الموضوع: كل العربيات الصينية فاشلة وسيئة وسعرها مرتفع

المشاركة الأصلية كتبت بواسطة eslamwega

حضرتكم مش شايفين وسامعين الشكاوى بتاعتها
بتصفر فى الفرامل والكبوت مش قافل على الفوانيس الى قدام
وفى مشاكل فى القوايم الى وراء عند الشنطة ولسة بقالها معكم 4 اشهر وعمالين تشكورا فيها على اساس اية مش فاهم اقل واجب عشان تقدر تقيم العربية سنه ونص فى السوق ولا هو من مبداء محدش يهاجم الحاجة الى ركبها ولو حتى 127
يريت كل واحد منا يسيب العواطف على جانب ويتكلم بمنطقية معنى الكلام اصلا دلوتى مينفعش لازم العربية تتبهدل شوية وتقدم وبعدين نقول لا والله العربية زى الفل استحملت وبتاعت شغل او نقول لا العربية كانت حلوة فى الاول ودلوقتى لا
عشان كدا اقصد ان اى حد يشترى حاجة بدرى اوى كدا بيخذف ويرمى فلوسة
ويصابت يا اتنين عور مع احترامى لكل اصحاب السيارة بس العامل الوحيد الى يقدر يقيم العربية دى هو الوقت (سنه كمان كدا بالميت )

عندك حق ان المفروض كل واحد يتكلم بصراحة في الحاجة الي عندة و الي مش عندة بس لازم الكلام بردة يكون عن تجربة و في كام نقطة عايز اوضحهالك :
واضح ان حضرتك مشفتش العربية و ما جربتهاش و رأي ان حكمك انها ماتستاهلش الفلوس علشان العيوب الفظيعة الي سمعتهاا يبقي راْي سطحي جدا .
اولا مفيش عربية من غير عيوب.
و بالنسبة للعيوب الي قولتها:
1- عيوب صفارة الفرامل دية حاجات فردية و بعدين الصفارة دية بتكون بسبب سوء خامة تيل الفرامل او تراب علي تيل الفرامل يعني مش في اساسيات العربية.
2- موضوع الكابوت الي بتتكلم علية شوف اي صورة علي الانترانت هاتلاقي ان التصميم كدة دة مش عيب و في عربيات كتير جديدة تصممها كدة.
3- مفيش عيوب اصلا في قوايم الشنطة.
و بعدين حضرتك بتناقد كلامك لانك قولت انها ماتستاهلش الفلوس و بعدين قولت "مع احترامى لكل اصحاب السيارة بس العامل الوحيد الى يقدر يقيم العربية دى هو الوقت (سنه كمان كدا بالميت )" و هو دة الكلام السليم بالنسبة للاستحمال و انا معاك, بس كمان عايز اقولك ان كل واحد مختلف عن التاني يعني في واحد ممكن يجازف و واحد لا, دي حاجة في كل شخصية.
و راجع كل مواضيع المنتدي الي ملاك السيارة بيتكلموا عليها هاتلاقيهم بيتكلموا علي أداء السيارة و خاماتها و شكلها و دة يتهيئلي نقدر نحكم فية الان علما ان الكلام عن الاداء لازم يكون عن تجربة " يعني تكون سوقتها او علي الاقل ركبتها و مشيت بيها"

انا بفكر مدخلش المنتدى تانى لان الحوار بقى عبارة عن خناقة شويت ناس مش عجباهم العربية يدخلوا يجيبو العربية الارض و ناس تانيةعاها ترفعها السما يا ناس دى مهما راحت و جت دى عربية و مافيش حاجة كاملة
الموضوع بقى عبارة عن منافسة مين الى يثبت للتانى العربية وحشة ولا حلوة و ناس عمالة تطرد و ناس عمالة تشتم فى بعض انا بسراحة كدة مش شايف ان الموضوع بقى مفيد و الدخول علية بقى ملوش لزمة

الشيروكي 205 V6 3.7 Hp

المشاركة الأصلية كتبت بواسطة eslamwega

اوك ماشى عشان منفضلش نجادل مع بعض ونلف فى حلقات مفرغة انا هاخد من كلامك الى الحاجات الى الى احنا متفقين فيها وهى عامل الوقت يعنى نفترض انا مهوس بالعربية دى وبنام وبصحا عليها بردوا مش هشتريها غير بعد سنه بالقليل

علشان منفضلش نجادل زي ما حضرتك قولت,انا حاتكلم علي النقطة الاولي الي ذكرتها و دية تبع شخصية كل واحد : في ناس عندها استعداد تاخذ مخاطرة بعد دراسة شديدة ( او طبعا ممكن ناس تخاطر بدون اي دراسة و هذا خطاء), و ناس تاني تخاف من اي المخاطرة و متاخذش قرار الا بعد التأكد الشديد و اخذ اراء و تجارب الاخرين.
و طبعا دة متقدرش تقول اي نوع احسن لان اي انسان ممكن يخطاء القرار.
و ياريت فعلا كل واحد فينا يقول الي يعرفة بدون اي نوع من انواع التحيذ, المفروض اننا بنستفيد من خبرات بعض :)

يا جماعة هدوء لو سمحتوا
انا بصيت على العربية من جوة حسيت التشطيب بتاعها (فنيشينج) بيئه اوي عامل زي العب الأطفال دي اف ار في
و في ملحوظة لما تنزل من عربية فئة لأخرى بتحس بالفرق
كان معى لادا لما ركبت لانوس حسيت بالفرق و لما ركبت النترا حست بفرق كبير جدا و من كام يوم لما سقت اوبترا حسيت انها مش عربية و ناشفة و عافشة زفت و الدريكسون ناشف و بتحس بكل حاجة فى الأرض و لما ركبت مرسيدس بتاعت واحد صديقى اكتئبت من النترا
وشكرا