الموضوع: حد يفيدني علي الجراند بونتو

محدش برضة قال رأيه في توكيل الفيات وهل موتور الجراند بونتو يتحمل 5 افراد ولا حيتعب وألاقي السحب يقل مني خصوصا لو كنت في سفر للقاهرة مثلا وهل العربية تستحمل المطبات والمطالع في مصر ولا لأ وهل التكييف بيأثر علي الموتور بقوة و بيقلل الأداء بتاعة ولا لأ

أنا رسيت على الفابيا بعد ما دخت من الحيرة
1. لأن الفابيا أعلى من الجراند بونتو ودي حاجة مهمة عشان شوارعنا الجميلة

2.أسعار قطع الغيار قارنتها يعني مثلا فانوس الفيات الامامي ب800 أما الفابيا ب500

3. موتورها أقوى ووزنها أقل ودا يهمني لأني بسافر كل يوم للتجمع الخامس

4. الانتيريور مريح جدا وخاماته أفخم من الجراند

والعيوب اللي حستحملها إن شاء الله إن المرايات مش كهربا
والعجل بطاسات مش جنوط ... بس إن شاء الله أغيره بجنوط بس حبة حبة

على فكرة الفابيا فيها جهاز إنذار .... وكمان كلها صاج مفيهاش فيبر خالص ( حسب كلام المبيعات )

أنا روحت أوماترا تاني عشان أشوف الجراند بونتو من جوة وكدة وفوجئت انها زجاج كهرباء امامي فقط و مافيهاش أيكو درايف وانما موجود في البرافو أو الجراند بونتو الكوبيه ولكنها ايطالي بالكامل مش تقفيل تركي وشوفت كمان الفابيا اللي ب89 ألف ولقيتها برضه أقل مما توقعت يعني ما فيهاش التلاجة ومرايات مش كهربا و طاسات بصراحة احترت جدا, خصوصا بعد ما شوفت الرينو سيمبول هي مش في جودة تقفيل الجراند ولكن فيها كل الكماليات و80 ألف المانيوال والموتور 98 حصان و1400 cc فيا ريت حد يساعدني في المشكلة العويصة دي.

أنا شوفت البيرسونا هي اه كماليات وبتاع ولكنها مستهلكة للبنزين بشكل كبير وتقفيلها غير الجراند بونتو خالص ومافيهاش ِabs ولا Ebd , دا غير ان الجراند شكلها رياضي أكتر.وعلى العموم ألف شكر على مشاركتك لأنها فتحتلي سكة البروتون وحشوف الجين2 واقارنها بالجراند وربنا يقدم مافيه الخير.

رينو قطع غيار نااااااااااااااار
والفابيا فيها التلاجة :)