الموضوع: كل العربيات الصينية فاشلة وسيئة وسعرها مرتفع

المشاركة الأصلية كتبت بواسطة khaledazizeg

اولا انا اسف على تأخيرى فى الرد
العربية ما شاء الله بأخد بيها غرز وملفات جامدة وبسرعات عالية وما شاء الله ثبات تحفة
وكلامى داه بعد ركوب الجيتز واللانوس
والفرامل ما شاء الله عليها انقذتنى مرتين فى يوم واحد من انى اموت 2 بيعدوا الشارع

الكلام دة سليم 100*100 و انا عندي واحدة و مكنتش متوقع انها هتكون ثابتة كدة , الفرامل بردة كويسة جدا و بتقفش في الارض بس لازم تدوس جامد شوية علي الدواسة يعني مش بالمس.

الجامد جدا ان الموضوع اتحول من نقد للعربيات الصينى الى قصايد شعر في فخامة وجمال frv وكاننا بنتكلم عن اللامبورجينى وعن لامواخذة عفانه الكوري كاننا بنتكلم عن عربيه زبالة وبلذات الافيو وده فية ظلم كبير للافيو الظاهر ان الاية اتقلبت

اكيد مفيش حد شايف انها لامبورجيني و لا حاجة بس يتهيئلي اصحاب العربية بما فيهم انا بنشكر فيها لان مكنش حد متوقع انها تكون اداءها بالجودة دي (تقارن بالكوري و الياباني), كل الناس كانت منتظرة بعض المفاجاْت السيئة بالنسبة للاداء علشان صيني طبعا.
دلوقتي الاداء معروف لينا و طلع ممتاز, استحمال العربية علي المدي الطويل هو المش معروف !
بالنسبة للكوري طبعا جيد جدا و خصوصا الهيونداي يليها الكيا.
اما الافيو هيا اللانوس و هما الجوز مشاكلهم كتير و دة رأي و لولا اختلاف الاراء لبارت السلع.

المشاركة الأصلية كتبت بواسطة eslamwega

نفس افهم ازى فى عداد قليل من الناس بيرمى فلوسه فى العربيات دى
دى شكل وبس

انا شايف حضرتك عرفت انها شكل بس.
هو حضرتك جربت سواقت العربية او حتي ركبتها و هيا ماشية ام اتفرجت عليها في معرض و عرفت انها شكل بس!
اي عربية فيها 3 حاجات رئيسية " الشكل و الاداء و الاستحمال"
الشكل تقدر تقيمة بالنظر و الاداء طبعا بالتجربة و الاستحمال نقدر نعرفة علي الاقل بعد سنة"
يا ريت حضرتك تقول لنا قيمت العربية ازاي علشان نستفيد