حد يفيدني علي الجراند بونتو

**bishoy02010** · 22-03-2009 04:25 PM

المشاركة الأصلية كتبت بواسطة loodaa

مش عارف هل أأمن على العربية ولا لأ . خصوصا ان مبلغ التأمين 2280 جنيه

لازم من رأشى تأمن على العربية وترتاح انتة فى مصر وعارف إيه اللى ممكن يحصلك بمنتهى البساطة ومش هتحس بالتأمين لاقدر الله لو حصلت حاجة كبيرة هتندم ساعتها انك مأمنتش :)

**bishoy02010** · 22-03-2009 04:26 PM

المشاركة الأصلية كتبت بواسطة loodaa

انا نفس الحيرة برضه عشان 95 غالي بس وانا رايح أرخص العربية في المرور كنت اول مره امونها والراجل بتاع الشركة قالي احط 92 . بالنسبة للتاني والتالت والحاجات دي مع التليين بدأت احس بفرق انها بدأت تبقى اسرع والمتور بدأ يشد ويدي عزم انا حاسس انه اقوى.

حضرتك شوف نسبة انضغاط المحرك عندك كام لو وصلت 11 يبقى لازم 95 :) لو 10 او 10 و نص اعتقد 92 ينفع بس هوة الصح طالما فى الكتالوج كتبين 95 يبقى لازم تحط 95 دول اللى عاملين العربية واكيد مش هنعرف اكتر منهم

**bishoy02010** · 22-03-2009 04:28 PM

المشاركة الأصلية كتبت بواسطة loodaa

وعايز أعرف حاجة كمان لأن دي أول مرة أشتري زيرو. بخصوص الصيانة هو تغيير الفلاتر بعد 5000 كيلو ولا بعد مدة معينة . وهل أعمل فحص على الماء والزيت وضغط الهواء في الكاوتش كل قد ايه ولا برضه بعد 5000 كيلو

حضرتك لما تروح الصانة اول مرة ممكن تشوف كل صيانة بيتعمل فيها إيه ون طريقها هتعرف معاد تغير الفلاتر وكدة فى هيونداى اول صيانة بتبقى عند ال 1000 و بعديها 5000 وبعديها 15000 و 25000 وهكذا اتصل واعرف معاد اول صيانة ليك امتة واعتقد انها هتكون عند الألف

**loodaa** · 22-03-2009 06:31 PM

طب هو انا لما اتصل اتصل بأوماترا اللي اشتريت منها العربية ولا ادور على نمرة التوكيل اللي بيحصل عنده الكشف

**osamavic** · 23-03-2009 12:20 PM

heya el 3arabia betes5aan??...3ashaan dah 3eeb sha2e3 fel fiat
w aih a5bar elsa7b kawii wala 3adi??
3ashan ana fe3lan bafakargedian agebha 5alas w anafad lel gen 2 :)

**loodaa** · 23-03-2009 05:52 PM

هي مابتسخنش معايا رغم اني باسوقها كتير مشاوير للعامرية وبحري من سيدي بشر وعمرها ما سخنت دايما المؤشر واقف على النص من ساعة ماتدور وتمشي لحد ما تبطل وساعتها المؤشر يرجع للصفر. ومع ان الجين2 جميلة مش وحشة الا اني بحب شكل الجراند بونتو اكتر.

**SmartMega** · 24-03-2009 09:38 AM

السلام عليكم
أستاذي الفضل osamavic مين اللي قال ان الفيات بتسخن وأن ده عيب شائع فيها أنا برضه سمعت الكلام ده من واحد قبل كده بس انا مش عارف الناس اللي بتقول الكلام ده بتتكلم علي انهي أساس انا عندي البونتو بتاعتي عمرها ماسخنت معايا والمؤشر دايما بيبقي واقف قبل النص بشرطه وعمره ما بيطلع عن كده
أستاذي الفضل كل دي اشاعات واسأل مجرب ولا تسألش طبيب

**Ahmed Taha** · 24-03-2009 11:27 AM

المشاركة الأصلية كتبت بواسطة nnff909909

وفي لمبة حمرا ورا على الشمال بتتفتح وتتقفل بزرار
مش عارف فايدتها ايه

ولمة برجع مارش لمبة واحدة بس بتنور ابيض

اللمبة الحمرا دي شبورة خلفية عشان إلي وراك يشوفك في الشبورة.

و كل الفيات الجديد فيه لمبة مارشدير واحدة بيضاء.

**loodaa** · 27-03-2009 02:22 AM

الاستاذ nnff909909 ايه يا عم ما بنشوفش تعليقاتك العربية واخداك مننا ولا ايه. العربية عاملة ايه معاك دلوقتي.

**loodaa** · 27-03-2009 04:15 PM

انا بمون العربية بنزين 92 و مكتوب في الكاتالوج بنزين 95 وهي عاملة دلوقتي حوالي 420 كيلو ولما شوفت متوسط استهلاك البنزين لقيته 8.2 لتر لكل 100 كيلو ومشاويري كلها جوة المدينة يعني ما سافرتش بيها, هل دا استهلاك عالي ولا معقول وهل لما احط 95 الاستهلاك حيقل ولا لأ.
وهل سعر ال95 مع الوفر في الاستهلاك حيكون اوفرلي ولا أخليني 92 زي مانا ماشي.
أرجو الرد للأهمية