خدت مخالفة ...... خش قولنا عليها

**A.Elsheikh.01** · 19-02-2009 03:10 PM

كانت اول واخر مخالفه ان شاء الله
وهى كانت سرعه وبسبب عربيه كنت بجربها وعلى طريق معرفوش
وكنت ماشى ساعتها على ال130 بس اول ما حسيت ان العربيات الى قدامى خففت السرعه خففت قبل الرادار الى كان واقف زى قرد قطع فى الطريق لحد ما وصلت لسرعه 94 بالضبط
وخففت بالعافيه علشان كان فيه باصات كتير على الطريق ومعندهمش تفاهم
عاملين زي الكلاب الى بتجرى ورا قطه كل ما اخف السرعه الاقيهم قربو يلزقو فيا :))
ولما وقفونى ملاقيتش معاهم دفتر المخالفات الفورى مع العلم انه كان اليوم الرابع من تطبيق القانون الجديد يوم 4/8/2008 و لجل الحظ لما لقيت انهم مش موجود عندهم الدفتر قولت العمل ايه قالولى اروح الوحده اجيب رخصتى من هناك بال150 جنيه
بيني وبينكم كنت خلاص ههبش فيهم
المهم
اعدت اسبوع والرخصه مكانتش راحت الوحده وسافرت الشغل وبعت مع واحد قريبي يجيب الرخصه اتاريها راحت المحكمه وخلصها على 302 جنيه بالضبط
يبقى احنا اكيد اكيد فى مــــــــــــــــــصٌر :)

**Amrrr** · 19-02-2009 03:17 PM

انا مرة بعد كارتة اسكندرية الأمين بعد مامسك الرخص في ايدة قاللي
- ماشي بسرعة ليه ؟
-انا بتلقائية رحت قايلله عايز الحق الفطار !!كنا في رمضان ساعتها!!
-قاللي طب اركن على جنب ولسة هاركن لقيت صاحبي اللي جنبي قاللي : اسأله اتصورنا فين وعلى كام ؟!؟!؟
لما سألته حسيت انه اتفاجئ بالسؤال - مش عايز أقول ارتبك لأن انا اعصابي كانت بايظة ساعتها وانا اللي كنت مرتبك لحد ماشفت منظره بعد ماسألته - فحسيت انه بيهجص وعايزني أركن بقوله
- فين
-قاللي : قدااااااااااااام - بعد الظباط اللي قاعدين
وماقالشي انا اتصورت على كام
رحت فاتح له المحفظة وطبعا شاف الفلوس اتهبل وقال هيشد له ورقة - ماكانتشي فلوس كتير ولا حاجة - وضحكتله وانا بقول له : رجع الرخص في المحفظة . . . . .وسكتت - قام حاططها قلتله سلام ومشيت ومفتحشي بقه طبعا وكان عمال يبص على الظباط اللي قاعدين ومحدش فيهم باصص عليه!!
بصراحة اللي جرأني أمشي كان معانا عربية تانية محدش وقفه واحنا ماشيين طول الطريق على 100 وجرينا حبة في الأول بعد الكارتة مصر بس ولقيت صحابنا واقفين مستنيينا بعد الكمين على طول ومحدش نزل من العربية عندهم ففهمت الاشتغالة
آسف طولت

**Amrrr** · 19-02-2009 03:23 PM

انا مرة بعد كارتة اسكندرية الأمين بعد مامسك الرخص في ايدة قاللي
- ماشي بسرعة ليه ؟
-انا بتلقائية رحت قايلله عايز الحق الفطار !!كنا في رمضان ساعتها!!
-قاللي طب اركن على جنب ولسة هاركن لقيت صاحبي اللي جنبي قاللي : اسأله اتصورنا فين وعلى كام ؟!؟!؟
لما سألته حسيت انه اتفاجئ بالسؤال - مش عايز أقول ارتبك لأن انا اللي كنت مرتبك لحد ماشفت منظره بعد ماسألته - فحسيت انه بيهجص وعايزني أركن بقوله
- فين
-قاللي : قدااااااااااااام - بعد الظباط اللي قاعدين
وماقالشي انا اتصورت على كام
رحت فاتح له المحفظة وطبعا شاف الفلوس اتهبل وقال هيشد له ورقة - ماكانتشي فلوس كتير ولا حاجة - وضحكتله وانا بقول له : رجع الرخص في المحفظة . . . . .وسكتت - قام حاططها قلتله سلام ومشيت ومفتحشي بقه طبعا وكان عمال يبص على الظباط اللي قاعدين ومحدش فيهم باصص عليه!!
بصراحة اللي جرأني أمشي كان معانا عربية تانية محدش وقفه واحنا ماشيين طول الطريق على 100 وجرينا حبة في الأول بعد الكارتة مصر بس ولقيت صحابنا واقفين مستنيينا بعد الكمين على طول ومحدش نزل من العربية عندهم ففهمت الاشتغالة
آسف طولت

**أشرف العدوي** · 19-02-2009 04:44 PM

انا خدت مخالفتين وقوف في الممنوع
منهم واحدة غبية قوي كنت راكن عمودي على يافطة ممنوع الانتظار
و مرة كنت ماشي على كوبري الجامعة الساعة 3 باليل
و في كمين رخم قوي بيقف هناك
بس انا في السليم و كنت لسة مطلع بدل تالف تصريح مؤقت في اليوم ده
لقيت الظابط شاورلي وراح باصص على الاكصدام الامامي بسخرية كدة
و قالي الرخص
لسة هطلعلوا الرخص (ملحوظة :- انا بفرح قوي لو حد شاف رخصتي لان و الله عمري ما وقفت في كمين و حد قالي رخص خالص مش عارف ليه كلهم بيقولولي عدي)
لقيته راح باصصلي و قالي بقولك ايه
قولتله أئمرني
قالي ابقى ادهن النمر الي قدام علشان مش باينة خالص و اتكل على الله
و انا هقول لسيادتة العميد انك ظابط
قولته الف شكر يا فندم
بس كان نفسي يشوف الرخص
انا بمشي باليل في الحتت الي فيها لجان علشان رخصي تتشاف و بردو ما فيش فايدة
كوبري الجلاء و كوبري الجامعة و اخر الهرم و اخر فيصل
و عمر ما حد شافها
ده مرة قدام مرور العجوزة واحد رتبة ملحتش اشوفها شاورلي و لسة هركن لقيته بصلي و قالي عدي يا برنس اه و الله

**أشرف العدوي** · 19-02-2009 04:58 PM

يا عم احمد ربنا مش احسن لما يشوفوا الرخص و يسحبوها و بعد كده تدوخ عليها لحد لما تجبها...

ماشاء الله انت حظك حلو...

اه و الله فعلاً حظي حلو
مع ان ساعة كوبري الجامعة كان شكلي مسجل خطر و كنت نازل بلبس البيت و شكلي مش و لا بد خالص

**samirayad** · 19-02-2009 08:32 PM

هى مخالفة رادار واحده......وكانت ظالمه على طريق مصر-الأسكندريه الزراعى.............

وسبحان الله لما بأديها سرعه ميحصلش مخالفات ....ولما أعمل حساب لليله دى تحصل المخالفه........فعلا هي نصيب.....لأن كل اللى على الطريق مخالف للسرعه القانوتيه

**derwish** · 19-02-2009 10:45 PM

1-يوم 15/2/2009 سايق من غير رخصة العربية كنت جنب البيت في المقطم شورتلو على العمار بتاعتي قولتلوا هطلع اجيب الرخصة مرضيش قلتلو ادفع فوري قاتلي روح ادفع في مرور عين الصيرة وطالعو عيني عقبال ماخدتها في الاخر من مرور البساتين50 جنيه غير الرشوة.
2-كسر اشارة الملك الصالح 300 جنيهبس دي دفعتها بعديها بكتير ومخدش الرخصة
3 رادر على الطريق الدائري اول ماتطلع من طلعة السويس في اتجاه المعادي يوم الجمعة الساعة 11 قبل الصلاة بس جبتها كوسة
دول 2008