الموضوع: مشاكل البنزين و كيفية حلها

المشاركة الأصلية كتبت بواسطة eldeplomasy

انظف محطة بنزين تحط منها هي امارات مصر فقط
حتى لو هتمشي مسافة علشان تفول منها بس البنزين بتاعها ميه ميه ولما بحط بنزين من محطة غيرها بحس ان العربية اتلخبطت جدا

و الله حضرتك عندك حق بس الفكره ان امارات مصر عندنا في اسكندرية في منطقة محرم بك و هي لحد ما بعيده شوية عن مناطق تواجدي بالعربية ودائماً الواحد بيكون وسط البلد فبيطر يحط من سموحة وبصراحة انظف محطة في سموحة اسو بصراحة محترمة جداًجداً
والف شكر ليك يا باشا علي الرد

المشاركة الأصلية كتبت بواسطة SE_coralsea

هو طبعا المشكلة اللي حصلت عندي زي ماقولت بسيطة و حلها كان سهل , لكن لو كمية المياه أو الشوائب كبيرة في البنزين أو التنك فهي بالتأكيد هاتروح من الطلمبة الي الفلتر و في الغالب الفلتر سيحتجزها و لكن مع حدوث سدد بالفلتر , لذا أنصحك بالأتي:

1- حاول تفرغ التنك من البنزين الموجود به حاليا
2- تغيير الفلتر
3- وضع كمية مناسبة من البنزين فوق الربع و ليس تفويل (من محطة موثوق بها)
4- السير بالعربية لمسافة علي أحدي الطرق المفتوحة بسرعة عالية (120 كم/ساعة) و محاولة رفع عدد لفات المحرك لأكثر من 4000 لفة/دقيقة و لكن علي فترات متقطعة كل متقطعة في حالة الغيار الرابع
5- بصراحة أنا غير مقتنع بمنظفات الرشاشات لأني جربتها مرة واحدة و لم أجد منها نفع و أخشي أن يكون لها ضرر (لم يرد ذكرها في أي مانوال لأي سيارة قدتها حتي الأن)
6- بعد ذلك أذا حدث تحسن لأداء المحرك يمكن تفويل التنك و عدم السماح لمستوي البنزين للنزول الي أقل من الربع مرة أخري

ياباشا ان مش عارف اقولك ايه علي النصائح الغاليه دي ربنا يباركلك
بالنسبة لموضوع الطرق المفتوح امبارح فعلاً العربية طلعنا بيها لغايه مدينة السادات وبصراحة في فرق جامد في الاداء ولكن علشان كنا تنخلص من موضوع الشوائب و المياه دي بالطريقة العادية بمعني اننا نصبر علي العربية لغايت لما تبخر المياه دي او الرواسب متعطلش الدواره كان موضوع مؤلم اوي وخصوصاً ان العربية جديده ولسه معنديش قلب اني افك بنفسي وكدا بس الحمد لله
بس عايز اقولك انها كانت حاجة مؤلمه جداً والله
ولك جزيل الشكر ....

المشاركة الأصلية كتبت بواسطة rembrandt

عليك وعلى محطة شيل

والله حضرتك عندك حق برده و هي من المحطات الي بتنافس امارات مصر
ويمكن تكون منتشره الي حد ما عن امارات مصر
وانا كان ليا تجربة ايجابيه معاها
كنت مره راجع من العاشر و دخلت ال MASTER و فهناك في Shell دخلت فولت منها وكملت علي اسكندرية بصراحة اداء العربية كان روعه علي الطريق
شاكر جداً ليك علي المشاركة