تعمل أيه لو عربية شرطة زنقت عليك ؟؟؟

**MoToRiZeR** · 12-02-2009 02:28 AM

انا قبل كدة شديت مع عربية دورية عالدائري

**wardet** · 12-02-2009 03:13 AM

المشاركة الأصلية كتبت بواسطة SOBKY

صح الصح كمان .

و انا لو مكانك كنت عملت كده.
وساعتها كنت برده هاقول ... اللي يحصل يحصل.
بجد تصرفاتهم تخنق كانهم ورثوا البلد.

و صحيح .. عظيمة يا مصر يا ارض اللوا ..

انا ارفض تماماًَ المنطق دا
مش هقول الكلام اللى المفروض حفظناه ان كل مكان فيه الكويس وفيه الوحش وفيه اللى بيتعامل باحترام وفيه اللى بيتعامل بتعالى
بس اعتقد ان حتى لو عربية ملاكى او تاكسي ممكن يعمل الحركة دا
يعنى عمر ما حد زنق عليك او رخم عليك او عمل اى حركة تدايقك؟؟؟؟؟
انت ليه حصرت كل اصحاب التصرفات دى فى الشرطة؟؟
انا لو مكانه اه مش هعديه بس مش عشان عربية شرطة
لأ لأنى مبحبش اللى يتغاشم فى السواقه
سواء كان اجره او ملاكى او شرطة او هيئة دبلوماسية حتى

**MohaMed_Refaat** · 12-02-2009 04:52 AM

طالما انت على صواب يبقى معاك كل الحق فى انك تحصل على كامل حقك فى استخدام الطريق والمرور اولا وكل شئ
وعربية الشرطة زيها زى غيرها من العربيات انا عن نفسى موش بميزهم ابدا عن اى عربية ولو وقف قدامى موش بسكتلة وبزمرلة

انا من اسبوع كدة ونش من مرور طنطا انا كنت راكن يمين الطريق ولما جيت طالع على الشمال وبعد مخت طريقى هو جة من شمالى عايز يخش قدامى موش دخلتة وقفلت علية لانة عايز يحشر نفسة ومقدرش يعمل حاجة وكان فية امين وعسكرى سايق .

**pro_samir** · 12-02-2009 07:42 AM

دى اسمها تناحة حكومية

ورد فعلك طبيعى

ساعات مثلا تلاقى واحد من بتوع المرور عمال يتمشى فى وسط الشارع ببطئ زى ميكون بيتمشى فى عزبة والدة

مش عايز اقولك بعمل فيهم اية يعنى

ولسة عاملها فى واحد امبارح والله مديتهوش كلاكس اصلا سيادتة بيعدى الشارع براحتة خالص بيتمشى ومش باصص اساسا يشوف فى عربيات جاية ولا لأ

بص لاقانى فى وشة جرى زى الـ***

**powerofhelll** · 13-02-2009 04:22 AM

انا لو مكانك كنت عملت كده مع العلم ان التصرف خاطئ 100% لان انت متعرف هما وراهم ايه بس الصح ان الواحد يصبر و يهدي شويه ولا ايه

**karimone** · 13-02-2009 10:30 PM

انا عن نفسي ياما زنقت عليهم...

**heshaaam** · 14-02-2009 12:03 AM

الحق بقى ده لو مهمة برده متعدهوش عنده مهمة يعمل حسابه والطريق للناس احترام الحقوق لازم حتى لو ضد مصلحة العامة الحق احق ان يتبع

**dr_darsh** · 14-02-2009 12:40 AM

المشاركة الأصلية كتبت بواسطة heshaaam

الحق بقى ده لو مهمة برده متعدهوش عنده مهمة يعمل حسابه والطريق للناس احترام الحقوق لازم حتى لو ضد مصلحة العامة الحق احق ان يتبع

أختلف معك تماما ياباشا
العربيه دى لو رايحه مهمه لازم أعديها هى ليها الأولويه تخيل لو انت اللى كنت فى مشكله ومحتاج الشرطه لاقدر الله هتبقى نفسك الأرض تنشق وتطلع من تحتها العربيه
بس مع الموقف ده رد الفعل بيكون تلقائى وده اللى حصل مش ينفع نقول أنا غلطان ولا لأ بس انا رأى ان الأفضل ان الواحد يعدى العربيات دى فعلا دى عربيات حكومه يعنى مال سايب ولو خبطك ايه اللى هيجرى هتروح القسم وبعدين عربيتك هتتحجز مع العربيه التانيه لحد ما تتعرض على لجنه فنيه وطبعا مافيش كلام على اللى ممكن يحصل للعربيه وقتها
وعماااااااااااااااااااااا ااااااااااااااااااااااااا ااار يامصر