتيرة الزيت أو تانك البنزيك أو أرضية الصالون ، لكن معظم العربيات بتكون متأمنة كويس في المناطق الحساسة دي

**samirayad** · 10-02-2009 07:14 AM

أكشف عليها من تحت كويس...حتلاقى مكان الحكه باين.......وممكن تكون حكيت فقط فى مبة(عين أو عروة) حبل القطر الخلفى فقط وحيبان بالكشف

**zeka127** · 10-02-2009 10:28 AM

لو صوت العربيه متغيرش ومفيش زيت او بنزين واقع تحتها بعد متركنها ومفيش اى تغيير يعنى فى العربيه. اعتقد انها كده تبقى جت سليمه ومفيش حاجه حصلت...

**morabet79** · 10-02-2009 02:41 PM

اخويا في العيد اكل مطب وماسورة الشكمان إلي داخله في العلبة الشكمان حل فيها ثقب بسيط واتلحم ب 5 جنيه

**moudy88** · 10-02-2009 04:15 PM

شكرا علي كل الردود من كل الاعضاء المحترمين...مفيش زيت او بنزين تحت العربيه ومش حاسس بفرق في العربيه...بس خايف ليكون فيه حاجه حصلت ومش باينه

**amir** · 10-02-2009 04:23 PM

المشاركة الأصلية كتبت بواسطة moudy88

شكرا علي كل الردود من كل الاعضاء المحترمين...مفيش زيت او بنزين تحت العربيه ومش حاسس بفرق في العربيه...بس خايف ليكون فيه حاجه حصلت ومش باينه

احتياطي روح اي بنزينه و خليهم يرفعو العربيه و يبصو تحتها

حصلتلي قبل كده بالفيليشيا في الشروق مشيت علي بلاعه عاليه بالراحه علشان كنت بدور علي حد اسئله عن العنوان
المهم كانت حكه بايخه قوي بس الحمد لله مجرد خدوش في كارتيره الزيت من غير اي اضرار بس اطمنت لما رفعتها و بصيت تحتها بنفسي