الموضوع: ليه شاهين ؟؟ { موضوع للمناقشة }

المشاركة الأصلية كتبت بواسطة amrbakly

...
و عندي سؤال للناس اللي لسة بتشتريها زيرو

هل بتحسوا و أنتم راكبينها بفرحة الزيرو؟؟؟

بصراحة أيوة حسيت بفرحة الزيرو. لكن للصراحة انا ركبتها زيرو بعد عربية 125 كانت معانا برضو من وهية زيرو و كانت موديل 81 و الكلام ده كان سنة 97 و ده برضوا بالرغم من انها رشت سقف في صيانة اول الف لأنه كان فيه برومة (صدى) في سقفها و اترش تبع الضمان.

ههههههههههه هو دة الي بقول علية من زمان يا استاذ amrbakly
تغور في ستين داهية الشاهين، طالما حركب عربية كبيرة دي ولا قاعدة ولا راحة ولا اي حاجة الله يحرق الي عمل الصالون الفاشل بتاعها دة
قال زيرو قال

الشاهين حلوة لغاية 35 الف لانها كدا هيتقال عليها عربية موفرة لاكن غير كدا يبقى استهبال هيا وال128 اللى سعرها بيوصل لل 36 الف زيرو لييييييه

المشاركة الأصلية كتبت بواسطة BAZED2006

بسم الله الرحمن الرحيم
الاخ الفاضل كاتب الموضوع الاخوة اللى رادو
اولا احب اوضح نقطة
الشاهين عربية عملية 10000 %واللى يقدر يحكم عليها واحد من 2 يا سواق تاكسى يا مندوب مبيعات
ثانيا العربية حاجاتها ببلاش يعنى عندك مثلا وش الفانوس الامامى 12 جنية بالتركيب الخلفى 15جنية التركى الاصلى تيل الفرامل 25جنية سلك الدبرياج 15جنية المرايات الجانبية ب60جنية البومبية اكرة ازاز ب3.5 بس ياترى لو معاك دايو هتجيب الحاجة بكام الفانوس الامامى 250جنية الخلفى 175 المرايات الجانبية 300 استيراد تيل فرامل ب65
بس فى حاجة انا معاك ان العربية الدايو كورى ومش عارف اية انا بحترمها بس انى عربية بتستحمل كلنا ممكن نتخبط وابسط حاجة الفانوس يتكسر وكل شى مصيب بس الشاهين عربية 100 100 انا معايا شاهين 2002slبرضوا معاك التكيف مش قد كدة بس توفير فى البنزين وفى كل حاجة وانا رايى انها عربية ممتازة

اسف على الاطالة
تقبلوا تحياتى

شكرا ليك على المشاركة والرأي

المشاركة الأصلية كتبت بواسطة amrbakly

طيب خليني اقولكم علي كلام سواق تاكسي و بالصدفة كان من أسبوع

غير من شاهين لفيرنا

الراجل من بقة، عربية بنت كلب رزلة للأسباب التالية

عربية خشنة و قطمت ضهرة و صحتة تعبت من دبرياجها
بتحرق قطع غيار قد كدة و رغم أنها رخيصة لكنها بتسحب قطار غيار كتير خلتة يحس ان الفيرنا ارخص

مبتمسكش سعرها خالص زي ما الناس متخيلة و تحديدا لو أنت جايب موديل قريب منها
---------------
راي انا بقي، تغور في ستين داهية الشاهين، طالما حركب عربية كبيرة عليا النعمة أنا اركب مرسيدس موديل 82 او 84 أخر الخنزيرة بتمنها، و اسمي راكب مرسيدس و عربية فظيعة، و بالسبعين ألف حيجب حالة فظيعة في المرسيدس

و عندي سؤال للناس اللي لسة بتشتريها زيرو

هل بتحسوا و أنتم راكبينها بفرحة الزيرو؟؟؟

بص هاجاوب على كلامك حاجة حاجة
بص على العربيات الكبالن الجديدة بعد كام سنة من الاستخدام شوف حالتها هاتبقى ايه؟ ولما تيجي تعملها صيانة وعمرة (انجكشن وحساسات وحركات) شوف هاتكلف كام وكل الصنايعية هايفتو فيها والا لأ

قطع الغيار اللي بتبقى معمرة او اصلية فيها شوف بكام (اذا كان بتوع التاكسات بيشتروا اصلي - بيشتروا ارخص واسوأ حاجة اللي تمشّي والسلام)

موضوع انك تركب مرسيدس موديل 82 انت حر في اختيارك بس اصرف ترخيص وبنزين وقطع غيار ناااااااااااااار وانت في الاول وفي الآخر ده - ده خيار اقتصادي!

موضوع فرحة الزيرو اه موجود وبتستمر كتيييييييير بعديها لأنك شاري حاجة عارفها وقاصدها ومقتنع بيها

ونوّرت الموضوع ياباشا

المشاركة الأصلية كتبت بواسطة saidbakr

بصراحة أيوة حسيت بفرحة الزيرو. لكن للصراحة انا ركبتها زيرو بعد عربية 125 كانت معانا برضو من وهية زيرو و كانت موديل 81 و الكلام ده كان سنة 97 و ده برضوا بالرغم من انها رشت سقف في صيانة اول الف لأنه كان فيه برومة (صدى) في سقفها و اترش تبع الضمان.

اهلا بيك ياباشا

المشاركة الأصلية كتبت بواسطة zizophone

ههههههههههه هو دة الي بقول علية من زمان يا استاذ amrbakly
تغور في ستين داهية الشاهين، طالما حركب عربية كبيرة دي ولا قاعدة ولا راحة ولا اي حاجة الله يحرق الي عمل الصالون الفاشل بتاعها دة
قال زيرو قال

منّور ياباشا وانت حر في رأيك بس ماتزّعلش نفسك

المشاركة الأصلية كتبت بواسطة P_R_I_N_C_E

الشاهين حلوة لغاية 35 الف لانها كدا هيتقال عليها عربية موفرة لاكن غير كدا يبقى استهبال هيا وال128 اللى سعرها بيوصل لل 36 الف زيرو لييييييه

المشاركة الأصلية كتبت بواسطة amrbakly

لا هو انت معرفتش ان الـ 128 بقت بأربعين فاضية كمان

36 دة كان من سنة و شوية

و ربنا استعباط
و بصراحة الناس غلطانة فعلا تدفع الفلوس دية في عربيات بالشكل دة

كلام سليم
لأن لو فرضنا ان مكوناتها يعني قطع غيارها رخيصة يبقى لما نجمعهم على بعض يبقى مبلغ قليل يبقوا غاليين كده ليه؟

المشاركة الأصلية كتبت بواسطة alomda1974

شكرا جزيلا وبارك الله فيك يا عاشق الشاهين

عفوا والموضوع نور

----------------------------------------------
يا جماعة الموضوع ده مش لمناقشة مميزات وعيوب احنا المفروض بنناقش امكانيات وتطور
ع العموم نورتوا الموضوع