الموضوع: خدت مخالفة ...... خش قولنا عليها

قانون المرور الجديد هي مخالفه واحده بس للاسف

رادار على طريق اسكندريه وانا راجع كان قبل كارته مصر بشويه

اتمسكت رادار 161 ودفعت فوري 150 جندي ولسه زعلان لحد دلوقتي الموضوع كان من ليله راس السنه
والامين اول ماشاف العربيه داخله على الكمين وراح واقف قدام العربيه واقف ياعم وانا بضحك بقوله هركن طيب قالي انسى طلع الرخص الاول وبعدين اعمل الي انت عايزه

اتمسكت مره في اول عباس على الحزام بس الضابط كان حته عسلايه ومشاني من غير اي حاجه
ومره في جامعه الدول وبرضو مشيت بس كان النمره الي قدام بايزه جدا
الضابط قعد يهيس معايا شويه وقالي امشي

انا بقي الحمدلله علي كل شئ خدت مخالفتين
1- كانت مخالفة حزام وكانت في شارع ترسا في الهرم ودي كنت لسه مطلع الرخصة بقالي يوم والحظ السئ ان كان اول مرة يعملو لجنة في الشارع ده وبعد كده مبقتش تقف تاني (الظاهر كانو مستنين ان انا اطلع الرخصة) ومدفعتش فوري سبتهم يودوها المرور

2-كانت ردار علي طريق مصر اسكندرية في العيد الكبير الي فات ده كنت ماشي علي سرعة158كم وبرده مدفعتش فوري روحت استلمتها من مرور القوات المسلحة اصل انا هناك

الحمدلله مفيش مخالفات تاني لحد دلوقتي

انا لما جيت ابيع العربية وجيت اطلع شهادة المخالفات كان عندي أمل انها تطلع بدون مخالفات لإني بحاول ألتزم جدا في سواقتي
بس للأسف لاقيته بيقوللي 55 جنيه فسألته دي مخالفة ايه قاللي مخالفة من القانون القديم يإما حزام يإما كسر إشارة يإما موبايل ولا عرفت كانت فين ولا تاريخها ايه وعشان المبلغ كان صغير دفعته ومسألتش في أكتر من كده عشان كنت مستعجلة كمان
بس دي المخالفة الوحيدة ليا الحقيقة :k8:

المشاركة الأصلية كتبت بواسطة دينا أبوالعلا

:k8:
:k48::k48::k48:
حلوه دي يعني اي مخالفه وخلاص المهم تدفعي
وحشاااااااااااااااني يا رانا :k8:

انتي كمان وحشاني يادينا :k8:

ماهو اللي فرسني إنه محددليش هي مخالفة ايه ولا فين حتى ولما اخدت الشهادة مالقيتش مكتوب فيها غير مخالفة واحدة وخالصة الدفع.
وانا بيني وبينك كسلت اعرف باقي التفاصيل قلت يالا اهو 55 جنيه مبلغ بسيط مش مستاهل يعني اني اقعد اعافر وخصوصا اني كنت مستعجلة فعلا وعايزة اخلص.

اللذيذ بقي ان مبلغ المخالفة اصلا كان 50 جنيه بس وهما حاطين ايصالات تبرع لمعرفش ايه كده ب 5 جنيه
عادي يادينا بقي أكتر من كده وربك بيزيح :k38: