السلام عليكم
بُص يا باشا .
مواتير فيات ... مواتير حلوة و بتطلع عزمها على سرعات صغيرة مما يعني راحة شديدة في القيادة الداخلية ( داخل المدن )
إنما المشكلة أن المواتير الفيات اللي موجودة في مصر خصوصا اللي في البونتو كلاسيك و الجراند بونتو مش بتوع تحميل .
و ده طبيعي جدا جدا لأن العزم على أد الموتور الصغير .
فلو أنت بتقول عندك التحميل كتير ( 5 أفراد ) و بتسافر كتير بيهم .
يبقى أنسى تجيب عربية بموتور صغير علشان العزم هايبقى في الباي باي
إنما لو بتستخدم العربية لوحدك كتير و بتحتاج تحملها بناس اللي هما 5 أفراد لمشاوير قليلة
يبقى طبعا الموتور الصغير مفيد علشان توفير البنزين
بالنسبة للتوكيل الخاص بفيات ... توكيل عادي مش وحش و مش حلو .
لو بتسافر كتير ... و معاك ناس كتير في العربية كل مرة تسافر فيها
يبقى أتفرج على البروتون زي ما أنت بتقول و عندك الجين 2 بتسد في السفر تمام و التحميل و الكلام ده و أستهلاك البنزين معقول جدا جدا في السفر
ممكن تعمل في الصفيحة من 250 إلى 300 كم على سرعة 90
و بصراحة مش عارف مين اللي بيقارن الأفيو بالجراند بونتو ؟؟؟
مفيش وجهة مقارنة
الجراند بونتو أثبت ... تكنولوجيا أحدث ....
ده مش عيب في الأفيو و لكن أنا قلت الفرق من وجهة نظري البحتة.
سعر الجراند بونتو عالي شوية و سعر اعادة البيع ضايع و البونتو كلاسيك في اعادة البيع أفضل منها في النقطة دي .
يبقى تشتري الجراند بونتو في الحالات دي :
مش محتاج تحميل للعربية كتير .
بتسافر أغلب الوقت لوحدك أو معاك واحد بس في العربية .
مش هاتبيع قريب .
و شوف بقى عربية أكبر لو فيه أختلاف في النقط اللي فاتت زي السفر الكتير مع التحميل الكتير
لازم تشتري حاجة 1600 و أنا أرشحلك
النيسان صني .... و البروتون جين 2
المفضلات