الموضوع: ليه شاهين ؟؟ { موضوع للمناقشة }

شكرا يا شباب ع المشاركات والردود المشجعة
بس برضه الناس بتتكلم ع العربية
وانا كان نفسي نتكلم عن تاريخ وتطور العربية ومميزات وعيوب الكلام ده
وشكرا مرة تانية ع المشاركة

المشاركة الأصلية كتبت بواسطة samcar

معلش هو لو قطع الغيار متوفره حبقى فرحان لما اغير كل شويه شئ غيرته من كام شهر

طيب ايه قطع الغيار اللي بتحتاج تتغير كتير فيها؟

المشاركة الأصلية كتبت بواسطة samcar

وبعدين انا ما قلتش كلامى من فراغ-
احنا مكتب هندسى كان عندنا 3 عربيات اشتريناهم زيرو بيرحوا سيوه تقريبا مره فى الاسبوع او مرتين -غير مشوار عادى من المكتب لبعض مناطق القاهره
التلت عربيات كانوا شاهين ولانوس وشروكى
بعد سنتين محاسبين المكتب عملوا تحليل اقتصادى لتكلفة المشوار لكل كيلو لكل عربيه - مع اخد التمن الاصلى ومعدل استهلاك قطع الغيار واستهلاك البنزين - وسعر ما بعد الشراء لو حبينا نبيع العربيات فى نفس الوقت

ايه رايك - ان طلعت الشروكى ارخص ورا منها الانوس ورا منها الشاهين
زى ما قلت عربيه حلوه للسعر ده- لكن احسن معروف عملوه فينا انهم وقفوا انتاجها

دراسة حلوة وفكرتها مش بطالة
طيب ممكن تقولنا تفاصيلها باختصار تبقى لذيذة ومفيدة
هل كل ملاك التاكسي بيفكّروا غلط لما بيشتروا شاهين اغلى من العربيات التانية؟ يعني تكلفة التشغيل والصيانة بتاعتها اعلى من اللانوس والشيروكي ؟

المشاركة الأصلية كتبت بواسطة samcar

تحليل البيانات اى محاسب يقدر يعمله - مجرد البيانات عن سعر الشراء والصيانه والبنزين وقراءة العداد .... الخ

التحليل ده اتعمل مش علشان نقول اى عربيه احسن - اتعمل لان المكتب كان بيشوف انسب وقت لبيع العربيات وشرا جديد مع تقليل الخساره اقصد التكلفه
اما موضوع التاكسى فرده من اى سواق تاكسى - زى ما تقاال لى- احنا غيركم يا بيه انت بتغير وتصلح فى عربيتك بفلوس كتير احنا بنقضيها باى حاجه-
طبعا مفهوم المعنى هو عايز عربيه تمشى وخلاص وقطع غيار مضروبه ومصنعيه اى كلم- وتقسط من البنك اللى فرض عليه العربيه اصلا

مره تانيه هى عربيه مش وحشه بس سعر مبالغ فيه جداااااااا

شكرا ليك على ايضاح وجهة نظرك بكلام علمي يُحترم
بس تجربة الاقتناء والاستخدام وشراء قطع الغيار (أنضف حاجة) توضح برضه كلام مش متناسب 100% مع رأي حضراتكم
وانا لي تجربة شخصية من اكتر من 5 سنين مع العربية دي

مرة تانية شكرا ليك

المشاركة الأصلية كتبت بواسطة NoRmAl

اعتقد ان نجاحها هو سعر قطع غيارها فى المقام الاول
بس الى انت بتدفعه فى تمنها عند شرائها هو الى انت بتوفره من قطع غيرها
والحدق يفهم...

مش بالصورة دي صدقني . . . التجربة خير برهان زي ما بيقولو
وشكرا ليك على تشريفك للموضوع

وبرضه خرجنا عن الموضوع الأساسي

ياجماعة شاهين اية ودوجان مين مع احترامى للجميع انا اخى كان معاة عربية شاهين اولادة مابيعرفوش يقعدو ورا خالص وصالون سيء للغاية وعدادات وتبلوة اكثر سوء ونور التابلوة باليل ال128 احلى منة وكل فترة يغير مساعدين(كل دة وتمنها 73 الف وبتتجمع فى مصر كمان المفروض تمنها لايزيد ابدا عن 40 الف ) وكل ما اولادة يقولو لة غيرها يرد هوا يابنى فية صاج زى دة دلوقتى دى زلطة وقطع الغيار موجودة عند البقال والواد بلية بيصلحها ومش لازم امشى على 120 كم وراح دفع 2500 جنية عشان يركب تكييف ولما ركبة وجد انى هوا التكييف مابيكيفش غيرركبتة وركبت المدام (اول مرة اشوف فتحات تكييف عند الركبة ) وفى الاشارة عمال يمسح عرقة وفى جميع الاوقات العيال قاعدة ورا بيهوو بالجرايد وبعد الضغط علية وقلتلة ماتجيب جرار من البلد والعيال يقعدو على الكراسى الى فوق العجل وبرضة الواد بلية حيصلحها بس لما جاب اللانوس قال اية دة حاسس انى اتنقلت نقلة تانية باللرغم من انى الفرق فى السعر مش كبير والعيال مبسوطين بالكنبة والتكييف ولما كلمت اخى انت لية ماغيرتش من زمان بدل ماتدفع 2500 جنية قال لى ماكنتش عايز ابين انى غلطان ولما كنت باركب معاك السيفيا كنت باحس بالفرق بس هى نشوفية دماغ وخلاص اسف للاطالة واحترامى للجميع ومحدش يزعل (الاختلاف فى الرائ لايفسد للود قضية )بالمناسبة عربيتى السفيا موديل 99 حتى الان لم اغيرغير السيور وتيل الفرامل والزيت واسطوانة دبرياج والراجل قال لى الديسك كويس سيبة والحمد لله عامل 190000كم بس دلوقتى عاوز اغير كبالن وكل الصيانة دى باعملها عند ميكانيكى واقف فى الشارع وقطع الغيار باجبها من شارع دمشق ولم اذهب خالص للتوكيل مع اطيب امنياتى وارق تحياتى [/SIZE][/SIZE]