الموضوع: كل العربيات الصينية فاشلة وسيئة وسعرها مرتفع

المشاركة الأصلية كتبت بواسطة meshmesh78

سيدى الكريم
أولا المسألة مش تلبيخ ولا شئ هى بس الواحد ميتسرعش ويحكم بدون تجربة لأن الكلام ده بيبقى عارى من الصحة
وده اللى ممكن يزعل وبالأخص ان العربية دى اللى شرينها ناس أفاضل جدا أطباء ومهندسين وظباط وشرائح من المجتمع محترمين جدا فلايصح أن نحكم بشكل مجمل وبلا تجربة.
الأمر الثانى انت حكمت من الفيديو اللى انت وضعته فى مدخلتك وللعلم السيارات دى بيدخلوها الإختبارات دى علشان تدخل السوق الأوروبية وللعلم أيضا أن البريليانس بالفعل بعد الإختبار اللى انت اشرت إليه قامت بعمل اعادة تصميم لسياراتها وللعلم السيارة خضعت لإختبار آخر ونجحت وبتسوق فى أوروبا الآن ولو انت متابع للدورى الألمانى حتشوف إعلانات البريليانس فى المباريات .
الأمر الثالث ممكن حضرتك تنزل لأى معرض وشوف البريليانس صاجها عامل ازاى وقديه محمل وممكن تسأل البائع وتسأله عن سمك الصاج اللى فى البريليانس وشوف حيقلك ايه.
الأمر الأخير فهو اننا بنرحب بيك وتحت أمرك فى أى استفسار علشان متحكمش بلا تجربة.

شكرا على زوئك وباين ولاهى ان كل الناس فى المنتدى محترمين

ممكن اقول رأيي؟؟
في بدايه الموضوع خالص الاستاذ بيقول عربيه 2500cc و 107hp دي عربيه 4*4و مش قياستها زي عربيات الركوب العاديه ,, ياريت حضرتك تسأل علي الجيب الشيروكي 3700 cc و 113hp ده طبعا مالهوش علاقه بصيني ولا مش صيني بس حبيت اعلق علي حاجه حضرتك كتبتها,, تاني حاجه مدام كل واحد حابب عربيته يبقي مبروك عليه انا شايف ان مش من حق حد انه يلوم التاني انه اشتري صيني ولا كوري ولا اي حاجه ,, تالت حاجه ماتتوقعش عوامل امان من عربيه تحت ال 100 الف جنيه في مصر,, رابع حاجه معلش يا جماعه الناس الي بتقول العربيه دي صاجها تخين ولا محمل ده مش مقياس للأمان نهائيا ,, لأن مش كويس ان لما العربيه تتخبط ماتتكسرش الكويس ان التكسير مايوصلش للجوا الكابينه ,, طيب قولي كده لما يبقي صاج العربيه قوي و مايتكسرش تأثير الخبطه حيروح فين ؟؟ مش لكل فعل رد فعل ,, يبقي رد الفعل ماقدرش علي الصاج يبقي حيقدر علي البني أدمين الي جوا ,, اسف علي الاطاله و يارب اكون اقدرت اوضح وجهة نظري