خدت مخالفة ...... خش قولنا عليها

**M.Osama** · 17-02-2009 04:59 PM

المشاركة الأصلية كتبت بواسطة R A N A

انا لما جيت ابيع العربية وجيت اطلع شهادة المخالفات كان عندي أمل انها تطلع بدون مخالفات لإني بحاول ألتزم جدا في سواقتي
بس للأسف لاقيته بيقوللي 55 جنيه فسألته دي مخالفة ايه قاللي مخالفة من القانون القديم يإما حزام يإما كسر إشارة يإما موبايل

ولا عرفت كانت فين ولا تاريخها ايه

وعشان المبلغ كان صغير دفعته ومسألتش في أكتر من كده عشان كنت مستعجلة كمان
بس دي المخالفة الوحيدة ليا الحقيقة :k8:

انا اخر شهادة مخالفات عملتها كانت ب 11 الف جنيه وفيها 115 مخالفه

وعملت تظلم ودفعت 800 جنيه :K_crying[1]::K_crying[1]:

**osamaelbaz** · 17-02-2009 09:51 PM

انا اتخدت مخالفة رادار انهردة على طريق بلبيس الظابط قالى كنت ماشى 123 قولتلة لا والله ممشيتشى كدة انا كنت ماشى 160 ودفعنى بردو ال 150 جنية وانا هموووووووت من ساعتها
ا

**dr_darsh** · 17-02-2009 11:03 PM

المشاركة الأصلية كتبت بواسطة cobraa2008

هي ممكن مع امناء الشرطة او مع الظابط بس افرض وقعت مع ظابط عنده اخلاق وعلى فكرة انا الظابط اللي مسكني سرعة كانت في قمة الاخلاق كان واحد عايز يخلص معاه ب25 بدلا من 50 كان هايوديه في داهية

على فكرع الطريقه دى اوقات كتيره بتنفع مع الضباط
فى يوم قالبلنى واحد صاحبى ولقيته بيقوللى هو نسر ودبورتين يعنى ايه قلتله عقيد قاللى يعنى مش امين ولا صول قلتله ايه ياعم فيه ايه باقولك عقيد تقوللى صول
قاللى انا دخلت كمين و مش رابط الحزام وكنت بأتكلم فى الموبايل وده كان كمين ثابت مباحث فى الغالب المهم لقي تامين الشرطه بيقفنى وبيقوللى الرخص وانزل كلم الباشا علشان هو قال امسك العربيه دى بيقول نزلت ولقيت اللى كان قاعد كان معلق نسر ودبورتين المهم قلتله خير قالوا موبايل وحزام قال هوه ده مش كمين مباحث ايه دخله بالمرور والحزام والموبايل طبعا الضابط قاله يعنى انت داخل كمين ومش عاوز تربط الحزام وتسيب الموبايل لحد ما تعدى عادى ياعم أجيبلك ضابط مرور دلوقتى قاله طيب وبعدين قاله انت بتشتغل ايه قاله دكتور ..... قاله طيب راضى الأمين
صاحبى طلع 20 جنيه وحطها قدام العقيد وقاله الأمين كده مرضى
راح مديله الرخص وقاله ماشى .....!!!!

قاللى ده معقول عقيد يقول راضى الأمين أكيد صول بس انت اللى مش واخد بالك

**dr_timo** · 18-02-2009 07:13 AM

المشاركة الأصلية كتبت بواسطة dr_darsh

على فكرع الطريقه دى اوقات كتيره بتنفع مع الضباط
فى يوم قالبلنى واحد صاحبى ولقيته بيقوللى هو نسر ودبورتين يعنى ايه قلتله عقيد قاللى يعنى مش امين ولا صول قلتله ايه ياعم فيه ايه باقولك عقيد تقوللى صول
قاللى انا دخلت كمين و مش رابط الحزام وكنت بأتكلم فى الموبايل وده كان كمين ثابت مباحث فى الغالب المهم لقي تامين الشرطه بيقفنى وبيقوللى الرخص وانزل كلم الباشا علشان هو قال امسك العربيه دى بيقول نزلت ولقيت اللى كان قاعد كان معلق نسر ودبورتين المهم قلتله خير قالوا موبايل وحزام قال هوه ده مش كمين مباحث ايه دخله بالمرور والحزام والموبايل طبعا الضابط قاله يعنى انت داخل كمين ومش عاوز تربط الحزام وتسيب الموبايل لحد ما تعدى عادى ياعم أجيبلك ضابط مرور دلوقتى قاله طيب وبعدين قاله انت بتشتغل ايه قاله دكتور ..... قاله طيب راضى الأمين
صاحبى طلع 20 جنيه وحطها قدام العقيد وقاله الأمين كده مرضى
راح مديله الرخص وقاله ماشى .....!!!!

قاللى ده معقول عقيد يقول راضى الأمين أكيد صول بس انت اللى مش واخد بالك

هههههههههه لا لا واسعة منه اوي حكاية راضي الامين دي

**M.Osama** · 18-02-2009 09:52 AM

المشاركة الأصلية كتبت بواسطة dr_darsh

على فكرع الطريقه دى اوقات كتيره بتنفع مع الضباط
فى يوم قالبلنى واحد صاحبى ولقيته بيقوللى هو نسر ودبورتين يعنى ايه قلتله عقيد قاللى يعنى مش امين ولا صول قلتله ايه ياعم فيه ايه باقولك عقيد تقوللى صول
قاللى انا دخلت كمين و مش رابط الحزام وكنت بأتكلم فى الموبايل وده كان كمين ثابت مباحث فى الغالب المهم لقي تامين الشرطه بيقفنى وبيقوللى الرخص وانزل كلم الباشا علشان هو قال امسك العربيه دى بيقول نزلت ولقيت اللى كان قاعد كان معلق نسر ودبورتين المهم قلتله خير قالوا موبايل وحزام قال هوه ده مش كمين مباحث ايه دخله بالمرور والحزام والموبايل طبعا الضابط قاله يعنى انت داخل كمين ومش عاوز تربط الحزام وتسيب الموبايل لحد ما تعدى عادى ياعم أجيبلك ضابط مرور دلوقتى قاله طيب وبعدين قاله انت بتشتغل ايه قاله دكتور ..... قاله طيب راضى الأمين
صاحبى طلع 20 جنيه وحطها قدام العقيد وقاله الأمين كده مرضى
راح مديله الرخص وقاله ماشى .....!!!!

قاللى ده معقول عقيد يقول راضى الأمين أكيد صول بس انت اللى مش واخد بالك

لا لا معتقدش

**ahmad5997** · 18-02-2009 02:34 PM

في الملف اللي تحت كوبري السيدة عائشة نقيب ابن حلااااااااااال قوي بيوقف العربية اللي تعدي من قدامه مش اللي مخالفة بس
المهم وقفني لقاني لابس الحزام لف لفتين حولين العربية وشاور علي العربية من قدام وقالي ايه ده
طبعا انا جوة العربية ما نزلتش قولتله في ايه بتشاور علي ايه
قالي ايه ده تاني وكأنة بيشاور علي حاجة غير معروفة في الوسط المروري كله
المهم قولتله ايه دي يعني في واحدة من غير هدوم قدام العربية ولا ايه مش واخد بالي
قالي انزل نزلت ابص هو بيشاور علي ايه لقيته بيشاور علي النمر اللي قدام وبيقولي مالها باصة لتحت ليه كده
قمت ماديد ايدي وبعليهالو شوية وقولتلو معلش تلاقيها وانا بركن خبط في الرصيف ولا عيل بلعب كورة جت فيها معلش
قالي 50 جنية
ليه
كده
ياعم خلاص رفعتلك النمر اهي
قالي معاك طفاية
لا
50 جنية يا بيه
قمت مديلو ال 50 وكتب محضر التصالح
اخوكو بقي مش قادر يسكت
قمت قايلو انت مالك بتمسك الفلوس كده ليه انت عمرك ما شوفت فلوس قبل كده
وشديت الرخص منه ومشيت
وحسبي الله ونعم الوكيل

**karaktar** · 18-02-2009 04:02 PM

150جنيه
تعيد السرعة المسموح بيها فى طريق السويس

والرادارلقتنى على سرعة 109كم

**karimone** · 18-02-2009 04:07 PM

مخالفاتي كانت
1- حزام أمان عند سوق العبور... سحب رخصة القيادة ...100 جند
2- طمس لوحات في اول الطريق الزراعي في طريق العوده للقاهره... سحب رخصة السيارة... 100 جند
3- سحب رخصة القياده علشان منتهيه علي طريق الفيوم... 100 جند

**cobraa2008** · 18-02-2009 10:17 PM

ييييييييييييااااااااااااه اغلب المخالفات في النتدي
1- سرعة
2- استيكر
3- حزام
4- تليفون
5- لوحات

يلا بصراحة انا حاسس ان بصراحة
1- مفروض يحسنه الطرق زي مابيعملوا في الصحرواي دلوقتي لان العربيات بقت في مصر نسبة كبيرة منها فوق موديل التسعين اذا الواحد سعات مايقدرش يتحكم في نفسه لو الطريق فاض
2- وضع لوحات تحذيرية زي اللي على المحور
موش تتصور وتلبس في 150 جنيه على طول واساسا هما ساعات في طرق مافهاش علامات تدل على وجود اقصى حد للسرعة

**dr_darsh** · 19-02-2009 01:23 AM

هههههههههه لا لا واسعة منه اوي حكاية راضي الامين دي

لا لا معتقدش

والله الموضوع انا حكيته زى ما اتحكالى بالضبط
طيب هأقولكم حاجه تانيه انا ليه واحد صاحبى دكتور فى مستشفى المطريه التعليمى عند الميدان كان فى حمله وصاحبى ده كان رابط الحزام وكل حاجه معاه تمام الأمين وقفه وقاله الرخص وهو كان حاطط الرخص فى المحفظه المهم طبعا علشان يجيب المحفظه فك الحزام وطلع الرخص الأمين قاله اركن قاله ليه يا عم .... تخيلوا ليه حزام قاله ماانا كنت رابطه قاله مش ليه دعوه كلم الضابط نزل كلم الضابط وحكاله اللى حصل قاله معلهش اتفضل الوصل وسحب الرخصه وده كان قبل القانون الجديد

حاجه تانيه بعيد عن قانون المرور ودى حصلت مع ابن عمى وانا كنت معاه فى راس البر من سنتين تقريبا كنا ماشين فى الشارع اللى على كورنيش النيل انا وأختى ووالدتى وابن عمى ومراته المهم دخلت محل مع أختى لقيت والدتى بتقوللى الحق بسرعه فى ناس عاوزين ياخدوا ابن عمك طلعت جرى لقيت واحد لابس مدنى وماسك البطاقه بتاعته باقوله فى ايه وقالى ولا حاجه اجراءات أمن المهم انا مش فهمت لقيت بوكس واقف وركب ابن عمى فيه ولقيت فى البوكس ناس نضيفه مش المهم قالى روح أوصل مراته ووالدته للشاليه بتاعنا ... رحت وصلتهم وانا لسه هأرجعله لقيته بيتكلم بيقوللى انتوا فين قلتله أنا وصلتهم وجايلك قاللى لأ مش تيجى أنا جاى خلاص ... انا استغربت ده مش كمل 5 دقائق فيه ايه مش عارف ... المهم وصل للشاليه بعد ما كلمنى ب 10 دقائق تقريبا وباقوله ايه اللى حصل قالى احنا رحنا القسم ودخلونا فى مكتب واحد جالنا وهو ماسك البطايق بتاعتنا وقال مش عليكم حاجه كل واحد يطلع 5 جنيه رسوم المحضر اللى اتعمل .. طبعا كل واحد طلع 5 جنيه وحطوها على المكتب وخدوا البطايق ومشيوا من غير وصولات ولا محاضر ..انا بعد مارجعت باحكى لأخويا الموضوع ده قاللى واحد صاحبه لسه حاصل معاه الموضوع ده من أسبوعين...تسموا ده ايه بقى .. انا اسميها جبايه حاجه عامله زى الإتاوه اللى كان بيلموها الفتوات زمان ....!!

الموضوع: خدت مخالفة ...... خش قولنا عليها

LinkBack

أدوات الموضوع

عرض

-

-

-

-

-

المواضيع المتشابهه

قولنا سوقت ايه

قولنا خبرتك فى جلب مقصات النوبيرا

واحد غبي اشترى جزمة جديدة خاف عليها تتوسخ قام لبس الشراب عليها من بره ...!!!

بتركب ريس قولنا اية السبب؟؟؟؟؟

لـــو عندك مشكلة في اللوجان ... من فضلك ادخل و قولنا عليها ...

الكلمات الدلالية لهذا الموضوع

المفضلات

المفضلات

ضوابط المشاركة